ipl 2025 rohit sharma: हिटमॅन नव्हे आता रोहित शर्माला मिळाले 'हे' नवे टोपणनाव! कुणी दिले? घ्या जाणून

IPL 2025 rohit sharma gets new nickname : भारतीय क्रिकेटचा आधारस्तंभ ज्याच्या नैतृत्वात क्रिकेटची तीन महत्वाची अजिंक्यपदं पटकावली असा हिटमॅन म्हणजे रोहित शर्मा..ज्याला हिटमॅन तर म्हणतात पण आता त्याला नवीन टोपणनाव मिळाले आहे.

रोहितला त्याच्या क्रिकेट कारकिर्दीच्या सुरुवातीपासूनच तडाखेबंद शॉट्स खेळण्यासाठी हिटमॅन म्हणून ओळखले जात होते. तो स्फोटक फलंदाजी करतो, त्यामुळेच त्याला ही उपाधी देण्यात आली होती.

भारतीय संघाचा कर्णधार रोहित शर्मा आयपीएलमध्ये मुंबई इंडियन्सकडून खेळतो. आयपीएलच्या गेल्या कित्येक सामन्यात तो अपयशी ठरत होता. त्याच्या बॅटमधून धावा निघत नव्हत्या. त्यामुळे त्याच्यावर टीकाही केली जात होती. अशातच त्याने आयपीएलमध्ये खेळणे सोडावे किंवा मुंबई संघात तो कर्णधार नाही मग त्याने मुंबईकडून खेळणे सोडावे इथपर्यंत त्याच्यावर टीका झाली होती.

आयपीएल सुरू झाल्यापासून रोहित नेहमीच्या फॉर्ममध्ये नाही. त्यामुळे त्यांच्यावर टीका होऊ लागली. मागील सामन्यांमध्ये तो आक्रमकपणे सुरुवात करत होता, पण मोठ्या धावा करण्यापूर्वीच बाद होत होता. त्याला पूर्ण पॉवर प्लेही खेळता आला नाही. त्यानंतर मात्र 20 एप्रिलमध्ये 2025 मध्ये त्याने घरच्या मैदानावर चेन्नई सुपरकिंग्जविरुद्ध 45 चेंडूत 4 चौकार आणि 6 षटकारांसह नाबाद 76 धावा केल्या. रोहितने सीएसकेविरुद्ध 76 डाव खेळून सामनावीराचा पुरस्कार पटकावला.

मुख्य प्रशिक्षक महेला जयवर्धनेने दिले टोपणनाव

रोहित शर्माने मैदानावर सामनावीराचा पुरस्कार स्वीकारला आणि ड्रेसिंग रूममध्ये प्रशिक्षकाकडून पुरस्कार स्वीकारला. मुंबई इंडियन्सचे ग्लोबल हेड ऑफ परफॉर्मन्स महेला जयवर्धने यांनी रोहितला नवीन टोपणनाव दिले आहे. CSK विरुद्ध 45 चेंडूत 76 धावा केल्यानंतर जयवर्धनेने हिटमॅनला सनग्लासेस दिला. त्यानंतर त्याचे नाव मॅव्हरिक ठेवण्यात आले. जयवर्धनेनेच त्याला मावेरिक हे टोपणनाव दिले आहे.

रोहितच्या टोपण नावांची संख्या वाढतेय

रोहित शर्माच्या टोपणनावांची संख्या हळूहळू वाढत आहे. कारण आयसीसीने त्याला टोपणनावही दिले आहे. रोहित शर्माच्या नेतृत्वाखाली भारताने चॅम्पियन्स ट्रॉफी जिंकल्यानंतर आयसीसीने त्याला नवीन नाव दिले. रोहितचा एक ॲनिमेटेड फोटो सोशल मीडियावर शेअर करत त्याने लिहिले, "भारत का सिकंदर." यावेळीही हिटमॅनला एक नवीन नाव मिळाले.

रोहित आयपीएलमध्ये सर्वात जास्त धावा करणारा दुसरा फलंदाज

मुंबई इंडियन्सचा माजी कर्णधार असलेला रोहित शर्मा हा आयपीएलमध्ये सर्वाधिक धावा करणाऱ्या खेळाडूंच्या यादीत दुसऱ्या क्रमांकावर पोहोचला आहे. त्याच्याआधी विराट कोहलीचा नंबर लागतो. त्याने 8326 धावा केल्या आहेत, तर शिखर धवनच्या आयपीएलमध्ये 6769 धावा आहेत, तो तिसऱ्या क्रमांकावर आहे. रविवारी झालेल्या सामन्यानंतर रोहितच्या धावा 6786 इतक्या झाल्या असून तो दुसऱ्या क्रमांकावर पोहचला आहे.

मुंबई इंडियन्सच्या ड्रेसिंग रूममध्ये रोहितच्या भोवती एक व्हिडिओ पोस्ट करण्यात आला होता. रोहितचा बाथिंग सूट घातलेला फोटो सोशल मीडियावर व्हायरल व्हायला वेळ लागला नाही. सीएसकेविरुद्धच्या या सामन्यात रोहित शर्माने सूर्यकुमार यादवसोबत शतकी भागीदारी रचली. या जोडीच्या माध्यमातून मुंबई इंडियन्सने आयपीएलमध्ये सीएसकेविरुद्ध तब्बल 3 वर्षांनी विजय मिळवला.