'किंग कोहली'चा नवा लूक; फोटो पाहून महिला फॅन्स काय, तुम्हीही व्हाल घायाळ...

Virat Kohli News : भारताने नुकतीच चॅम्पियन ट्राॅफी जिंकली. आता आयपीएल-२०२५ सुरु होणार आहे. भारताचा स्टार फलंदाज विराट कोहली राॅयल चॅलेंजर्स बंहळुरुसाठी खेळणार आहे. चॅम्पियन ट्राॅफीतून सवड मिळाल्यानंतर आता किंग कोहलीने आपला लूक चेंज केला आहे. हेअरस्टाईल व दाढीचा कट बदलला आहे. किंग कोहलीचा हा नवा लूक पाहून त्याचे चाहते वेडे झाले आहेत.

चॅम्पियन ट्राॅफीत घातला धुमाकूळ

नुकत्याच संपलेल्या चॅम्पियन्स ट्रॉफीमध्ये विराट कोहलीने भारतासाठी अनेक महत्त्वाच्या खेळी केल्या. त्याने या स्पर्धेत उत्कृष्ट फलंदाजी केली आणि भारताला अंतिम फेरीत पोहोचण्यास मदत केली. त्याच्या फलंदाजीसमोर सर्वोत्तम गोलंदाजही अपयशी ठरत होते. विशेषतः कोहलीने पाकिस्तानविरुद्ध आणि ऑस्ट्रेलियाविरुद्धच्या उपांत्य सामन्यात खेळलेली खेळी कौतुकास्पद होती. त्याने या दोन्ही मॅच स्वतःच्या जोरावर भारताला जिंकून दिल्या होत्या. अखेर भारताने चॅम्पियन ट्राॅफीवर आपले नाव कोरले होते.

फोटोंचा सोशल मीडियावर धुमाकूळ

चॅम्पियन ट्राॅफीनंतर येत्या काही दिवसांत विराट कोहली, आयपीएलमध्ये खेळताना दिसणार आहे. चॅम्पियन ट्राॅफीत त्याने धमाल केली होती. आयपीएल लीग सुरू होण्यापूर्वीच कोहलीने त्याचा लूक बदलला आहे. त्याच्या या नवीन लूकने इंटरनेटवर धुमाकूळ घातला आहे. त्याचे फोटो सर्वत्र व्हायरल होत आहेत. ज्यामध्ये तो त्याची नवीन हेअरस्टाईल दाखवत आहे. त्याच्या या फोटोंना सोशल मीडियावर खूप पसंती मिळत आहे.

आरसीबीकडून खेळणार

विराट कोहलीचे आयपीएल २०२५ मध्ये खेळताना दिसणार आहे. जिथे तो त्याच्या संघ आरसीबीला पहिले विजेतेपद मिळवून देण्यासाठी सर्वतोपरी प्रयत्न करेल. कोहलीमुळे आरसीबीकडे अनेक चाहते आहेत, त्यामुळे यावेळी तो त्याच्या चाहत्यांना खूश करण्याचा प्रयत्न करेल. मात्र, यावेळी बेंगळुरूची कमान रजत पाटीदार यांच्या हातात आहे. सध्या कोहली एका छोट्या ब्रेकवर आहे, जिथे तो त्याच्या कुटुंबासोबत वेळ घालवत आहे. तथापि, तो लवकरच आरसीबी कॅम्पमध्ये सामील होईल. बेंगळुरूने त्याला २१ कोटी रुपयांना कायम ठेवले आहे, जिथे तो यावेळी रजत पाटीदारच्या नेतृत्वाखाली खेळताना दिसेल.