दुरावलेले जवळ आले, काका-नातू गहिरवले..! शरद पवारांच्या वाढदिवसानिमित्तचे पहा काही खास ट्विट

Sharad pawar Birthday- राष्ट्रवादी काँग्रेस शरदचंद्र पवार पक्षाचे अध्यक्ष शरद पवार यांचा आज 84 वा वाढदिवस. या तरुण योद्ध्यावर सध्या देशभरातून शुभेच्छांचा वर्षाव होत आहे. लोकसभेतही पवारांचे वाढदिवसानिमित्त अभिष्टचिंतन करण्यात आले. या वाढदिवसानिमित्त गेल्यावर्षी सोडून गेलेले आमदारही आज पवारांना शुभेच्छा देताना दिसले. खा. प्रफुल्ल पटेल, सुनील तटकरे, छगन भुजबळ यांनी वाढदिवसाच्या शुभेच्छा देण्यासाठी थेट दिल्ली गाठली. दुसरीकडे दुरावलेल्या कुटुंबातील पुतणे अजित पवार, सून खा. सुनेत्रा पवार व नातू पार्थ पवारही पवार साहेबांना शुभेच्छा देण्यासाठी थेट दिल्लीला गेले. आज पवारांभोवत सगळा गोतावळा जमलेला दिसला.

पक्षाने बनवले खास ट्विट

आज शरद पवारांच्या वाढदिवसानिमित्त शरद पवार पक्षाच्या एक्स हँडलवर एक खास ट्विट करण्यात आले आहे. आज दिवसभर शरद पवारांच्या आयुष्यातील माहिती नसलेले क्षण ट्विट केले जाणार असल्याची माहिती मिळत आहे. हे ट्विट उत्सुकता वाढविणारे ठरले आहे.

गेली ६ दशकं ज्या धोरणी नेत्याच्या सर्वसमावेशक आणि दूरदृष्टीने आपल्या राष्ट्राला-महाराष्ट्राला प्रगतीपथावर नेलं त्या आदरणीय पवारसाहेबांचं अभिष्टचिंतन करूया #UntoldStoriesOfPawarSaheb ह्या गौरवकथांच्या माध्यमातून !#पवारसाहेब_शतायुषी_व्हा #VisionaryPawarSaheb pic.twitter.com/hgaEl2uQvu

— Nationalist Congress Party - Sharadchandra Pawar (@NCPspeaks) December 12, 2024

अजित पवारांकडून शुभेच्छा

आज शरद पवारांच्या वाढदिवसानिमित्त अजित पवार यांनी त्यांना वाढदिवसानिमित्त 'एक्स'वर शुभेच्छा दिल्या आहेत. आदरणीय शरद पवार साहेबांना वाढदिवसाच्या मनःपूर्वक शुभेच्छा! आपणांस उत्तम स्वास्थ्य व दीर्घायुष्य लाभो, ही सदिच्छा, असे त्यांनी म्हटले आहे.

आदरणीय श्री. शरद पवार साहेबांना वाढदिवसाच्या मनःपूर्वक शुभेच्छा! आपणांस उत्तम स्वास्थ्य व दीर्घायुष्य लाभो, ही सदिच्छा. pic.twitter.com/6SnkF97upb

— Ajit Pawar (@AjitPawarSpeaks) December 12, 2024

नातू पार्थ पवारांच्याही शुभेच्छा

अजित पवारांचे पुत्र पार्थ पवार यांनी शरद पवार यांच्या वाढदिवसानिमित्त त्यांना 'एक्स' या समाजमाध्यमावर खास शुभेच्छा दिल्या आहेत. आदरणीय शरदचंद्रजी पवार साहेबांना वाढदिवसाच्या मनःपूर्वक शुभेच्छा, असे पार्थ पवार यांनी म्हटले आहे.

आदरणीय श्री शरदचंद्रजी पवार साहेबांना वाढदिवसाच्या मनःपूर्वक शुभेच्छा! pic.twitter.com/dO0xoKRzbn

— Parth Sunetra Ajit Pawar (@parthajitpawar) December 12, 2024

भुजबळांकडून आरोग्यासाठी प्रार्थना

राष्ट्रवादी अजित पवार गटाचे ज्येष्ठ नेते छगन भुजबळ यांनीही शरद पवार यांच्या वाढदिवसानिमित्त त्यांना 'एक्स' या समाजमाध्यमावर शुभेच्छा दिल्या आहे. शरदचंद्रजी पवार साहेब आपणास वाढदिवसाच्या हार्दिक शुभेच्छा! या वाढदिवसानिमित्त आपल्या उत्तम आरोग्याची व दीर्घायुष्याची प्रार्थना करतो. आपल्याला पुढील वाटचालीसाठी खूप खूप शुभेच्छा, असे छगन भुजबळ यांनी म्हटले आहे.

शरदचंद्रजी पवार साहेब आपणास वाढदिवसाच्या हार्दिक शुभेच्छा!

या वाढदिवसानिमित्त आपल्या उत्तम आरोग्याची व दीर्घायुष्याची प्रार्थना करतो. आपल्यला पुढील वाटचालीसाठी खूप खूप शुभेच्छा!@PawarSpeaks #SharadPawar pic.twitter.com/paQ9V55m57

— Chhagan Bhujbal (@ChhaganCBhujbal) December 12, 2024