मेलबर्नमध्ये विराट कोहलीचा मजबूत रेकॉर्ड, 'करो किंवा मरो'च्या सामन्यात मोठ्या खेळीची अपेक्षा

IND vs AUS 4th test, Virat Kohli : भारतीय क्रिकेट संघ ब्रिस्बेनहून मेलबर्नला पोहोचला आहे. भारत विरुद्ध ऑस्ट्रेलिया चौथी कसोटी बॉक्सिंग डे - गुरुवार 26 डिसेंबर ते सोमवार 30 डिसेंबर या कालावधीत मेलबर्नमधील प्रतिष्ठित मेलबर्न क्रिकेट ग्राउंड (MCG) येथे होणार आहे. या मैदानावर भारताचा उत्कृष्ट रेकॉर्ड आहे. जिथे टीम इंडियाने 4 कसोटी सामने जिंकले आहेत. मेलबर्न येथे झालेल्या कसोटी सामन्यांमध्ये भारतीय फलंदाजांनी चमकदार कामगिरी राहिली आहे.

कोहलीचा रेकॉर्ड मजबूत

सचिन तेंडुलकर आणि विराट कोहलीसारख्या दिग्गज फलंदाजांनी येथे ऑस्ट्रेलियन संघाविरुद्ध उत्कृष्ट खेळी खेळली आहे. भारतीय संघासाठी मेलबर्नच्या मैदानाला विशेष महत्त्व आहे. यावेळीही विराट कोहली आपल्या फॉर्ममध्ये परतेल आणि संघाला सामना जिंकून देण्यात महत्त्वाची भूमिका बजावेल, अशी आशा भारतीय चाहत्यांना आहे. कोहलीचा विक्रमही येथे चांगला असून भारतीय क्रिकेट चाहत्यांना या मैदानावर त्याच्याकडून आणखी एका शानदार खेळीची अपेक्षा आहे.

कोहलीचा विक्रम

विराट कोहलीने मेलबर्न क्रिकेट ग्राउंडवर तीन कसोटी सामने खेळले आहेत. या तीन सामन्यांमध्ये त्याने एकूण 6 डाव खेळले आहेत. या 6 डावांमध्ये त्याने 52.66 च्या सरासरीने 316 धावा केल्या आहेत. ज्यात एक शतक आणि दोन अर्धशतकांचा समावेश आहे. त्याची सर्वोत्तम धावसंख्या 2014 मध्ये आली, जेव्हा त्याने 169 धावांची शानदार खेळी केली.

मेलबर्नमध्ये भारतीय संघाचा विक्रम

मेलबर्न क्रिकेट ग्राउंडवरील कसोटी सामना भारताने जिंकल्यास मेलबर्नमधील भारताची पहिली हॅट्ट्रिक कसोटी विजय असेल, जी आजपर्यंत झालेली नाही. 2014 मध्ये भारत आणि ऑस्ट्रेलिया यांच्यातील सामना अनिर्णित राहिला होता. तर 2018 मध्ये भारताने ऑस्ट्रेलियाचा 137 धावांनी पराभव केला होता. 2020 मध्ये भारताने ऑस्ट्रेलियाविरुद्धचा सामना 8 गडी राखून जिंकून इतिहास रचला होता.