MHT CET Result 2025 एमएचटी सीईटी PCB गटाचा आज निकाल जाहीर होणार; डाऊनलोड कसा करायचा? जाणून घ्या

MHT CET Result 2025 : 'एम एच सीईटी' राज्य सामायिक प्रवेश परीक्षा (CET) सेलने आज PCM गटाचा निकाल जाहीर केला आहे. तर उद्या मंगळवारी १७ जून २०२५ रोजी भौतिकशास्त्र, रसायनशास्त्र, गणित (PCM) आणि भौतिकशास्त्र, रसायनशास्त्र, जीवशास्त्र (PCB) चा निकाल जाहीर करणार आहे. हा निकाल उमेदवार अधिकृत वेबसाइट cetcell.mahacet.org वर निकाल डाउनलोड करू शकतील. पीसीएम परीक्षा १९ एप्रिल ते २७ एप्रिल दरम्यान घेण्यात आली होती, तर पीसीबी गट परीक्षा ९ एप्रिल ते १७ एप्रिल २०२५ दरम्यान घेण्यात आली होती.

शैक्षणिक वर्ष २०२५-२६ करिता राज्य सामाईक प्रवेश परीक्षा कक्षामार्फत पदवी अभियांत्रिकी, औषधनिर्माणशास्त्र आणि कृषी अभ्यासक्रमाच्या प्रवेशाकरीता घेण्यात आलेल्या MHT-CET २०२५ पीसीएम (PCM) सामाईक प्रवेश परिक्षेचा निकाल आज १६ जून रोजी लागला, पीसीबी (PCB) या सामाईक प्रवेश परीक्षेचा निकाल येत्या १७ जून रोजी लागणार आहे.

कुठे बघाल निकाल

MHT-CET - 2025 राज्य सामाईक प्रवेश परिक्षेचा निकाल राज्य सामाईक परीक्षा कक्षाच्या
www.mahacet.org आणि www.mahacet.in तसंच cetcell.mahacet.org वर. या संकेतस्थळावर उमेदवारांच्या लॉगीन मध्ये प्रसिद्ध होणार आहे. उमेदवारांना तो तिथे बघता येणार आहे.

MHT CET निकाल कसा डाउनलोड करायचा? (MHT CET Result 2025)

• निकाल पाहणे आणि डाऊनलोड करण्यासाठी तुम्ही cetcell.mahacet.org आणि www.mahacet.org तसंच www.mahacet.in या संकेतस्थळावरही भेट देऊ शकता.
• सर्वप्रथम cetcell.mahacet.org या अधिकृत वेबसाइटला भेट द्या.
• पृष्ठाच्या उजव्या बाजूला "MHT-CET निकाल २०२५" वर क्लिक करा.
• एक नवीन पेज उघडेल.
• तुमचे लॉगिन क्रेडेन्शियल्स एंटर करा.
• तुमचा निकाल स्क्रीनवर दिसेल.
• भविष्यातील संदर्भासाठी तुमचा निकाल डाउनलोड करा.
• MHT CET निकाल २०२५: परीक्षेचा नमुना
• ही परीक्षा बहुपर्यायी प्रश्न (MCQ) आधारित स्वरूपात घेण्यात आली आणि दोन्ही गटांसाठी PCM आणि PCB या तीन परीक्षा घेण्यात आल्या.
• चुकीच्या उत्तरासाठी शून्य गुण वजा करण्यात आले.
• ही परीक्षा ६० मिनिटांच्या कालावधीसाठी घेण्यात आली, ज्याचे वजन १०० गुण होते.
• दोन्ही गटांचा निकाल जाहीर झाल्यानंतर, अभियांत्रिकी, फार्मसी, कृषी आणि इतर अभ्यासक्रमांच्या विविध राज्य महाविद्यालयांमध्ये प्रवेश घेण्यासाठी समुपदेशन प्रक्रिया सुरू होईल.

PCM, PCB ग्रुपसाठी किती विद्यार्थ्यांनी दिली परीक्षा

• महाराष्ट्र MHT CET 2025 परीक्षेला एकूण ७,६५,३३५ विद्यार्थ्यांनी नोंदणी केली होती. त्यापैकी ६,७५,६०० विद्यार्थ्यांनी परीक्षा दिली.
• PCB (भौतिकशास्त्र, रसायनशास्त्र, जीवशास्त्र) गटासाठी ३०१,०७२ विद्यार्थ्यांनी नोंदणी केली होती.
• PCM (भौतिकशास्त्र, रसायनशास्त्र, गणित) गटासाठी ४६४,२६३ विद्यार्थ्यांनी नोंदणी केली होती.
• PCB गटातील २८२,७३७ विद्यार्थ्यांनी परीक्षा दिली.
• PCM गटातील ४२२,८६३ विद्यार्थ्यांनी परीक्षा दिली.