ZP Panchayat Samiti Election 2026: मतमोजणीपूर्वीच महायुती 27 जागांवर विजय! बिनविरोध विजेत्यांची यादी

Published: Monday, February 9, 2026, 10:17 [IST]

ZP Panchayat Samiti Election 2026 : महाराष्ट्रातील १२ जिल्हा परिषदा आणि १२५ पंचायत समित्यांच्या निवडणुकीचा निकाल आज जाहीर होणार असतानाच, महायुतीने निवडणुकीपूर्वीच मोठी आघाडी घेतल्याचे चित्र स्पष्ट झाले आहे. कोकण पट्ट्यात महायुतीचे तब्बल २७ उमेदवार बिनविरोध निवडून आले असून, यात प्रामुख्याने भाजप आणि शिंदे गटाच्या उमेदवारांचा समावेश आहे. आज सकाळी १० वाजेपासून मतमोजणीला सुरुवात झाली असून असून सर्वांचे लक्ष निकालांकडे लागले आहे.

सिंधुदुर्गात भाजपचा बालेकिल्ला भक्कम

सिंधुदुर्ग जिल्हा परिषद आणि पंचायत समितीमध्ये महायुतीने आपला दबदबा निर्माण केला आहे. ५० सदस्यांच्या सिंधुदुर्ग जिल्हा परिषदेत भाजपचे ७ आणि शिंदे गटाचा १ असे एकूण ८ उमेदवार बिनविरोध विजयी झाले आहेत. तर जिल्ह्यातील पंचायत समितीच्या १०० जागांपैकी भाजपचे १६ आणि शिंदे सेनेचा १, अशा एकूण १७ जागांवर महायुतीने आधीच गुलाल उधळला आहे.

निवडणुकीची आकडेवारी एका नजरेत:

एकूण जिल्हा परिषदा: १२ (७३१ जागा)
एकूण पंचायत समित्या: १२५ (१,४६२ जागा)
रिंगणातील एकूण उमेदवार: ७,४३८
बिनविरोध विजयी जागा: २७ (कोकण विभाग)

सिंधुदुर्ग: महायुतीच्या बिनविरोध विजयी उमेदवारांची नामावली (२०२६)

सिंधुदुर्ग जिल्ह्यात मतदानापूर्वीच महायुतीने विजयाचा गुलाल उधळला आहे. यामध्ये जिल्हा परिषदेच्या ८ आणि विविध पंचायत समित्यांच्या १७ जागांचा समावेश आहे. सिंधुदुर्गात भाजपने आपले वर्चस्व राखले असून, शिंदे गटानेही मोक्याच्या जागांवर यश मिळवले आहे. विरोधकांनी अर्ज मागे घेतल्याने या उमेदवारांची निवड बिनविरोध झाली आहे.