Nagpur Winter Session 2024 :अमित शहांनी बाबासाहेबांचा अपमान केला, त्यांनी माफी मागावी - नाना पटोले

Updated: Wednesday, December 18, 2024, 15:58 [IST]

Nagpur Winter Session 2024 : महाराष्ट्र राज्य विधिमंडळाच्या नागपूर येथील हिवाळी अधिवेशनाचा आज तिसरा दिवस आहे. या अधिवेशनात आज महत्वाचे निर्णय आणि महत्वाच्या विषयावर चर्चा अपेक्षित आहेत. या अधिवेशनात कालपर्यंत उपमुख्यमंत्री अजित पवार हे दिसले नाही. ते कशामुळे आले नाही याचे स्पष्टीकरण समोर आले आहे. ते आजारी असल्याने कालपर्यंत गैरहजर होते पण आज ते अधिवेशनात हजर झाले आहेत.

दरम्यान, पहिल्या दिवशी आणि दुसऱ्या दिवसाच्या कामकाजानंतर आज तिसऱ्या दिवशी महत्वाचे निर्णय राज्याला अपेक्षित आहेत तर दुसरीकडे नागपूरमध्ये असलेल्या प्रचंड थंडीमुळे काही नेत्यांची या अधिवेशनाला अनुपस्थिती दर्शवली आहे.

3:51 PM, 18 Dec

डॉ. बाबासाहेब आंबेडकरांचा अपमान केल्याबद्दल अमित शाहांनी देशाची माफी मागावी : नाना पटोले

नागपूर : केंद्रीय गृहमंत्री अमित शाह यांनी संसदेत डॉ. बाबासाहेब आंबेडकर यांच्या नावाचा ज्या पद्धतीने उल्लेख केला तो अत्यंत आक्षेपार्ह आहे. आंबेडकर, आंबेडकर, आंबेडकर नाव घेण्याची फॅशनच आली आहे. एवढ्यावेळा देवाचे नाव घेतले तर देव पावला असता असे वक्तव्य केले. अमित शाह यांच्या या विधानातून भाजपाला देशाच्या संविधान निमार्त्याबद्दल किती राग आहे तेच बाहेर आले असून डॉ. बाबासाहेब आंबेडकर यांच्याबद्दलचा भाजपाचा खरा चेहरा जनतेच्या समोर आला आहे, असे महाराष्ट्र प्रदेश काँग्रेस कमिटीचे अध्यक्ष नाना पटोले यांनी म्हटले आहे.

3:30 PM, 18 Dec

Nagpur Winter Session 2024

विधानसभेत संमत केल्यानंतर आज विधान परिषदेत महाराष्ट्र जिल्हा परीषद व पंचायत समिती निवडणुका तात्पुरत्या पुढे ढकलणे विधेयक,2024 चे विधेयक प्रभारी मंत्री गिरीश महाजन यांनी सभागृहात ठेवले असून हे विधेयक आज विधान परिषदेत संमत करण्यात आले आहे.

3:18 PM, 18 Dec

महाराष्ट्र खाजगी विद्यापीठे विधेयक,2024 विधान परिषदेत संमत

महाराष्ट्र खाजगी विद्यापीठे ( स्थापन व विनियमन ) ( दुसरी सुधारणा ) विधेयक,2024 विधान परिषदेत संमत करण्यात आले.. हे विधेयक मंत्री चंद्रकांत दादा पाटील यांनी सभागृहात ठेवले होते.

3:05 PM, 18 Dec

अमित शहांनी बाबासाहेबांचा अपमान केला - उद्धव ठाकरे

मुंबई : केंद्रीय गृहमंत्री अमित शहा यांनी संसद सभागृहात बोलताना डॉ. बाबासाहेब आंबेडकर यांचा अपमान केला. याबद्दल भाजपची भूमिका काय ? ती स्पष्ट करावी अशी मागणी शिवसेना उद्धव बाळासाहेब ठाकरे पक्षाचे पक्षप्रमुख उद्धव ठाकरे यांनी आज पत्रकार परिषदेत केली.

