मविआच्या काळात फडणवीस, एकनाथ शिंदेंना अटक करण्याचा प्रयत्न झाला, परमबीर सिंह यांचा खळबळजनक दावा

मुंबई : महाविकास आघाडीचे सरकार असताना तत्कालिन विरोधी पक्षनेते देवेंद्र फडणवीस आणि तत्कालिन नगरविकास मंत्री एकनाथ शिंदे यांच्यासह अन्य काही नेत्याना अटक करण्याचा प्रयत्न झाला होता, असा आरोप मुंबईचे माजी पोलिस आयुक्त परमबीर सिंह यांनी केला आहे.ते एएनआय वृत्तसंस्थेशी बोलताना त्यांनी हा दावा केला आहे.

शरद पवार यांच्या मुंबईतील निवासस्थानी एक बैठक पार पडली होती.या बैठकीला शरद पवार,अनिल देशमुख उपस्थित होते. या बैठकीत त्यांनी माझ्यावर विरोधकांवर खोटी कारवाई करण्यासंदर्भात दबाव आणला. मात्र, मी त्यांना नकार दिला. मी अशाप्रकारे कुणावरही खोटा गुन्हा दाखल करणार नसल्याचं आपण त्यांना स्पष्टपणे सांगितलं, असं परमबीर सिंह यांनी म्हटलं आहे.

Param Bir Singh alleges attempts to implicate Fadnavis, Shinde by MVA government; says Uddhav, Pawar exerted pressure on officials

Read @ANI Story | https://t.co/6h3gx3rZaK#ParambirSingh #UdhhavThackeray #SharadPawar #AnilDeshmukh pic.twitter.com/idTHTEP3aE

— ANI Digital (@ani_digital) August 10, 2024

शरद पवार यांच्या निवास्थानी बैठक झाल्यानंतर उद्धव ठाकरे यांच्या मातोश्री निवासस्थानी एक बैठक घेण्यात आली. या बैठकीला अनिल देशमुख उपस्थित होते. त्यावेळी त्यांनी मुंबई बॅंक प्रकरणात विधानपरिषदेचे विरोधी पक्षनेते प्रवीण दरेकर यांच्यावर कारवाई करण्यासाठी माझ्यावर दबाव आणला. त्यावेळी मी त्यांना सांगितलं की, याप्रकरणाची चौकशी झाली असून ही केस बंद करण्यात आली आहे. त्यामुळे मी पुन्हा कारवाई करता येणार नाही.

महाविकास आघाडी सरकारच्या काळात माझ्याविरोधातही खोट्या केस दाखल करून मला अटक करण्याचा प्रयत्न झाला. ठाण्यातील एका जुन्या जमीन गैरव्यवहार प्रकरणात तत्कालिन विरोधी पक्षनेते आणि आताचे उपमुख्यमंत्री देवेंद्र फडणवीस यांनाही अटक करण्याचा प्रयत्न झाला. याप्रकरणाची चौकशी सहाय्यक पोलीस आयुक्त सरदार पाटील यांनी केली होती. त्यांना संजय पांडे यांच्याकडून निर्देश मिळत होते. तर संजय पांडे यांना अनिल देशमुख, शरद पवार आणि उद्धव ठाकरे यांच्याकडून निर्देश दिले जात होते,असं परमवीस सिंह यांनी म्हटलं आहे.

आश्चर्याची बाब म्हणजे याच प्रकरणात तत्कालिन नगरविकास मंत्री एकनाथ शिंदे यांनाही अटक करण्याचा प्रयत्न झाला होता. त्यांना अटक करण्यासाठी संजय पांडे यांनी सरदार पाटील यांना निर्देश दिले होते,असा दावाही मुंबईचे माजी पोलिस आयुक्त परमबीर सिंह यांनी केला आहे.