IND vs NZ 1st ODI 2026: भारत विरुद्ध न्यूझीलंड पहिला वनडेचा आज थरार! वाचा कोण वरचढ, मॅच टाईम अन् संघ

Updated: Sunday, January 11, 2026, 7:21 [IST]

IND vs NZ 1st ODI 2026 Match Date Time Playing XI and Venue : टी-२० विश्वचषक आणि आयपीएलच्या धामधुमीपूर्वी भारतीय संघ आपली शेवटची वनडे मालिका खेळण्यासाठी सज्ज झाला आहे. भारत आणि न्यूझीलंड यांच्यातील तीन सामन्यांच्या वनडे मालिकेतील पहिला सामना वडोदरा येथे खेळवला जाणार आहे. या सामन्यात सर्वांच्या नजरा कर्णधार शुभमन गिल आणि दिग्गज फलंदाज विराट कोहली व रोहित शर्मा यांच्यावर असतील.

अनुभवी खेळाडूंचे पुनरागमन रोहित शर्मा आणि विराट कोहली दीर्घकाळानंतर वनडे फॉरमॅटमध्ये परतत आहेत. जुलै २०२६ पर्यंत भारताची ही शेवटची वनडे मालिका असल्याने, हे दोन्ही दिग्गज खेळाडू या मालिकेत आपली छाप पाडण्यासाठी उत्सुक आहेत. सरावादरम्यान विराटने जवळपास दीड तास नेटमध्ये घाम गाळला, ज्यामध्ये त्याने वेगवान गोलंदाज आणि फिरकीपटूंचा सामना केला. विजय हजारे ट्रॉफीमध्ये नुकत्याच केलेल्या शानदार कामगिरीमुळे (७७ आणि १३१ धावा) विराट प्रचंड फॉर्ममध्ये दिसत आहे.

शुभमन गिलसाठी महत्त्वाची मालिका टी-२० विश्वचषकाच्या संघातून वगळल्यानंतर शुभमन गिलचे हे पुनरागमन असून, यावेळी त्याच्या खांद्यावर कर्णधारपदाची धुरा सोपवण्यात आली आहे. ऋषभ पंत, श्रेयस अय्यर आणि मोहम्मद सिराज यांनी गुरुवारीच विजय हजारे ट्रॉफीचा सामना खेळल्यामुळे त्यांनी सरावातून विश्रांती घेतली होती; मात्र ते निवडीसाठी उपलब्ध असतील.