IND vs GER: भारत-जर्मनी हाॅकी सामने कधी? कुठे बघू शकाल लढती? जाणून घ्या

IND vs GER: पॅरिस ऑलिम्पिक 2024 मध्ये जोरदार कामगिरी करणारा भारतीय हाॅकी संघ जबरदस्त फार्मात आहे. या संघाने पॅरीस ऑलिम्पिकमध्ये जोरदार कामगिरी केली आणि कांस्यपदकावर नाव कोरले होते. आजपासून भारत आणि जर्मनी यांच्यात दोन हॉकी सामन्याची मालिका खेळली जात आहे. हे दोन सामने कधी आणि कुठे पाहू शकाल हे आम्ही तुम्हाला सांगणार आहोत.

आशियाई चॅम्पियन्स ट्रॉफी जिंकल्यानंतर, भारतीय हॉकी संघ नवी दिल्लीतील मेजर ध्यानचंद राष्ट्रीय स्टेडियमवर दोन सामन्यांच्या द्विपक्षीय मालिकेसाठी जर्मनीविरुद्ध यजमानपद भूषवेल.

23 आणि 24 ऑक्टोबरला मॅच

पॅरिस 2024 कांस्यपदक विजेते भारत 23 आणि 24 ऑक्टोबर रोजी ऑलिम्पिक रौप्य पदक विजेत्यांशी भिडतील. भारत विरुद्ध जर्मनी हा सामना यापुर्वी दहा वर्षांपुर्वी राष्ट्रीय राजधानी दिल्लीत खेळला गेला होता. भारताने शेवटच्या वेळी हॉकी वर्ल्ड लीग फायनल - पुरुष फेरी 4 जानेवारी 2014 मध्ये मेजर ध्यानचंद नॅशनल स्टेडियमवर खेळली होती.

सामना केव्हा आणि कुठे खेळला जाईल

पहिला सामना - मेजर ध्यानचंद नॅशनल स्टेडियमवर 23 ऑक्टोबर रोजी दुपारी 3 वाजता भारतीय प्रमाणवेळेनुसार खेळला जाईल.
दुसरा सामना - 24 ऑक्टोबर रोजी मेजर ध्यानचंद नॅशनल स्टेडियम, नवी दिल्ली येथे दुपारी 3 वाजता खेळवला जाईल.

भारताने यजमान चीनवर 1-0 असा रोमहर्षक विजय मिळवत पाचव्यांदा पुरुषांची आशियाई चॅम्पियन्स ट्रॉफी जिंकली. आशियाई चॅम्पियन्स ट्रॉफी अपराजित राहून भारताने हाॅकीतील आपली जादू कायम ठेवली आहे. भारताने यापूर्वी 2011, 2016, 2018 आणि 2023 मध्ये विजेतेपद पटकावले आहे.

गेल्या पाच सामन्यांमध्ये कोणाचे वर्चस्व होते?

गेल्या पाच सामन्यांमध्ये भारत विरुद्ध जर्मनी यांच्यात निकराची लढत होताना दिसत आहे. या कालावधीत भारताने 3 सामने जिंकले आहेत, तर जर्मनीला केवळ 2 सामने जिंकण्याची संधी मिळाली आहे.

ऑलिम्पिकमध्ये भारत विरुद्ध जर्मनीचा विक्रम

ऑलिंपिकमध्ये या दोन संघांमध्ये एकूण 13 सामने खेळले गेले आहेत. या कालावधीत भारताने केवळ 5 सामने जिंकले असून जर्मनीनेही केवळ पाच सामने जिंकले आहेत. या दोन्ही संघांमधील तीन सामने अनिर्णित राहिले आहेत. दोन्ही संघांमध्ये खेळल्या गेलेल्या एकूण सामन्यांची संख्या 107 आहे. या कालावधीत भारताने 25 सामने जिंकले आहेत, तर जर्मनीने 54 सामने जिंकले आहेत. दोन्ही संघांमध्ये एकूण 27 सामने अनिर्णित राहिले आहेत.

भारत हॉकी संघ

गोलकीपर: कृष्ण बहादूर पाठक, सूरज करकेरा. बचावपटू : जर्मनप्रीत सिंग, अमित रोहिदास, हरमनप्रीत सिंग (कर्णधार), वरुण कुमार, संजय, सुमित, नीलम संजीप जेस. मिडफिल्डर: मनप्रीत सिंग, विवेक सागर प्रसाद (उपकर्णधार), विष्णू कांत सिंग, नीलकांत शर्मा, शमशेर सिंग, मोहम्मद राहिल मौसीन, राजिंदर सिंग. फॉरवर्ड : मनदीप सिंग, अभिषेक, सुखजीत सिंग, आदित्य अर्जुन लालगे, दिलप्रीत सिंग, शिलानंद लाक्रा.

हॉकी सामन्याची वेळ किती आहे?

भारत विरुद्ध जर्मनी हॉकी सामना 23 आणि 24 ऑक्टोबर रोजी भारतीय वेळेनुसार दुपारी 3 वाजता सुरू होईल.

कोणत्या टीव्ही चॅनेलवर मॅच

DD Sports हे राष्ट्रीय चॅनल 23 आणि 24 ऑक्टोबर रोजी IST दुपारी 3 वाजता भारत विरुद्ध जर्मनी हॉकी सामन्याचे थेट प्रक्षेपण करेल. याशिवाय चाहते फॅनकोड ऍप्लिकेशन आणि वेबसाइटवर भारत विरुद्ध जर्मनी हॉकी सामन्याचे लाईव्ह स्ट्रीमिंग पाहू शकतात.