आयपीएल कॉंमेट्री पॅनलमध्ये इरफान पठाण लवकरचं परतणार ? या कारणासाठी दाखवला होता बाहेरचा रस्ता

Irfan Pathan: टीम इंडियाचा माजी क्रिकेटपटू इरफान पठाणला आयपीएलच्या कॉंमेट्री पॅनेलमधून वगळण्यात आले आहे. यापूर्वी तो चॅम्पियन्स ट्रॉफीमध्ये कॉंमेट्री करत होता आणि त्या काळात आयपीएल कॉंमेट्रीसाठीच्या नावांवर ब्रॉडकास्टरशी चर्चा झाली होती, परंतु पठाणशी कोणतीही चर्चा झाली नाही. यानंतर इरफान पठाण स्वतः सक्रिय झाला आहे.

जेव्हा मनासारखं घडलं नाही तेव्हा पठाणने त्याच्या जवळच्या लोकांमार्फत ब्रॉडकास्टरशी संपर्क साधला. त्याने आयपीएल कमेंट्री पॅनलमध्ये समाविष्ट होण्यासाठी सर्वतोपरी प्रयत्न केले, परंतु ब्रॉडकास्टर त्याला पॅनलमध्ये समाविष्ट न करण्यावर ठाम होता आणि त्यात कोणताही बदल झाला नाही.

पठाणला कॉमेंट्री पॅनलमधून वगळण्यामागील कारण मायखेल या क्रिकेट संबंधित वेबसाइटने उघड केले होते. यावेळीही मायखेलने सूत्रांच्या हवाल्याने सांगितले आहे की, पठाणने कॉंमेट्री पॅनेलमध्ये आपले नाव येण्यासाठी सर्वतोपरी प्रयत्न केले होते. अलिकडच्या काळात पठाणचे काही खेळाडूंशी असलेले ताणलेले संबंध त्याच्या कॉंमेंट्स आणि ऑनलाइन पोस्टमधून कधीकधी समोर आले आहेत. या कारणासाठी प्रसारकाने त्याला वगळलं आहे.

इरफान पठाण हा पहिला क्रिकेटपटू नाही. यापूर्वी भारतीय क्रिकेटपटू संजय मांजरेकर आणि हर्षा भोगले यांच्या बदल तक्रारी आल्याच्या कारणाने त्यांच्याविरुध्द कारवाई करण्यात आली होती. 2020 मध्ये भारत विरुद्ध दक्षिण आफ्रिका मालिकेपूर्वी मांजरेकर यांना बीसीसीआयच्या समालोचक संघातून काढून टाकण्यात आले होते. तर 2019 मध्ये सौरव गांगुलीवर वैयक्तिक टिप्पणी केल्याबद्दल हर्ष भोगले यांना शिक्षा भोगावी लागली होती.

इरफान पठाण लवकरचं कॉमेंट्री पॅनलमध्ये परतणार

या घटनेनंतर पठाण सोशल मीडियावर जास्त सक्रिय आहे, पण बीसीसीआय आणि ब्रॉडकास्टरकडून यावरही लक्ष ठेवले जात आहे. जर पठाणने आपला मार्ग मोकळा केला तर तो कदाचित कॉमेंट्री बॉक्समध्ये परत येईल, जसे की यापूर्वी अनेकांनी केले आहे.

इरफान पठाणने सुरू केलं स्वतःचं युट्यूब चॅनल

कॉमेंट्री पॅनलमधून काढून टाकल्यानंतर लगेचच इरफानने एक यूट्यूब चॅनल सुरू केलं आहे. त्याबाबत त्याने 'एक्स' सोशल प्लॅटफॉर्मवरही माहिती दिली होती. 'सीधी बात विद इरफान पठान' असं या शोचं नाव आहे. इरफानचा हा चॅनल इन्स्टा, फेसबुक आणि यूट्यूब या सोशल मीडिया प्लॅटफॉर्मवर उपलब्ध आहे.