2:55 PM, 18 Dec

Nagpur Winter Session 2024 : पत्रकारांवरील अत्याचाराविरोधात मोर्चा

नागपूर - राज्यातील पत्रकारांना न्याय व हक्क मिळवून देण्यासाठी नागपुरात सुरू असलेल्या हिवाळी अधिवेशनावर जन ग्रामीण पत्रकार संघ आणि कार्यरत पत्रकार संघाच्या संयुक्त नेतृत्वाखाली पत्रकार बांधवतर्फे जोरदार मोर्चा काढण्यात आला. आंदोलनात पत्रकारांवर होत असलेले अत्याचार, त्यांच्यावर खोटे गुन्हे दाखल करून होत असलेली कारवाई, त्यांच्यावर होत असलेल्या अन्यायाबाबत तीव्र नाराजी व्यक्त केली. ते म्हणतात की पत्रकार सत्य समाजासमोर आणतात, मात्र प्रामाणिक पत्रकारांना खोट्या खटल्यात अडकवून दडपले जाते, कारण ते राजकीय नेत्यांच्या इशाऱ्यावर काम करत नाहीत. गेल्या पाच वर्षांत पत्रकारांवर डझनभर खटले दाखल करण्यात आले असून, त्यातील अनेक खोटे असल्याचे आंदोलकांनी सांगितले. या सर्व समस्यांवर तोडगा काढण्यासाठी आज पत्रकारांनी विधानभवनावर मोर्चा काढून आपल्या पाच प्रमुख मागण्या पूर्ण करण्याचे आवाहन करत घोषणाबाजीतून आवाज उठवला.

2:35 PM, 18 Dec

महाराष्ट्र सार्वजनिक विद्यापीठ ( दुसरी सुधारणा ) विधेयक 2024 विधान परिषदेत सादर

महाराष्ट्र सार्वजनिक विद्यापीठ ( दुसरी सुधारणा ) विधेयक , 2024 विधान परिषदेत संमत करण्यात आले. हे विधेयक प्रभारी मंत्री चंद्रकांत दादा पाटील यांनी सभागृहात ठेवले.

2:09 PM, 18 Dec

विधान परिषदेच्या सभापती पदाच्या निवडणुकीसाठी प्रा. राम शिंदे यांचा आज उमेदवारी अर्ज दाखल

मुख्यमंत्री देवेंद्र फडणवीस यांच्या उपस्थितीत महाराष्ट्र विधान परिषदेच्या सभापती पदाच्या निवडणुकीसाठी प्रा. राम शिंदे यांनी आज उमेदवारी अर्ज दाखल केला. उपमुख्यमंत्री अजित पवार, मंत्री सर्वश्री चंद्रशेखर बावनकुळे, चंद्रकांतदादा पाटील, उदय सामंत, जयकुमार रावल ही उपस्थित होते.

1:50 PM, 18 Dec

Nagpur Winter Session 2024 : विधान परिषद अपडेट्स

विधान परिषद अपडेट्स श्री सिद्धिविनायक गणपती मंदीर विश्वस्त व्यवस्था ( प्रभादेवी ) ( सुधारणा ) विधेयक 2024 हे विधेयक सभागृहात संमत करण्यात आले. हे विधेयक मंत्री जयकुमार रावल यांनी सभागृहात मांडले होते. विरोधी पक्षनेते अंबादास दानवे, सचिन अहिर यांच्यासह अनेक सदस्यांनी यात आपल्या सूचना मांडल्या. सभापतींनीही मंदिर विश्वस्त व्यवस्थे मध्ये महिलांना महिला आरक्षण नुसार संधी द्यावी.. तसेच श्री सिद्धिविनायकावर ज्यांची श्रद्धा आहे आणि जो हिंदु धर्मातील आहे त्यांनाच संधी द्यावी अशी सूचना मंत्री जयकुमार रावल यांना केली. सरकार यावर सकारात्मक विचार करेल असे आश्वासन मंत्री जयकुमार रावल यांनी सभागृहात दिले.

