वडील ऑटो चालवायचे, मुलावर IPL लिलावात झाला पैशांचा वर्षाव, तरीही प्रिती झिंटाची इच्छा राहिली अपूर्णच

ipl 2025 mega auction second day update mukesh kumar joins delhi capitals : आयपीएल मेगा लिलावाच्या दुसऱ्या दिवशी आज एका खेळाडूवर पैशांचा अक्षरशः वर्षाव झाला आहे. IPL मेगा लिलावाच्या दुसऱ्या दिवशी, दिल्ली कॅपिटल्सने राईट-टू- वापरून वेगवान गोलंदाज मुकेश कुमारला 8 कोटी रुपयांना विकत घेतले. सामन्याने तो 8 लाखांना विकत घेतले आहे.

आयपीएलमध्ये सर्वाधिक बळी मिळवणारा गोलंदाज

मुकेश कुमारने आयपीएल 2024 हंगामात दिल्ली कॅपिटल्ससाठी संयुक्त-सर्वाधिक बळी घेणारा गोलंदाज म्हणून आपली छाप पाडली. दमदार कामगिरी करूनही त्याला लिलावापूर्वी सोडण्यात आले. मात्र, दिल्ली कॅपिटल्सने पुन्हा एकदा मुकेश कुमारवर विश्वास व्यक्त केला आणि त्याला 8 कोटी रुपयांना विकत घेतले. आयपीएल 2024 मध्ये मुकेश कुमारची कामगिरी खूप चांगली होती आणि त्याच्या गोलंदाजीने संघाच्या विजयात महत्त्वाची भूमिका बजावलेली आहे.

येत्या हंगामात मुकेश कुमार त्याच्या गोलंदाजीने कशी कामगिरी करतो आणि दिल्ली कॅपिटल्सच्या यशात तो किती महत्त्वाची भूमिका बजावतो हे पाहणे मनोरंजक असेल.

प्रीती झिंटाची इच्छा अपूर्णच राहिली

पंजाब किंग्जने मुकेश कुमारसाठी बोली लावली. पण शेवटी दिल्लीने मुकेश कुमारला त्यांच्या टीममध्ये घेण्यासाठी खास खेळी खेळली आणि RTMM चा वापर केला. यानंतर प्रिती झिंटाही उदास दिसत होती. या हंगामात मुकेश कुमारने पंजाबचे प्रतिनिधीत्व करावे ही प्रीतीची इच्छा अपूर्ण राहिली.

मुकेश कुमारची आयपीएल कारकीर्द

मुकेश कुमारची आयपीएल कारकीर्द प्रभावी ठरली आहे. त्याने 2023 मध्ये लखनौ सुपर जायंट्स (LSG) विरुद्ध दिल्ली कॅपिटल्स (DC) साठी त्याच्या IPL कारकिर्दीची सुरुवात केली. तेव्हापासून, त्याने 20 सामने खेळले आहेत आणि 29 च्या सरासरीने आणि 10.43 च्या इकॉनॉमी रेटने 24 बळी घेतले आहेत. त्याची सर्वोत्तम कामगिरी म्हणजे 14 धावांत 3 विकेट घेणे, ही एक विलक्षण कामगिरी आहे. 2024 च्या आयपीएल हंगामात, त्याने 10 सामन्यांमध्ये 21.64 च्या सरासरीने 17 विकेट घेतल्या, यावरून त्याची सातत्याने चांगली कामगिरी दिसून येते.

मुकेश कुमार कोण आहे?

मुकेश कुमार हा गोपालगंज जिल्ह्यातील काकरकुंड गावचा रहिवासी आहे. बिहारहून कोलकाता येथे जाऊन त्यांनी आपली ओळख निर्माण करण्याचा प्रयत्न केला. मीडिया रिपोर्ट्सनुसार, मुकेशचे वडील ऑटो चालवायचे आणि आपल्या मुलाने सरकारी अधिकारी व्हावे अशी त्यांची इच्छा होती. त्याने सीआरपीएफची परीक्षा दिली, पण यश न मिळाल्याने हार न मानता त्याने आपले स्वप्न चालू ठेवले आणि नवीन मार्ग शोधला. आज त्याने क्रिकेट जगतात स्वतःची वेगळी ओळख निर्माण केली आहे.