लोकलने प्रवास करताय? 20 अन् 21 मे रोजी 'या' मार्गावर राहणार जेम्बो ब्लाॅक! वेळापत्रक तपासा

Mumbai Local Trains : मुंबई लोकल ट्रेनच्या प्रवाशांसाठी एक मोठी बातमी समोर आली आहे. पश्चिम रेल्वेने 20 आणि 21 मे 2025 रोजी जम्बो ब्लॉक जाहीर केला आहे. हा रात्रीचा जम्बो ब्लॉक 20 आणि 21 मे रोजी पहाटे 01:00 ते 04:30 पर्यंत असेल. यादरम्यान काही गाड्या वळवण्यात आल्या तर काही रद्द करण्यात आल्या आहेत.

का राहणार जेम्बो ब्लाॅक?

वनइंडिया हिंदीने दिलेल्या वृत्तानुसार, पश्चिम रेल्वेने जारी केलेल्या जेम्बो ब्लाॅकचे कारण म्हणजे रेल्वे ट्रॅक, सिग्नलिंग सिस्टीम आणि ओव्हरहेड उपकरणांच्या देखभाल दुरुस्ती होय. यामुळेच हा जंबो ब्लॉक केला जात आहे. पश्चिम रेल्वेने दिलेल्या माहितीनुसार, मुंबईतील वसई रोड आणि भाईंदर स्थानकांदरम्यान अप आणि डाऊन दोन्ही धीम्या मार्गांवर या रात्रीचा जम्बो ब्लॉक असेल.

लोकल गाड्यांवर काय होणार फरक

मुंबई लोकल ट्रेन सेवेची सुरक्षितता निश्चित करण्यासाठी आणि प्रवाशांचा प्रवास अधिक आरामदायी आणि दर्जेदार करण्यासाठी रेल्वे वेळोवेळी काम करत आहे. दरम्यान, या कालवधीत या मार्गावरील काही गाड्या वळवण्यात येतील आणि काही गाड्या रद्द केल्या जातील.

• या देखभाल कालावधीत, सर्व धीम्या मार्गावरील गाड्या विरार/वसई रोड आणि बोरिवली/भाईंदर दरम्यान जलद मार्गांवर पाठवल्या जातील.
• आवश्यकतेनुसार रेल्वे सेवांमध्ये लक्षणीय व्यत्यय न आणता जम्बो ब्लॉक राबविले जातील.
• काही अप आणि डाऊन लोकल गाड्या रद्द राहतील, याची प्रवाशांनी नोंद घ्यावी.

पालघर स्थानकावर अतिरिक्त थांबा

प्रवाशांच्या सोयीसाठी, पश्चिम रेल्वेने पालघर स्थानकावर दोन जोड्या गाड्यांचा अतिरिक्त थांबा जाहीर केला आहे. 17 मे 2025 पासून सुरू होणारी ट्रेन क्रमांक 22955 वांद्रे टर्मिनस-भुज कच्छ एक्सप्रेस आणि ट्रेन क्रमांक 12490 दादर-बिकानेर एक्सप्रेस त्यांच्या परतीच्या प्रवासात पालघर स्थानकावर थांबतील. या अतिरिक्त थांब्याचा फायदा अनेक प्रवाशांना होण्याची अपेक्षा आहे.

अतिरिक्त थांब्यांच्या वेळापत्रकानुसार, ट्रेन क्र. 22955 ही गाडी वांद्रे टर्मिनस येथून प्रवास सुरू करून पालघर स्टेशनवर 19:00 वाजता पोहोचेल आणि 19:02 वाजता निघेल. त्याचप्रमाणे, परतीचा प्रवास आणि दादर-बिकानेर एक्सप्रेसने पालघर येथे या सेवांचा लाभ घेणाऱ्या प्रवाशांना सुरळीत प्रवास करता यावा यासाठी आगमन आणि प्रस्थानाच्या वेळा बदलल्या आहेत.

पश्चिम रेल्वेने म्हटले की,रविवार, 18 मे 2025 रोजी पश्चिम रेल्वे उपनगरीय विभागात दिवसा ब्लॉक राहणार नाही. रविवारी दिवसा प्रवास करणाऱ्या प्रवाशांना त्यांच्या प्रवासादरम्यान कोणताही अडथळा येणार नाही. पश्चिम रेल्वेने प्रवाशांना या कालावधीतील विशिष्ट रेल्वे वेळापत्रकांविषयी सविस्तर माहितीसाठी स्टेशन मास्टर कार्यालयाशी संपर्क साधण्याचा सल्ला दिला आहे.