IND vs ENG : चौथ्या कसोटी सामन्यात जसप्रित बुमराह खेळणार की नाही? मोहम्मद सिराजचे मोठे वक्तव्य

IND vs ENG Will Jasprit Bumrah play in the fourth Test : भारतीय क्रिकेट संघ सध्या इंग्लडमध्ये कसोटी सामने खेळत आहे. तेंडूलकर अ‍ॅडरसन कसोटी क्रिकेट मालिकेच्या पाच सामन्यापैकी तीन सामने झाले असून त्यात भारत दोन विरुद्ध एक असा पिछाडीवर आहे. आता चौथ्या कसोटी सामन्यात भारत आणि इंग्लड आमने सामने येत आहेत, पण भारताचा धुरंधर प्रमुख गोलंदाज जसप्रित बुमराह खेळणार की नाही हे निश्चित नसल्याने आता क्रीडा रसिक या प्रश्नाचे उत्तर जाणून घेण्यास उत्सुक आहेत.

तत्पूर्वी भारत आणि इंग्लड संघांनी पहिल्या दोन कसोटीत एक-एक विजय मिळवत बरोबरी साधली होती, पण तिसरा कसोटी सामना फलंदाजांच्या सुमार कामगिरीमुळे भारताने गमावला. आता चौथ्या कसोटीत फलंदाजांना चांगली कामगिरी करावी लागेल आणि गोलंदाजांवर भारताची मदार अवलंबून असेल पण इंग्लंडविरुद्धच्या चौथ्या कसोटी सामन्यात भारताचा प्रमुख वेगवान गोलंदाज जसप्रीत बुमराह खेळणार असल्याची माहिती टीम इंडियाचा स्टार गोलंदाज मोहम्मद सिराज याने दिली आहे. यापूर्वी बुमराहला कामाचा ताण टाळण्यासाठी फक्त तीन कसोटींसाठी मर्यादित ठेवले जाईल, असे वृत्त होते, परंतु आता सिराजच्या या विधानामुळे चाहत्यांना मोठा दिलासा मिळाला आहे.

काय म्हणाला मोहम्मद सिराज?

सिराजने एका मुलाखतीत सांगितले की, "जस्सी भैया खेळेल, माझ्या माहितीनुसार." मात्र, प्लेइंग इलेव्हनबाबत अधिक माहिती देण्यास त्याने नकार दिला. त्याच्या या विधानामुळे बुमराह चौथ्या कसोटीत खेळण्याची शक्यता बळावली आहे.

बुमराहची आतापर्यंतची कामगिरी

बुमराहने या मालिकेत आतापर्यंत दोन कसोटी सामने खेळले आहेत - लॉर्ड्स आणि हेडिंग्ले येथे. या दोन्ही सामन्यांमध्ये त्याने एकूण १२ बळी घेतले, ज्यात दोनदा पाच बळींचा समावेश आहे. बर्मिंगहॅम कसोटीत तो खेळला नव्हता, ज्यात भारताने शानदार विजय मिळवला होता.

दुखापतींचा ससेमिरा

चौथ्या कसोटीपूर्वी भारतीय संघाला दुखापतींचा सामना करावा लागत आहे. यष्टीरक्षक फलंदाज ऋषभ पंत बोटाच्या दुखापतीमुळे अजूनही पूर्णपणे तंदुरुस्त नाही, जरी तो सराव सत्रात विकेटकीपिंग करताना दिसला. अष्टपैलू नितीश कुमार रेड्डी गुडघ्याच्या दुखापतीमुळे संपूर्ण मालिकेतून बाहेर पडला आहे. तसेच, अर्शदीप सिंगला बोटाच्या दुखापतीमुळे मँचेस्टर कसोटीतून वगळण्यात आले आहे. वेगवान गोलंदाज आकाश दीपलाही कंबरेला दुखापत झाली असून त्याचे खेळणे अनिश्चित आहे. या सर्वांमध्ये हरियाणाचा युवा गोलंदाज अंशुल कंबोजचा संघात समावेश करण्यात आला असून तो मँचेस्टरमध्ये संघासोबत आहे.

चौथा कसोटी सामना कधीपासून?

मँचेस्टर कसोटी २३ जुलैपासून सुरू होईल आणि तो मालिकेतील चौथा व महत्त्वाचा सामना असेल. भारत आणि इंग्लंडमधील मालिका सध्या १-१ अशी बरोबरीत आहे. बुमराह आणि सिराज या दोघांच्या उपलब्धतेमुळे भारतीय गोलंदाजी मजबूत होईल आणि संघाच्या विजयाच्या शक्यता वाढतील.