India vs Pakistan: भारत-पाकिस्तान चॅम्पियन्स ट्रॉफी सामना कधी आणि कुठे पाहायचा, जाणून घ्या सर्वकाही

India vs Pakistan Live Streaming: आशियाई चॅम्पियन्स ट्रॉफी 2024 मध्ये भारतीय हॉकी संघाची उत्कृष्ट कामगिरी कायम आहे. शनिवारी 14 सप्टेंबर रोजी आशियाई चॅम्पियन्स ट्रॉफी 2024 च्या त्यांच्या अंतिम राऊंड-रॉबिन सामन्यात भारत पाकिस्तानशी भिडणार आहे. हा सामना चीनमधील हुलुनबुर येथील मोकी प्रशिक्षण तळावर होणार आहे. चार सामन्यांत चार विजय मिळवून भारत सध्या गुणतालिकेत अव्वल आहे आणि टीम इंडियाचे एकूण 12 गुण आहेत.

पाकिस्तान आठ गुणांसह भारताच्या मागे दुसऱ्या स्थानावर आहे. नुकत्याच झालेल्या सामन्यात त्यांनी यजमान चीनचा 5-1 असा पराभव केला. स्पर्धेच्या पुढच्या टप्प्यात जाताना दोन्ही संघांना त्यांची गती कायम ठेवण्याचे ध्येय ठेवायचे आहे.

भारत-पाकिस्तान सामना कुठे बघायचा

भारत आणि पाकिस्तान यांच्यातील सामना शनिवारी 14 सप्टेंबर रोजी दुपारी 1.15 वाजता होणार आहे. सोनी लिव्ह ॲप आणि वेबसाइटवर लाईव्ह स्ट्रीम पाहू शकतात. याशिवाय भारतातील सोनी स्पोर्ट्स टेन 1 एसडी आणि एचडी टीव्ही चॅनेलवर या सामन्याचे थेट प्रक्षेपण केले जाईल.

पाकिस्तानसाठी महत्त्वाचा सामना

भारतीय संघाने सलग चार सामने जिंकून उपांत्य फेरीत धडक मारली असली तरी पाकिस्तान संघ उपांत्य फेरीत जाण्यासाठी उत्सुक असेल. या सामन्यात पाकिस्तानी संघ आपले सर्व प्रयत्न लावून पुढच्या टप्प्यात प्रवेश करण्याचा प्रयत्न करेल. पाकिस्तानी संघ ऑलिम्पिकमध्ये नव्हता.

भारतीय हॉकी संघाची उत्कृष्ट कामगिरी सुरूच आहे. भारताने दक्षिण कोरियाचा 3-1 असा पराभव करत स्पर्धेत सलग चौथा विजय नोंदवला. भारताकडून अरिजित सिंग हुंदलने 1 तर कर्णधार हरमनप्रीत सिंगने 2 गोल केले. हरमनप्रीतचे दोन्ही गोल पेनल्टी कॉर्नरवरून झाले. त्याचवेळी अरिजितने मैदानी गोल केला. याआधी टीम इंडियाने आपल्या पहिल्या सामन्यात यजमान चीनचा 3-0 असा तर दुसऱ्या सामन्यात जपानचा 5-1 असा पराभव केला होता. तर तिसऱ्या सामन्यात मलेशियाचा 8-1 असा पराभव झाला.

कर्णधार हरमनप्रीतने 2 गोल केले

भारताने 8 व्या मिनिटाला अरिजित सिंग हुंदलच्या गोलने आपले खाते उघडले आणि त्यानंतर दुसऱ्याच मिनिटाला हरमनप्रीत सिंगच्या पेनल्टी कॉर्नरने आघाडी दुप्पट केली. यानंतर 30व्या मिनिटाला कोरियाने पलटवार करत यांगने गोल केला. पहिल्या हाफपर्यंत भारत 2-1 ने आघाडीवर होता. उत्तरार्धात हरमनप्रीतने आणखी एक गोल केला आणि तो 3-1 असा झाला. हा फरक सामना संपेपर्यंत कायम राहिला आणि भारताने सलग चौथा विजय मिळवला.

याआधी गुरुवारी मलेशियाने जपानविरुद्ध 5-4 असा विजय मिळवला. सय्यद चोलन (12', 40'), नॉर्स्याफिक सुमंत्री (21'), सियारामन मॅट (47') आणि कमाल अबू अझराई (48') यांच्या गोलच्या जोरावर मलेशियाने विजय मिळवला आणि गुणतालिकेत चौथे स्थान पटकावले. बुधवारी त्यांच्या मागील सामन्यात भारताकडून 1-8 ने पराभूत झाल्यानंतर गुणतालिकेत तळाशी असलेल्या मलेशियाला उपांत्य फेरीच्या शर्यतीत टिकून राहण्यासाठी कोणत्याही किंमतीवर विजय मिळवावा लागला.