Maharashtra weather : आजही राज्यातील काही भागांमध्ये रेड 'अलर्ट', दिल्लीत हलक्या पावसाची शक्यता

भारतीय हवामान विभागाने (IMD) गुरुवारी महाराष्ट्र आणि गुजरातसाठी रेड अलर्ट जारी केला. वरिष्ठ IMD शास्त्रज्ञ नरेश कुमार यांनी लोकांना या भागात अतिवृष्टीसाठी तयार राहण्याचे आवाहन केले आहे. IMD मुंबईचे संचालक सुनील कांबळे यांनी सांगितले की, महाराष्ट्रात 5 ऑक्टोबर रोजी मान्सून संपुष्टात येईल. तर आज शुक्रवार दि.27 रोजी महाराष्ट्रातील काही जिल्ह्यांमध्ये रेड अलर्ट जारी करण्यात आलेला आहे. येत्या 5 ते 6 दिवसांत मान्सून कमी होण्यास सुरुवात होईल आणि 5 ऑक्टोबरपर्यंत मान्सून संपेल असा अंदाज आहे.

कोकण व उत्तर महाराष्ट्राला ऑरेंज अलर्ट जारी

आज कोकण व उत्तर महाराष्ट्रात मुसळधार पावसाची शक्यता आहे. आज रायगड, मुंबई, ठाणे, पालघर, धुळे, नाशिक या जिल्ह्यांमध्ये वीजांच्या कडकडाटसह व मेघगर्जनेसह मुसळधार पावसाची शक्यता आहे. त्यामुळे या सर्व जिल्ह्यांना पावसाचा पावसाचा यलो अलर्ट जारी करण्यात आला आहे. त्यामुळे नागरिकांनी घराबाहेर पडताना योग्य ती खबरदारी घेण्याचे आवाहन प्रशासनाकडून करण्यात आले आहे.

मराठवाडा व विदर्भाला पावसाचा यलो अलर्ट

आज मराठवाडा व विदर्भातही मेघगर्जनेसह मुसळधार पावसाची शक्यता आहे. आज जळगाव, बुलढाणा व विदर्भातील सर्व जिल्ह्यांत विजांचा कडकडाटासह व वादळी वाऱ्यासह मध्यम स्वरूपाचा पाऊस पडण्याची शक्यता आहे. त्यामुळे या सर्व जिल्ह्यांना पावसाचा यलो अलर्ट देण्यात आला आहे.

पश्चिम महाराष्ट्रात व घाट माथ्यावरही पावसाची शक्यता

हवामान दिलेल्या माहितीनुसार आज ठाणे, रायगड, रत्नागिरी, पुणे व सातारा जिल्ह्यांच्या घाट माथ्यावर मुसळधार पावसाची शक्यता आहे. त्यामुळे या भागालाही पावसाचा यलो अलर्ट जारी करण्यात आला आहे. तसेच आज नगर, सोलापूर सांगली या जिल्ह्यांमध्येही हलका ते मध्यम स्वरूपाचा पाऊस पडण्याची शक्यता आहे.

दुसरीकडे, गुरूवारी उत्तराखंडच्या अनेक भागात मुसळधार पाऊस झाला, त्यामुळे धरम गंगेच्या पाण्याची पातळी वाढली. पश्चिम बंगालमध्ये आजही हवामान खात्याने पावसाचा इशारा दिला आहे. जलपाईगुडी, कूचबिहार, दार्जिलिंगसह अनेक भागात पाऊस दिसू शकतो.

महाराष्ट्र गुरुवारी अशी झाली पावसाची नोंद

मुंबईत मुसळधार पावसानंतर गुरुवारी वाहन आणि रेल्वे वाहतूक पुन्हा सुरू झाली. मुसळधार पावसामुळे ठाणे, पालघर, पुणे आणि पिंपरी-चिंचवडमध्येही गुरुवारी शाळा-महाविद्यालये बंद राहिली. बीएमसी आणि पोलिसांनी मुंबई आणि परिसरातील सर्व लोकांना घरातच राहण्याचा सल्ला दिला आहे. मुंबई, पूर्व उपनगरे आणि पश्चिम उपनगरात 24 तासांच्या कालावधीत अनुक्रमे 117.18 मिमी, 170.58 मिमी आणि 108.75 मिमी पावसाची नोंद झाली आहे. सायंकाळी 5 ते रात्री 10 वाजेदरम्यान मुंबई, पूर्व उपनगरे आणि पश्चिम उपनगरात अनुक्रमे 87.79 मिमी, 167.48 मिमी आणि 95.57 मिमी पाऊस झाला.

ओडिशात मुसळधार पाऊस

बंगालच्या उपसागरातील कमी दाबामुळे ओडिशामध्ये मुसळधार पाऊस पडण्याची शक्यता आहे, असे IMD ने म्हटले आहे की, भुवनेश्वर आणि कटकसह सहा जिल्ह्यांमध्ये मुसळधार पावसाची शक्यता आहे. अधिकाऱ्यांनी सांगितले की पुरी, खुर्दा (भुवनेश्वरसह), कटक (कटक शहरासह), जगतसिंगपूर, जाजपूर आणि ढेंकनाल येथे मुसळधार पावसाची शक्यता आहे. याशिवाय केंद्रपारा, गंजम, भद्रक, मयूरभंज, बालासोर, केओंजार आणि नयागडच्या काही भागांमध्ये हलका ते मध्यम पाऊस किंवा मेघगर्जनेसह पावसाची अपेक्षा आहे.

दिल्लीत आज हलक्या पावसाची शक्यता

दिल्लीत आज हलक्या पावसाची शक्यता आहे. हवामान खात्यानुसार, दिल्लीत आज हलका पाऊस पडू शकतो आणि ढगाळ वातावरण राहील. तसेच, वारे पूर्वेकडून आग्नेय दिशेने वाहतील. वाऱ्याचा वेग ताशी 12 ते 18 किलोमीटर असू शकतो. जर आपण दिल्लीतील कमाल तापमानाबद्दल बोललो तर ते 34 अंश सेल्सिअसपर्यंत जाऊ शकते तर किमान तापमान 24 अंश सेल्सिअसपर्यंत जाण्याची शक्यता आहे.

देशाची राजधानी नवी दिल्लीतील रहिवासी हवेच्या गुणवत्तेत लक्षणीय सुधारणा पाहत आहेत, वाऱ्याची दिशा बदलल्यामुळे फायदा होत आहे. स्वच्छ हवा आणि थंड तापमानात झालेला बदल दिल्लीकरांसाठी दिलासा देणारा आहे. दिल्लीकरांना अनेकदा प्रदूषण आणि उष्णतेचा सामना करावा लागतो, त्यामुळे हवामान खात्याचा हा अंदाज लोकांना दिलासा देणारा ठरू शकतो. गुरुवारी ढगाळ आकाशामुळे दिल्लीतील पारा कमी झाला. गुरुवारी दिल्लीत कमाल तापमान ३५.७ अंश सेल्सिअस, तर किमान तापमान २५.६ अंश सेल्सिअस होते. हवेतील आर्द्रतेचे प्रमाण ६१ ते ९२ टक्के राहिले.