Mumbai Metro 3: आजपासून मुंबई मेट्रो-3 प्रवाशांच्या सेवेत, जाणून घ्या वेळ,तिकीट भाडे?

Mumbai Aqua Line: मुंबईला भूमिगत मेट्रोची नवीन लाईन आज सुरु करण्यात येणार आहे. पंतप्रधान मोदी यांनी शनिवारी मुंबईतील ॲक्वा मेट्रो लाइनच्या पहिल्या टप्प्याचे उद्घाटन केले. मुंबई मेट्रो लाइन 3 वांद्रे-कुर्ला कॉम्प्लेक्स (BKC) ते आरे; एक्वा लाइन सोमवारी आज 7 ऑक्टोबर रोजी प्रवाशांच्या सेवेत दाखल होणार आहे.

शनिवारी पहिल्या टप्प्याच्या उद्घाटनादरम्यान पंतप्रधान नरेंद्र मोदी यांनी ॲक्वा लाइन ते सांताक्रूझ स्टेशन प्रवास केला. यावेळी त्यांनी विद्यार्थी, महाराष्ट्र शासनाच्या लाडकी बहिन योजनेचे लाभार्थी आणि शहरातील पहिल्या भुयारी मेट्रो लाईनच्या बांधकामाशी संबंधित मजुरांशी संवाद साधला. प्रवाशांचा अनुभव सुधारण्यासाठी डिझाइन केलेले MetroConnect3 ॲपही त्यांनी लाँच केले.

आरे कॉलनी ते बीकेसी दरम्यानची ही 12.69 किमी लांबीची मेट्रो लाईन 33.5 किमी लांबीच्या कुलाबा-सीप्झ-आरे मेट्रो लाइन 3 चा भाग आहे. ज्याला या आठवड्याच्या सुरुवातीला मेट्रो रेल्वे सुरक्षा आयुक्त (CMRS) कडून अंतिम मंजुरी मिळाली आहे.

असे आहेत 10 मेट्रो स्टेशन

मुंबई एक्वा लाइन स्टेशन्स बीकेसी (BKC) आणि आरे (Aarey)दरम्यान एक्वा मेट्रो लाइनमध्ये 10 मेट्रो स्टेशन आहेत.

बीकेसी, वांद्रे कॉलनी , सांताक्रूझ , छत्रपती शिवाजी महाराज आंतरराष्ट्रीय विमानतळ, सहार रोड, विमानतळ टर्मिनल 1, मरोळ नाका, अंधेरी सीप्ज, आरे कॉलनी, आरे जेव्हीएलआर असे एकूण 10 मेट्रो स्टेशन आहेत.

तिकिट दर

वांद्रे कॉलनी-40
बीकेसी-50

सीप्झ- 10 रुपये
एमआयडीसी अंधेरी-20
मरोळ नाका-20
सीएसएमआयए टी2-30
सहार रोड- 30
सीएसएमआयए टी1-30
सांताक्रुझ-40

असं आहे संपूर्ण वेळापत्रक

मुंबई एक्वा लाईन वेळा एक्वा लाईन मेट्रो सेवा 7 ऑक्टोबर सोमवारी, आरे ते JVLR स्टेशन आणि वांद्रे-कुर्ला कॉम्प्लेक्स या दोन्ही ठिकाणाहून सकाळी 11 वाजता सुरू होणार आहेत. शेवटची मेट्रो रात्री 8.30 वाजता . 8 ऑक्टोबरपासून मुंबई मेट्रो 3 ची नियमित सेवा सोमवार ते शनिवार सकाळी 6.30 ते रात्री 10.30 आणि रविवारी सकाळी 8.30 ते रात्री 10.30 या वेळेत धावेल.