1:36 PM, 18 Dec

अमित शहांच्या वक्तव्यावर जिंतेंद्र आव्हाडांचा संताप

नागपूर -अमित शाह यांनी लोकसभेत बोलताना हे वक्तव्य केलं होतं, त्याचे पडसाद आता उमटताना दिसत आहेत. आंबेडकर आंबेडकर इतकं नाव देवाचं घेतलं असता तर सात जन्म स्वर्ग मिळाला असता असं वक्तव्य अमित शाह यांनी केलं आहे. त्यावरती राष्ट्रवादी काँग्रेस शरदचंद्र पवार पक्षाचे आमदार जितेंद्र आव्हाड यांनी संताप व्यक्त केला आहे. जितेंद्र आव्हाड यांनी सोशल मिडिया एक्स वरती पोस्ट लिहून संताप व्यक्त केला आहे. आम्हाला स्वर्ग काय असतो हे काय माहीत नाही पण त्या महामानवानीच आम्हाला नरक यातनेतून बाहेर काढले.मानवी जीवनाची ओळख त्यांनी करून दिली त्या मुळे त्यांचे नाव फॅशन म्हणून घेतले जात नाही तर त्यांच्या उपकाराची जाणीव ठेऊन घेतले जाते .देवाचे नाव घ्यायचा अधिकार कुठे होता आम्हाला .तीन टक्के लोकांनी देवाला कुलूप लावून बंद करून ठेवले होते अगदी स्पष्ट जे दिले ते भीमानेच".

12:44 PM, 18 Dec

Nagpur Winter Session 2024 : तिसऱ्या दिवशी शेतकऱ्यांच्या मुद्द्यावरून मविआ आक्रमक

नागपूर -कापसाच्या झाल्या वाती, सोयाबीनची माती’, ‘शेतकऱ्याला लुटणाऱ्या सरकारचार धिक्कार असो’, अशा घोषणा देत आणि गळ्यात कापसाच्या बोंडाच्या माळा घालून विरोधकांनी बुधवारी विधानभवन परिसरातील पायऱ्यांवर आंदोलन केले. विधानपरिषदेचे विरोधी पक्षनेते अंबादास दानवे आक्रमक होऊन त्यांनी भाष्य केले. म्हणाले,‘राज्यातील शेतकऱ्यांची परिस्थिती अत्यंत वाईट आहे. शेतकरी आत्महत्या करतोय. सोयाबीन, कापसाला योग्य भाव नाही. धानाला बोनस नाही, अशी स्थिती आहे. सरकारने शेतकऱ्यांवरील अन्याय दूर करावा, यासाठी हे आंदोलन करण्यात आले आहे.’ आमदार सतेज पाटील म्हणाले,‘महागाई वाढली असून शेतकऱ्यांच्या मालाला योग्य भाव मिळत नसल्यामुळे हवालदिल झाला आहे.

12:10 PM, 18 Dec

"निवडणुकीत ज्या पक्षाने सर्वाधिक खर्च केला तो सर्व काळा पैसा आहे"- संजय राऊत

'वन नेशन, वन इलेक्शन' या विषयावर शिवसेनेचे (UBT) खासदार संजय राऊत म्हणाले, "हा आपल्या देशाची संघीय रचना संपविण्याचा प्रयत्न आहे. हे विधेयक फक्त एका व्यक्तीसाठी मंजूर केले गेले आहे आणि ती व्यक्ती पूर्ण होणार नाही. त्यांचा कार्यकाळ...निवडणुकीत ज्या पक्षाने सर्वाधिक खर्च केला तो सर्व काळा पैसा आहे..."

#WATCH | Delhi | On 'One Nation, One Election', Shiv Sena (UBT) MP Sanjay Raut says, "It is an attempt to end the federal structure of our nation. This Bill has been passed for just one person and that person is not going to complete his tenure...The party which has the maximum… pic.twitter.com/sQm9TkeW7e
— ANI (@ANI) December 18, 2024

12:02 PM, 18 Dec

छगन भुजबळांचे कार्यकर्त्यांना आवाहन

राष्ट्रवादीचे नेते छगन भुजबळ म्हणाले, "अजित पवारांच्या विरोधात बॅनर लावणे, त्यांच्या फोटोंवर चप्पल फेकणे आणि त्यांच्या विरोधात वाईट बोलणे - हे सर्व करू नका. जर तुम्ही असे केले तर याचा अर्थ तुम्ही आमचे सदस्य नाही असा आहे. तुम्हाला (समर्थकांना) तुमची वेदना आणि राग व्यक्त करण्यास मनाई नाही पण तुम्ही सभ्य शब्दात आणि रीतीने व्यक्त केले पाहिजे असे ते म्हणाले.

