maharashtra ssc : दहावीच्या विद्यार्थ्यांनो, तयारीला लागा! 'परीक्षांचे वेळापत्रक लवकरच होणार जाहीर!

Maharashtra ssc timetable 2026 release date : महाराष्ट्र राज्य माध्यमिक आणि उच्च माध्यमिक शिक्षण मंडळाची दहावी परीक्षा म्हणजे विद्यार्थ्यांच्या आयुष्यातील महत्त्वाचा टप्पा! लाखो विद्यार्थी आणि पालक ज्याची आतुरतेने वाट पाहत आहेत, ते महाराष्ट्र एसएससी वेळापत्रक २०२६ आता लवकरच ऑनलाईन जाहीर होणार आहे.

मागील वर्षाच्या तुलनेत यंदा सीबीएसईच्या तारखा लवकर आल्यामुळे, फेब्रुवारीच्या मध्यापासून मार्चपर्यंत चालणाऱ्या या बोर्ड परीक्षेचे वेळापत्रक मंडळ वेळेआधीच प्रसिद्ध करेल अशी अपेक्षा आहे. तुमच्या अभ्यासाला अचूक दिशा देण्यासाठी आणि परीक्षेचे अंतिम नियोजन करण्यासाठी आवश्यक असलेले विषयनिहाय तारखा आणि वेळेचे 'फाइनल प्लॅन' बोर्डाच्या अधिकृत वेबसाइटवर कधीही येऊ शकतो.

आता फक्त mahahsscboard.in वर एका क्लिकची प्रतीक्षा!

दरवर्षीप्रमाणेच, दहावीच्या बोर्डाची परीक्षा २०२६ ही फेब्रुवारीच्या मध्यापासून ते मार्चपर्यंत चालण्याची शक्यता आहे. या वेळापत्रकात विषयनिहाय तारखा आणि वेळा नमूद असलेली PDF विद्यार्थ्यांसाठी उपलब्ध असेल.

वेळापत्रक अन् प्रवेशपत्र तपासण्याची सोपी पद्धत

वेळापत्रक जाहीर होताच आणि परीक्षेच्या आधी प्रवेशपत्र (हॉल तिकीट) उपलब्ध झाल्यावर ते कसे तपासायचे, याची सोपी प्रक्रिया खालीलप्रमाणे आहे.

वेळापत्रक तपासण्यासाठी या गोष्टी करा..

• सर्वात आधी mahahsscboard.in या अधिकृत वेबसाइटवर जा.
• होमपेजवर 'MSBSHSE SSC, HSC Datesheet 2026 PDF' या लिंकवर क्लिक करा.
• दहावी आणि बारावीच्या परीक्षेचे वेळापत्रक PDF स्वरूपात दिसेल.
• ही PDF सेव्ह करून त्याची प्रिंटआऊट काढून घ्या.

प्रवेशपत्र (Admit Card) डाउनलोड करण्याची प्रक्रिया

परीक्षेच्या ३ ते ४ दिवस आधी mahahsscboard.in या अधिकृत वेबसाइटला भेट द्या.

'MSBSHSE SSC, HSC Admit Card 2026' या लिंकवर क्लिक करा.

लॉगिनसाठी आवश्यक असलेला तुमचा अप्लिकेशन नंबर आणि जन्मतारीख भरा.

तुमचे हॉल तिकीट PDF स्वरूपात उपलब्ध होईल, ते डाउनलोड करून प्रिंट करा.

(टीप: विद्यार्थ्यांनी अधिकृत माहितीसाठी नियमितपणे mahahsscboard.in या वेबसाइटला भेट देत राहण्याचा सल्ला बोर्डाने दिला आहे.)