Ind Vs Eng Test 2025: ओव्हलमध्ये विक्रमी विजय; सिराज-कृष्णाच्या भेदक माऱ्याने भारताने रचला इतिहास

oval test india historic win siraj krishna : ओव्हल कसोटीच्या थरारक पाचव्या दिवशी भारतीय संघाने ऐतिहासिक विजय मिळवत इंग्लंडच्या आशा मोडून काढल्या आणि 5 सामन्यांची मालिका 2-2 अशी बरोबरीत सोडवली.

विजयासाठी केवळ 53 धावांची गरज असताना आणि 4 विकेट्स शिल्लक असतानाही भारतीय गोलंदाजांनी केलेल्या अप्रतिम कामगिरीमुळे इंग्लंडचा डाव 367 धावांवर संपुष्टात आला. भारताने हा सामना केवळ 6 धावांनी जिंकला, जो भारतीय क्रिकेट इतिहासातील सर्वात रोमांचक विजयांपैकी एक ठरला आहे.

सिराज-प्रसिद्ध कृष्णा ठरले विजयाचे शिल्पकार!

सामन्याच्या शेवटच्या तासात चाहत्यांचे श्वास रोखून धरणारी लढत पाहायला मिळाली. गोलंदाजीची जबाबदारी मोहम्मद सिराज आणि प्रसिद्ध कृष्णा यांच्या खांद्यावर होती.

इंग्लंडचा फलंदाज अॅटकिन्सन क्रीजवर खंबीरपणे उभा होता आणि विजयासाठी फक्त 7 धावांची गरज असताना सिराजने त्याला 17 धावांवर बाद केले. या विकेटमुळे भारताच्या विजयाचा मार्ग मोकळा झाला.

𝗖. 𝗛. 𝗔. 𝗠. 𝗣. 𝗜. 𝗢. 𝗡. 𝗦! 🇮🇳🏆 🏆 🏆

The Rohit Sharma-led #TeamIndia are ICC #ChampionsTrophy 2025 𝙒𝙄𝙉𝙉𝙀𝙍𝙎 👏 👏

Take A Bow! 🙌 🙌#INDvNZ | #Final | @ImRo45 pic.twitter.com/ey2llSOYdG

— BCCI (@BCCI) March 9, 2025

सिराजचा दमदार स्पेल

चौथ्या दिवशी हॅरी ब्रूकचा झेल सोडण्याची चूक सिराजने केली होती, ज्याचा फायदा घेत ब्रूकने शतक ठोकले. मात्र, पाचव्या दिवशी सिराजने ती चूक भरून काढली आणि दुसऱ्या डावात ५ विकेट्स घेत भारताला विजय मिळवून दिला.

प्रसिद्ध कृष्णाची मोलाची कामगिरी

सिराजला प्रसिद्ध कृष्णानेही उत्तम साथ दिली. त्याने 4 विकेट्स घेत इंग्लंडच्या फलंदाजांवर दबाव कायम ठेवला, ज्यामुळे विजयासाठी आवश्यक धावा काढणे त्यांना अवघड झाले.

डावखुऱ्या फलंदाजांची चमक

या संपूर्ण मालिकेत भारतीय संघातील डावखुऱ्या फलंदाजांनी मोलाचे योगदान दिले. पाच कसोटी सामन्यांमध्ये डावखुऱ्या खेळाडूंनी 1830 धावा केल्या,

तर उजव्या हाताच्या खेळाडूंनी 1750 धावा केल्या. यामध्ये यशस्वी जयस्वाल, रवींद्र जडेजा, वॉशिंग्टन सुंदर आणि ऋषभ पंत यांनी मोठे योगदान दिले.

जयस्वालचा विक्रम, गिलची शानदार कामगिरी

जयस्वालचा विक्रम

2000 पेक्षा जास्त कसोटी धावा केलेल्या खेळाडूंमध्ये जयस्वालने 50 पेक्षा जास्त सरासरी राखत सचिन तेंडुलकर, राहुल द्रविड आणि सुनील गावस्कर यांच्यासारख्या दिग्गजांच्या यादीत आपले नाव कोरले आहे.

गिलचा मालिकावीर पुरस्कार

शुभमन गिलने फलंदाजीत उत्कृष्ट कामगिरी केली. तो या मालिकेतील सर्वाधिक धावा करणारा फलंदाज ठरला. त्याने 10 डावांमध्ये एकूण 754 धावा केल्या, ज्यात त्याची सर्वोत्तम धावसंख्या 269 होती.

कर्णधारपदासोबतच फलंदाजीतील या कामगिरीबद्दल त्याला इंग्लंडच्या हॅरी ब्रूकसह 'प्लेअर ऑफ द सिरीज' (मालिकावीर) म्हणून गौरवण्यात आले.