काळा चष्मा लावून हिरो बनण्यासाठी निघाला पण...', चाहत्यांनी उडवली श्रेयस अय्यरची खिल्ली

Shreyas Iyer trolled for wearing sunglasses: दुलीप ट्रॉफी 2024 ची दुसरी फेरी 12 सप्टेंबरपासून सुरू झाली आहे. बांगलादेशविरुद्धच्या कसोटी मालिकेसाठी अनेक खेळाडूंना विश्रांती देण्यात आली आहे. काही खेळाडूंना विश्रांती दिल्यानंतर सर्व संघात काही मोठे बदल पाहायला मिळत आहेत. या फेरीतील महत्त्वाच्या लढतीत भारत अ आणि भारत ड या संघात चुरशीची लढत पाहायला मिळत आहे.

चाहत्यांनी श्रेयस अय्यरची खिल्ली उडवली

या सामन्यादरम्यान चाहत्यांनी श्रेयस अय्यरची खिल्ली उडवली आहे. गेल्या काही दिवसांपासून श्रेयस अय्यरच्या कामगिरीवर प्रश्नचिन्ह निर्माण झाले आहे. या सामन्यात तो सनग्लासेस लावून फलंदाजीला आला होता, पण सात चेंडूंचा सामना केल्यानंतर तो शून्यावर बाद झाला. खलील अहमदच्या चेंडूवर श्रेयस अय्यरला पॅव्हेलियनमध्ये परतावे लागले. या घटनेनंतर सोशल मीडिया यूजर्सनी अय्यरची खिल्ली उडवायला सुरुवात केली.

अय्यरवर चाहते संतापले

कमेंट करताना एका यूजरने लिहिले, 'अजून स्टाइल करा...' आणखी एका युजरने गंमतीत म्हटले की, श्रेयस अय्यर सनग्लासेस घालून मैदानात आला, पण अवघ्या 7 चेंडूत शून्यावर आऊट झाला आणि स्टाईल दाखवली. श्रेयस अय्यरच्या या कृतीवर चाहते खूश नाहीत आणि सोशल मीडियावर त्याच्यावर सातत्याने टीका करत आहेत.

फलंदाजांची निराशाजनक कामगिरी

भारत ड संघाने पहिल्या डावात 290 धावा केल्या. भारत अ संघाकडून शम्स मुलानीने चमकदार कामगिरी करत 89 धावा केल्या, ज्यात आठ चौकार आणि तीन षटकारांचा समावेश होता. मात्र, 122 धावांत भारत ड संघाने सहा महत्त्वाचे विकेट गमावल्या. संजू सॅमसनही या डावात संघर्ष करताना दिसला आणि केवळ पाच धावा करून बाद झाला. श्रेयस अय्यर कर्णधार असलेला संघ पुन्हा एकदा अडचणीत सापडला आहे.