Mokshada Ekadashi 2024 : मोक्षदा एकादशी कधी आहे? महत्त्व आणि उपासनेची पद्धत काय आहे? घ्या जाणून

Mokshada Ekadashi 2024 date puja vidhi importance and worship method : मोक्षदा एकादशी 2024 : मार्गशीर्ष महिन्याच्या शुक्ल पक्षातील एकादशीला मोक्षदा एकादशी साजरी केली जाते. हे व्रत मोक्षप्राप्तीसाठी अत्यंत महत्त्वाचे मानले जाते. या दिवशी भगवान हरी विष्णूची पूजा केली जाते आणि गीता जयंती देखील साजरी केली जाते कारण या दिवशी भगवान श्रीकृष्णाने महाभारताच्या रणांगणात अर्जुनाला गीतेचे ज्ञान दिले होते अशी आख्यायिका आहे.

एकादशी आज की उद्या ?

यावेळी मोक्षदा एकादशीच्या तिथीबद्दल लोकांच्या मनात थोडा संभ्रम झाला आहे, काही लोकांच्या म्हणण्यांनुसार, एकादशी आज आहे तर काही लोक उद्या एकादशी आहे असे सांगत आहेत. वास्तविक, एकादशी तिथी 11 डिसेंबर रोजी पहाटे 3:42 वाजता सुरू होईल आणि ती 12 डिसेंबर रोजी पहाटे 1:09 वाजता समाप्त होईल, म्हणून मोक्षदा एकादशीचे व्रत 11 डिसेंबर 2024 रोजी पाळले जाईल.

मोक्षदा एकादशीचे महत्त्व

आख्यायिका आहे की, ही एकादशी माणसाला त्याच्या पापांपासून मुक्त करते आणि मोक्षाचा मार्ग प्रशस्त करते. या दिवशी पितरांचे व्रत आणि पूजा केल्याने मोक्ष प्राप्त होतो अशी भावना आहे.

या दिवशी भगवान श्रीकृष्णाने अर्जुनला भगवद्गीतेचा उपदेश केला, म्हणून हा दिवस गीता जयंती म्हणूनही महत्त्वाचा आहे असे पुर्वापार सांगितले जात आहे. या व्रताचे पालन केल्याने अश्वमेध यज्ञासारखे पुण्य प्राप्त होते.

मोक्षदा एकादशी पूजा विधी :

स्नान व संकल्प : सकाळी ब्रह्म मुहूर्तावर स्नान करावे. शुद्ध वस्त्र परिधान करून व्रताची शपथ घ्या. भगवान विष्णूची मूर्ती किंवा चित्र स्वच्छ ठिकाणी स्थापित करा. गंगाजल शिंपडून पूजास्थान शुद्ध करा. दिवा लावा आणि अगरबत्ती अर्पण करा. भगवान विष्णूला तुळशीची पाने, फळे, फुले आणि पिवळे वस्त्र अर्पण करा.

मोक्षदा एकादशीची कथा ऐकणे आणि सांगणे आवश्यक आहे. गीताही पाठ करा. उपवास ठेवा. आरोग्याच्या कारणांमुळे हे शक्य नसेल तर फळे खावीत. दिवसाच्या शेवटी ब्राह्मणांना अन्न आणि वस्त्र दान करा.

ब्रह्म मुहूर्तावर द्वादशी तिथीला उपवास सोडा. सर्व प्रथम देवाला अन्न अर्पण करा आणि नंतर दान करून व्रत समाप्त करा.

या गोष्टी लक्षात ठेवायला हव्याच

उपवास करताना राग, खोटेपणा आणि अशुद्धता टाळा. या दिवशी कांदा-लसूण आणि तामसिक भोजनाचा त्याग करावा. जेवढे शक्य असेल तेवढे गरिबांना अन्न, वस्त्र आणि पैसा दान करा.

DISCLAIMER: ही माहिती इंटरनेटवर उपलब्ध असलेल्या गृहीतकांवर आणि माहितीवर आधारित आहे. OneIndia लेखाशी संबंधित कोणत्याही इनपुट किंवा माहितीची पडताळणी करत नाही, त्यामुळे कोणतीही माहिती लागू करण्यापूर्वी, कृपया एखाद्या जाणकार ज्योतिषी किंवा पंडित यांचे मत घ्या.