महाराष्ट्रात पुढील दोन दिवस मान्सून सक्रिय: कोकण-गोवा, विदर्भात जोरदार; 'या' जिल्ह्यांना यलो अलर्ट!

Maharashtra rain forecast : एकीकडे राज्यात नवरात्री उत्सव, दांडीया-गरबाची धुम सुरु असतानाच पावसानेही आपली रोज हजेरी लावली आहे. आगामी तीन दिवस पावसाचे असून आज ३० सप्टेंबर रोजी कोकण गोव्यात बहुतांश ठिकाणी, विदर्भात काही ठिकाणी तर मध्य महाराष्ट्र आणि मराठवाड्यात तुरळक ठिकाणी पाऊस पडण्याची शक्यता आहे. तर १ ऑक्टोबर रोजी कोकण गोव्यात बहुतांश ठिकाणी तर विदर्भात बऱ्याच ठिकाणी मराठवाड्यात काही ठिकाणी तुरळक ठिकाणी पावसाची शक्यता पुणे हवामान विभागाने व्यक्त केली आहे.

• आज, ३० सप्टेंबर रोजी, राज्यात मान्सून सक्रिय राहण्याची शक्यता पुणे हवामान विभागाने वर्तवली आहे.
• कोकण-गोवा: या भागात बहुतांश ठिकाणी पावसाची हजेरी असेल.
• विदर्भ: विदर्भात काही ठिकाणी पाऊस पडण्याची शक्यता आहे.
• मध्य महाराष्ट्र व मराठवाडा: या दोन्ही विभागांत तुरळक ठिकाणीच पाऊस अपेक्षित आहे.

तीव्र हवामानाचा इशारा (३० सप्टेंबर)

आज विदर्भातील बऱ्याच ठिकाणी आणि मध्य महाराष्ट्रातील काही ठिकाणी जोरदार पावसाचा इशारा आहे. विशेषतः, नांदेड जिल्ह्यामध्ये तुरळक ठिकाणी मेघगर्जना, विजांचा कडकडाट आणि ताशी ३० ते ४० किलोमीटर वेगाने वारे वाहण्याची शक्यता आहे.

१ ऑक्टोबर २०२५ रोजी कसे असेल हवामान , पावसाची स्थिती?

• उद्या, १ ऑक्टोबर रोजीही राज्यात पावसाची स्थिती कायम राहील, परंतु काही भागांमध्ये त्याची तीव्रता वाढेल.
• कोकण-गोवा: या भागात बहुतांश ठिकाणी पाऊस असेल.
• विदर्भ: विदर्भात बऱ्याच ठिकाणी पाऊस पडण्याची शक्यता आहे.
• मराठवाडा: मराठवाड्यात तुरळक ठिकाणीच पावसाची शक्यता आहे.

जोरदार पावसाचा इशारा (१ ऑक्टोबर):

१ ऑक्टोबर रोजी रत्नागिरी आणि सातारा जिल्ह्यांच्या घाट विभागात जोरदार पाऊस पडण्याची शक्यता आहे.

दरम्यान, हिंगोली आणि नांदेड जिल्ह्यांमध्ये तुरळक ठिकाणी मध्यम ते हलक्या स्वरूपाचा पाऊस अपेक्षित आहे.

विदर्भासाठी यलो अलर्ट (पुढील तीन दिवस)

विदर्भातील भंडारा, गडचिरोली, चंद्रपूर, गोंदिया, बुलढाणा आणि वाशिम या जिल्ह्यांमध्ये तुरळक ठिकाणी मेघगर्जना आणि विजांचा कडकडाट होण्याची शक्यता आहे. त्यामुळे या जिल्ह्यांना पुढील तीन दिवसांसाठी हवामान विभागाने 'यलो अलर्ट' जारी केला आहे. नागरिकांनी सतर्क राहावे.

पुणे आणि परिसराचा अंदाज

पुणे शहर: पुणे शहरात आज (३० सप्टेंबर) आणि उद्या (१ ऑक्टोबर) आकाश सामान्यतः ढगाळ राहील आणि हलक्या स्वरूपाचा पाऊस पडण्याची शक्यता आहे.

पुणे घाट विभाग: घाट विभागात मात्र काही ठिकाणी मध्यम ते जोरदार पाऊस पडण्याची शक्यता पुणे हवामान विभागाने व्यक्त केली आहे.

(टीप: प्रवासाला निघण्यापूर्वी किंवा शेतीचे नियोजन करण्यापूर्वी हवामान विभागाच्या ताज्या सूचना तपासून घ्याव्यात.)