Abhishek Sharmaने गाडीची काच फोडली, किंग कोहली संतापला अन् अनुष्का शर्मालाही बसला धक्का

IPL 2025 Abhishek Sharma : आयपीएल 2025 च्या एका रोमांचक सामन्यात, रॉयल चॅलेंजर्स बंगळुरूने सनरायझर्स हैदराबादविरुद्ध नाणेफेक जिंकून प्रथम गोलंदाजी करण्याचा निर्णय घेतला. सनरायझर्स हैदराबादने सुरुवातीपासूनच जलद गतीने धावा काढण्यास सुरुवात केली. अभिषेक शर्मा आणि ट्रॅव्हिस हेड यांच्या जोडीने आरसीबीच्या गोलंदाजांविरुद्ध चौकार आणि षटकारांची धमाकेदार फटकेबाजी सुरू केली.

अभिषेक शर्माने गाडीची काच फोडली (IPL 2025 Abhishek Sharma)

लखनौच्या एकाना क्रिकेट स्टेडियमवर सनरायझर्स हैदराबादने सुरुवातीपासूनच आक्रमक शैली दाखवली. विशेषतः डावाच्या दुसऱ्या षटकात, सलामीवीर अभिषेक शर्माने भुवनेश्वर कुमारविरुद्ध असा शॉट खेळला की संपूर्ण स्टेडियम थक्क झाले.

अभिषेक शर्माचा हा फटका इतका जोरदार होता की चेंडू थेट स्टेडियमच्या बाहेर पार्किंगमध्ये उभ्या असलेल्या टाटा कर्व्ह कारच्या विंडशील्डवर गेला. या प्रचंड षटकाराने गाडीची काच फोडली, ज्यामुळे तिथे उपस्थित असलेले सर्व प्रेक्षक आणि आरसीबी खेळाडूंना धक्का बसला.

विराट कोहली संतापला आणि अभिषेक शर्माचा डाव अर्ध्यावर मोडला

अभिषेक शर्माला लुंगी एनगिडीच्या चेंडूवर फिल साल्टने 34 धावांवर झेलबाद केले. अभिषेक शर्माने 17 चेंडूत 3 चौकार आणि 3 षटकारांसह 34 धावा केल्या.

अभिषेक शर्मा बाद झाल्यानंतर विराट कोहलीने मैदानावर एका अनोख्या पद्धतीने आनंद साजरा केला. तो अभिषेककडे रागाने पाहत होता. जर अभिषेक शर्मा खेळपट्टीवर राहिला असता तर आरसीबीच्या अडचणी वाढू शकल्या असत्या हे त्याला माहीत होते.

King Kohli celebration after abhishek sharma wicket🔥🔥he is the aggresion king himself🔥🔥#ViratKohli #RCBvsSRH #IPL #abhisheksharma pic.twitter.com/rQJtmcrbHT

— Priyam Saxena (@PRIYAMSAXE9216) May 23, 2025

अनुष्का शर्माही आश्चर्यचकित झाली

अनुष्का शर्मा देखील आरसीबीला प्रोत्साहन देण्यासाठी लखनौ स्टेडियममध्ये पोहोचली आहे. अभिषेक शर्माचा शॉट पाहून तीही आश्चर्यचकित झाली. याशिवाय, असाही एक प्रसंग आला जेव्हा यश दयालच्या गोलंदाजीवर अभिषेक शर्माबद्दल अपील करण्यात आले. पण तो चेंडू नो बॉल निघाला. त्यानंतर अनुष्का शर्माला धक्का बसला. अनुष्का शर्माचे अनेक फोटो सोशल मीडियावर आता व्हायरल झाले आहेत.