Mumbai train accident : मुंबईत रेल्वे अपघात नेमका कसा झाला? अधिकाऱ्यांनी सांगितलं, 3 मुद्यात वाचा

Mumbai train accident : मुंबईमध्ये मुंब्रा-दिवा स्टेशन दरम्यान लोकलमधून पडून पाच प्रवाशांचे जीव गेल्यानंतर रेल्वे बोर्डाने मोठा निर्णय घेतला आहे. एकीकडे रेल्वे विभाग अशी घटना पुन्हा घडू नये म्हणून काळजी घेत आहे तर दुसरीकडे आज 9 जून 2025 रोजी घडलेला अपघात नेमका कसा घडला याची माहिती मध्य रेल्वेकडून देण्यात आली आहे.

आज सकाळी साडेनऊ वाजताच्या सुमारास कसाऱ्याहून सीएसएमटीच्या दिशेने जाणाऱ्या लोकलमधून पडून 5 प्रवाशांचा मृत्यू झाला. तर जखमींमध्ये सात पुरुष आणि दोन महिलांचा समावेश आहे.

संग्रहित छायाचित्र.

पुष्पक एक्सप्रेसचा या अपघाताशी संबंध नाही

दरम्यान काही वृत्तवाहिनी दावा केला होता की मुंबईतील छत्रपती शिवाजी महाराज टर्मिनसवरुन लखनऊला जाणाऱ्या पुष्पक एक्सप्रेसमधील प्रवासी खाली पडले आणि काही माध्यमांनी पुष्पक एक्सप्रेस व कसारा येथून सीएसटीएम जाणाऱ्या लोकलचे प्रवासी एकमेकांना घासले गेले व ही घटना घडली असे म्हटले परंतु पुष्पक एक्सप्रेसचा या घटनेशी संबंध नसल्याचा रेल्वेने स्पष्ट केलं.

कसा झाला लोकलचा अपघात?

1. मध्य रेल्वेच्या अधिकाऱ्याने सांगितले की, कसाऱ्यावरून छत्रपती शिवाजी महाराज टर्मिनसला जाणारे लोकल प्रवाशांनी गच्च भरली होती काही प्रवासी पायदानावर उभे राहून प्रवास करत होते.

2. त्याचवेळी छत्रपती शिवाजी महाराज टर्मिनसवरून डाऊन दिशेने जाणारी एक लोकल समोरून आली या ठिकाणी या दोन्ही लोकल गाड्या एकमेकांच्या बाजूने जात होत्या

3. या भागात दोन रेल्वे रुळांमध्ये अंतर कमी आहे तसेच अनेक प्रवासी दरवाजात उभे होते त्यांच्या पाठीवर बॅगा देखील होत्या,हे प्रवासी डाऊन दिशेने जाणाऱ्या लोकलला घासले गेले त्यांच्या बॅगा दुसर्‍या लोकल वर आदळल्या त्यामुळे दरवाज्यात उभे असलेले आठ प्रवासी खाली पडले.

मध्य रेल्वेचे जनसंपर्क अधिकारी स्वप्निल निला यांनी या घटनेनंतर पत्रकार परिषद घेतली. निला म्हणाले, आम्हाला त्या लोकांमध्ये प्रवाशांची व गार्डने सकाळी साडेनऊच्या समोरास फोन करून या घटनेची माहिती दिली त्यानंतर आम्ही तातडीने या प्रवाशांसाठी रुग्णवाहिका पाठवली. 9 वाजून 50 मिनिटांच्या दरम्यान रुग्णवाहिका व रेल्वेच्या अधिकारी कर्मचारी घटनास्थळी दाखल झाले व जखमींना रुग्णालयात नेले.