IPL 2025 : बुमराह आणि रोहित काय करणार; MI हैदराबादचा सामना करू शकेल का?, जाणून घ्या- मागील रेकॉर्ड

MI vs SRH IPL 2025 : आयपीएल 2025 मध्ये आतापर्यंत सर्वोत्तम कामगिरी करण्यात अपयशी ठरलेल्या मुंबई इंडियन्सचा गुरुवारी त्यांच्या घरच्या मैदानावर सनरायझर्स हैदराबादविरोधात कशी कामगिरी करणार याकडे सर्वांचे लक्ष लागून आहे. विशेष म्हणजे हैदराबादच्या आक्रमक फलंदाजांना रोखण्यासाठी मुंबईचा स्टार वेगवान गोलंदाज जसप्रीत बुमराहकडून चांगली कामगिरी व्हावी, अशी अपेक्षा आता चाहत्यांना आहे.

तर गेल्या काही सामन्यांमध्ये कामगिरी चांगली न करणाऱ्या रोहित शर्माकडे देखील लोकांच्या नजरा लागून आहे. मुंबई हैदराबाद संघाला हरवून त्यांचे आयपीएलमधील स्थान कसे कायम ठेवणार असा प्रश्न देखील आता उपस्थित होऊ लागला आहे. मुंबई इंडियन्सची आतापर्यंतची कामगिरी कशी राहिली आहे, ते देखील जाणून घेऊया..!

बुमराहला फॉर्ममध्ये परतावे लागेल

दुखापतीमुळे तीन महिन्यांनी परतलेला बुमराह अद्याप त्याची लय परत मिळवू शकलेला नाही. त्याला जगातील सर्वात धोकादायक वेगवान गोलंदाज मानले जाते. रॉयल चॅलेंजर्स बंगळुरूविरुद्धच्या त्याच्या पुनरागमन सामन्यात चांगली कामगिरी करणारा बुमराह दिल्ली कॅपिटल्सविरुद्धच्या सामन्यात पूर्णपणे अपयशी ठरला आणि त्याने 44 धावा दिल्या. या 31 वर्षीय वेगवान गोलंदाजाला आता सनरायझर्सच्या ट्रॅव्हिस हेड, अभिषेक शर्मा, इशान किशन आणि हेनरिक क्लासेन सारख्या स्फोटक फलंदाजांविरुद्ध कठीण परीक्षेला सामोरे जावे लागणार आहे. तो या फलंदाजांना चांगला धडा शिकवेल का, याकडे सर्वांच्या नजरा लागून आहेत.

रोहितचा फॉर्म बनलाय चिंतेचा विषय

5 वेळा विजेत्या मुंबईसाठी, त्यांचा माजी कर्णधार रोहित शर्माचा फॉर्म देखील चिंतेचा विषय आहे. रोहितला आतापर्यंत पाच सामन्यांमध्ये 11.20 च्या सरासरीने फक्त 56 धावा करता आल्या आहेत. मुंबईने आतापर्यंत फक्त दोन सामने जिंकले आहेत आणि पॉइंट टेबलमध्ये ते 7 व्या स्थानावर जाऊन पोहोचला आहे.

जबाबदारी सूर्यकुमार-तिलवकर

मुंबई इंडियन्सची फलंदाजी काही प्रमाणात सूर्यकुमार यादव आणि तिलक वर्मा यांच्यावर अवलंबून राहिली आहे. आणि जर संघाला आपली स्थिती सुधारायची असेल तर रोहितला मोठी खेळी खेळावी लागेल. सूर्यकुमारने अजूनही त्याचा निर्दयी दृष्टिकोन स्वीकारलेला नाही. लखनौ सुपरजायंट्सविरुद्ध रिटायर्ड आउट दिल्यानंतर तिलक वर्माने आपला खेळ सुधारला आहे. यानंतर, पुढील दोन सामन्यांमध्ये त्याने 29 चेंडूत 56 धावा आणि 33 चेंडूत 59 धावा केल्या.

एसआरएच स्थिती काय

सनरायझर्स हैदराबादचा विचार केला तर त्यांचा संघही संघर्ष करत आहे. त्यांनी आतापर्यंत दोन सामने जिंकले आहेत, परंतु मुंबईचा नेट रन रेट त्यांच्यापेक्षा चांगला आहे. सनरायझर्स संघ सध्या 9 व्या स्थानावर आहे. सनरायझर्स संघाला चांगली कामगिरी करण्यासाठी त्यांच्या फलंदाजीवर खूप अवलंबून आहे. पण त्यांच्या प्रमुख फलंदाजांच्या कामगिरीत सातत्याचा अभाव आहे.

धावसंख्येचा पाठलाग करून एसआरएच पुढे

पंजाब किंग्ज विरुद्धच्या सामन्यात सनरायझर्सच्या फलंदाजांनी चांगली कामगिरी केली, ज्यामुळे संघाला 246 धावांचे विक्रमी लक्ष्य गाठण्यास मदत झाली. या सामन्यात अभिषेकने 141 धावा केल्या होत्या. या सामन्यात, सनरायझर्सचा फलंदाज किशनवरही लक्ष असेल जो त्याच्या माजी फ्रँचायझी संघाविरुद्ध चांगली कामगिरी करण्यास उत्सुक असेल. वानखेडे स्टेडियमची खेळपट्टी फलंदाजांना अनुकूल आहे, परंतु गोलंदाजही तिथल्या उसळीचा फायदा घेण्याचा प्रयत्न करतील.