NCP leader Chhagan Bhujbal says, "Putting up banners against Ajit Pawar, hurling slippers at his photos and speaking nonsense against him - don't do all this. If you do this, it means that you are not our members...There is no prohibition on you (supporters) expressing your pain… https://t.co/udBVQbE46u pic.twitter.com/BCF7h8HrAl
— ANI (@ANI) December 18, 2024

11:43 AM, 18 Dec

हिवाळी अधिवेशन दिवस तिसरा दिवस

कापूस, सोयाबिन व तूर या शेतकऱ्यांच्या शेतमालाला हमीभाव मिळाला पाहिजे, या मागणीसाठी महाविकास आघाडीच्या आमदारांनी आज "कापसाच्या झाल्या वाती सोयाबिनची झाली माती", "शेतकऱ्यांना देशोधडीला लावणाऱ्या सरकारचा धिक्कार असो,", अशा जोरदार घोषणाबाजी करत व हातात सोयाबीन, तूरची रोपं, गळ्यात कापसाच्या बोंडाच्या माळा घालून विधिमंडळाच्या पायऱ्यांवर जोरदार आंदोलन केले.

11:29 AM, 18 Dec

शेतकऱ्यांच्या शेतमालाला हमीभाव द्या - महाविकास आघाडीच्या आमदारांचे विधिमंडळाच्या पायऱ्यांवर जोरदार आंदोलन

नागपूर - कापूस, सोयाबिन व तूर या शेतकऱ्यांच्या शेतमालाला हमीभाव मिळाला पाहिजे, धानाला बोनस मिळाला पाहिजे, या मागणीसाठी महाविकास आघाडीच्या आमदारांनी आज विधिमंडळाच्या पायऱ्यांवर जोरदार आंदोलन केले. "कापसाच्या झाल्या वाती सोयाबिनची झाली माती", "शेतकऱ्यांना देशोधडीला लावणाऱ्या सरकारचा धिक्कार असो,", अशा जोरदार घोषणाबाजी करत व हातात सोयाबीन, तूरची रोपं, गळ्यात कापसाच्या बोंडाच्या माळा घालून महाविकास आघाडीच्या आमदारांनी आज शेतकऱ्यांच्या बाजूने सरकारविरोधात आंदोलन केले. केंद्राचे शेतमालाचे आयात निर्यात धोरण चुकीचे आहे. हे सरकार शेतकऱ्यांकडे दुर्लक्ष करणारे हे सरकार आहे अशी टीका विधान परिषदेचे विरोधी पक्षनेते अंबादास दानवे यांनी केली. तसेच शेतकऱ्यांना शेतमालाला भाव मिळाला पाहिजे, अशी मागणीही दानवे यांनी लावून धरली.

11:26 AM, 18 Dec

Nagpur Winter Session 2024 Updates

विधानसभेच्या तालीका अध्यक्षपदी भाजपचे चैनसुख संचेती यांची नियुक्ती विधानसभा अध्यक्ष राहुल नार्वेकर यांनी जाहीर केली आहे.

11:10 AM, 18 Dec

मुख्यमंत्री देवेंद्र फडणवीस यांचे आजचे कार्यक्रम

बुधवार, ता. 18 डिसेंबर 2024 सकाळी 11 वाजता : विधानसभा कामकाज, विधानभवन, नागपूर दुपारी 12 वाजता : विधानपरिषद कामकाज, विधानभवन, नागपूर दुपारी 2.30 वाजता : विधानसभा कामकाज सल्लागार समिती बैठक, विधानभवन, नागपूर दुपारी 3 वाजता : विधानपरिषद कामकाज सल्लागार समिती बैठक, विधानभवन, नागपूर

11:07 AM, 18 Dec

मानखूर्द-शिवाजीनगरला नशामुक्त करा - अबू आझमी

मानखूर्द-शिवाजीनगरमध्ये ड्रग्जचा बाजार सुरु आहे, त्यामुळे हा भाग नशामुक्त करा अशी मागणी आज अबू आझमी यांनी सभागृहात विधानसभा अध्यक्षांकडे केली आहे.