Happy Birthday MS Dhoni : धोनीचा वाढदिवस, साक्षीचं 'पाय लागू महेंद्रजी...'

Happy Birthday MS Dhoni: भारतीय क्रिकेट संघाचा माजी कर्णधार महेंद्रसिंग धोनी आज आपला 43 वा वाढदिवस साजरा करत आहे. या महान खेळाडूला शुभेच्छा देणारे पहिले नाव आहे त्याची पत्नी साक्षीचे आहे. वाढदिवसाच्या खास निमित्ताने माही आणि साक्षीचा एक खास व्हिडिओ व्हायरल होत आहे.

या व्हिडिओमध्ये कॅप्टन कूल वाढदिवसाचा केक कापताना दिसत आहे आणि त्यानंतर त्याची पत्नी त्याच्या पायाला स्पर्श करून आशीर्वाद घेताना दिसत आहे. लोक हा व्हिडिओ रिपीट-रिपीट करुन पाहताना दिसत आहेत.

Birthday video from sakshi❤️‍🔥
Thala cutting the cake with HUKUM Background music 🥵🔥#HappyBirthdayMSDhoni pic.twitter.com/uVIBP0DYvK

— Mani Dhoni (@manidhonii) July 6, 2024

7 जुलै हा दिवस भारतीय क्रिकेट चाहत्यांसाठी खास आहे. भारताचा सर्वात यशस्वी कर्णधार, दोन वेळा विश्वविजेता महेंद्रसिंग धोनी याचा जुलै महिन्यात ७ तारखेला वाढदिवस आहे. आंतरराष्ट्रीय क्रिकेटमधून निवृत्ती घेतल्यानंतरही माहीची क्रेझ कमी झालेली नाही. चाहत्यांनी आपल्या आवडत्या क्रिकेटरला त्याच्या वाढदिवसानिमित्त आपापल्या पद्धतीने शुभेच्छा दिल्या. त्याच्या चाहत्यांच्या यादीत त्याची पत्नी साक्षीचे नाव अग्रस्थानी आहे. साक्षीने पती महेंद्रसिंग धोनीला त्याच्या 43 व्या वाढदिवसानिमित्त कोणती भेट दिली हे माहित नाही, परंतु केक कापल्यानंतर जो व्हिडिओ समोर आला आहे तो नक्कीच चाहत्यांसाठी भेटवस्तू आहे.

7 जुलै 1981 रोजी झारखंडमधील रांची येथे जन्मलेला धोनी सध्या अनंत अंबानी आणि राधिका मर्चंट यांच्या लग्न समारंभात सहभागी होण्यासाठी मुंबईत आहे. सामान्यतः लाइमलाइटपासून दूर राहणारा माजी कर्णधार यावेळी त्याच्या वाढदिवशी खूप खास लोकांसोबत आहे.

धोनीच्या वाढदिवसाचा एक व्हिडिओ समोर आला आहे ज्यामध्ये तो पत्नी साक्षीसोबत केक कापताना दिसत आहे. तिथे उपस्थित असलेले लोक धोनीची पत्नी साक्षीला केक कापताच चेहऱ्यावर लावायला सांगतात. तिचा एक छोटा तुकडा ती आपल्या पतीच्या नाकावर लावते आणि नंतर त्याच्या पायांना स्पर्श करते आणि आशीर्वाद घेते.