IND vs AUS : टीम इंडियाचा आज ऑस्ट्रेलियाविरुद्ध पहिला T20; जाणून घ्या सामन्याची वेळ, पिच रिपोर्ट

IND vs AUS 1st T20 Today : एकदिवसीय (वनडे) विश्वचषकातील अंतिम सामन्यातील पराभवाची सल बाजूला सारून आता भारतीय क्रिकेट संघ (Team India) पुन्हा एकदा T20 फॉरमॅटमध्ये आपले वर्चस्व सिद्ध करण्यास सज्ज झाला आहे! आज, २९ ऑक्टोबर २०२५ रोजी सूर्यकुमार यादवच्या नेतृत्वाखालील युवा भारतीय संघ यजमान ऑस्ट्रेलियाविरुद्ध ५ सामन्यांच्या T20 मालिकेतील पहिला सामना खेळणार आहे.

कॅनबेरा येथील मनुका ओव्हल मैदानावर हा सामना सामना दुपारी २:१५ वाजता सुरू होईल. तत्पुर्वी नाणेफेक दुपारी १:४५ वाजता होणार आहे.येथील बॅट्समन-फ्रेंडली पिच आणि थंड हवामान खेळाच्या निकालात महत्त्वाची भूमिका बजावणार आहे.

कसोटी भारतीय संघाची - नेतृत्वाची धुरा 'सूर्या'वर

वनडे मालिकेत भारताला नुकत्याच झालेल्या पराभवानंतर, टी-२० मध्ये 'एशिया कप' मधील आपली विजयी लय कायम ठेवण्याचे आव्हान भारतीय संघासमोर आहे. कर्णधार सूर्यकुमार यादव आणि उपकर्णधार शुभमन गिल यांच्यावर संघाला ठोस सुरुवात करून देण्याची जबाबदारी असेल.

Ind Vs Aus : आजचा पहिला T20 सामना -खेळपट्टी अहवाल आणि हवामान अंदाज :

फलंदाजांचे नंदनवन: कॅनबेराची मनुका ओव्हल पिच प्रामुख्याने फलंदाजांसाठी स्वर्ग मानली जाते. सपाट पृष्ठभाग (flat pitch) आणि लहान बाउंड्रीमुळे (छोटी सीमा) येथे मोठे शॉट्स खेळणे सोपे जाते.

सरासरी धावसंख्या: या मैदानावर आतापर्यंत झालेल्या २२ टी-२० आंतरराष्ट्रीय सामन्यांमध्ये पहिल्या डावातील सरासरी धावसंख्या १५० आहे.

टॉसचा निर्णय: आकडेवारीनुसार, प्रथम फलंदाजी करणाऱ्या संघाने १०, तर लक्ष्याचा पाठलाग करणाऱ्या संघाने ९ सामने जिंकले आहेत. त्यामुळे टॉस जिंकणारा कर्णधार प्रथम फलंदाजी करून मोठी धावसंख्या उभारण्याचा प्रयत्न करण्याची शक्यता आहे.

Ind Vs Aus : T20 सामना हवामान अंदाज :

आज मॅचच्या दिवशी सकाळी हलक्या पावसाची शक्यता असली तरी, सामना सुरू झाल्यावर सायंकाळी पावसाची शक्यता फारच कमी आहे.

थंडगार वातावरण: महत्त्वाची गोष्ट म्हणजे, संध्याकाळच्या वेळी येथील तापमान ११ अंश सेल्सिअसपर्यंत खाली येऊ शकते. या थंड हवामानामुळे वेगवान गोलंदाजांना सुरुवातीच्या षटकांमध्ये स्विंग आणि बाऊंस मिळण्याची शक्यता आहे, जी फलंदाजांसाठी एक मोठे आव्हान असेल.

संघ (Team) संभाव्य खेळाडू (Probable Players)

भारत : शुभमन गिल (उप-कर्णधार), अभिषेक शर्मा, तिलक वर्मा, सूर्यकुमार यादव (कर्णधार), संजू सॅमसन, शिवम दुबे, अक्षर पटेल, वॉशिंगटन सुंदर, हर्षित राणा, जसप्रीत बुमराह, अर्शदीप सिंह/कुलदीप यादव.

ऑस्ट्रेलिया : मिचेल मार्श (कर्णधार), ट्रेविस हेड, जोश इंग्लिश, मॅथ्यू शॉर्ट, टिम डेविड, मिचेल ओवेन, मार्कस स्टोइनिस, झेवियर बार्टलेट, नॅथन एलिस, जोश हेझलवुड, तनवीर संघा.

हेही वाचा : ऑस्ट्रेलिया दौऱ्यापूर्वी रोहित शर्मांकडून कॅप्टन्सी काढली, पण संघाची ही महत्त्वाची जबाबदारी मिळाली!