Maharashtra Nagar Parishad Election Result 2025: नगर परिषद निवडणुकांचा महानिकाल! वाचा प्रत्येक अपडेट
Maharashtra Nagar Parishad Election Result 2025 : महाराष्ट्रातील स्थानिक स्वराज्य संस्थांच्या सत्तेचा फैसला आज होत आहे. २ डिसेंबर आणि २० डिसेंबर अशा दोन टप्प्यांत पार पडलेल्या २८८ नगर परिषद आणि नगर पंचायतींच्या निवडणुकीची मतमोजणी आज सकाळी १० वाजेपासून राज्यभरात सुरू झाली आहे. विधानसभा निवडणुकीनंतरची ही पहिलीच मोठी स्थानिक निवडणूक असल्याने, राज्याच्या ग्रामीण आणि निमशहरी भागात कोणत्या आघाडीचे वर्चस्व राहणार, याकडे सर्वांचे लक्ष लागले आहे. निकालाचे ताजे अपड्टेस खाली जाणून घेता येईल.
(अधिक लाईव्ह-ताज्या घडामोडी जाणून घेण्यासाठी सातत्याने रिफ्रेश करा...)
तासगावमध्ये संजय काका पाटील यांची बाजी; रोहित पाटलांना मोठा धक्का!
सांगली जिल्ह्यातील सर्वात हायव्होल्टेज ठरलेल्या तासगाव नगरपरिषद निवडणुकीत माजी खासदार संजय काका पाटील यांच्या स्वाभिमानी विकास आघाडीने विजयाचा गुलाल उधळला आहे. नगराध्यक्ष पदाच्या अटीतटीच्या लढतीत स्वाभिमानी विकास आघाडीच्या विजया बाबासो पाटील यांनी भाजप, महायुती आणि राष्ट्रवादी (शरद पवार गट) अशा सर्व प्रबळ दावेदारांना धूळ चारत विजय संपादन केला. आमदार रोहित पाटील यांच्या नेतृत्वाखालील राष्ट्रवादी (शरदचंद्र पवार) पक्षाने ११ जागा जिंकून कडवी झुंज दिली असली, तरी १३ जागांसह बहुमताचा आकडा गाठत संजय काका पाटील यांनी तासगाववरील आपले वर्चस्व पुन्हा एकदा सिद्ध केले आहे.
नगर परिषद निवडणुकीच्या निकालानंतर मनपा निवडणुकीवर बावनकुळेंचे मोठे भाष्य
जालना: "आगामी स्थानिक स्वराज्य संस्थांच्या निवडणुकीत भाजप, राष्ट्रवादी काँग्रेस आणि शिवसेनेची महायुती दोन तृतीयांश बहुमत आणि ५१ टक्क्यांहून अधिक मतांनी विजयी होईल," असा ठाम विश्वास राज्याचे मंत्री चंद्रशेखर बावनकुळे यांनी जालन्यात बोलताना व्यक्त केला. महाराष्ट्रातील जनतेचा कल महायुतीसोबत असून, केवळ महायुती सरकारच महानगरपालिका, नगरपालिका आणि जिल्हा परिषद क्षेत्रांमध्ये शाश्वत विकास घडवू शकते, अशी खात्री जनतेला पटली आहे. देवेंद्र फडणवीस आणि आमच्या सरकारचे 'विकसित महाराष्ट्र' घडवण्याचे स्वप्न पूर्ण करण्यासाठी जनता आम्हालाच कौल देईल, असा दावाही त्यांनी यावेळी केला.
#WATCH | Jalna: On the results of BMC elections 2025, Maharashtra Minister Chandrashekhar Bawankule says, "In Maharashtra, the Mahayuti alliance of BJP, NCP, and Shiv Sena will win with a two-thirds majority and a 51% vote share. The people of Maharashtra are with the Mahayuti...… pic.twitter.com/nxIpo64b2Q
— ANI (@ANI) December 21, 2025
"पक्षानं जिथं पाठवलं, तिथं गुलाल उधळला!"; धनंजय मुंडेंचा गंगाखेड आणि परळीत 'विजयी' डंका
नगरपरिषद निवडणुकीच्या निकालावर भाष्य करताना धनंजय मुंडे यांनी महायुती आणि राष्ट्रवादी काँग्रेसच्या (अजित पवार गट) यशाबद्दल मोठा आनंद व्यक्त केला आहे. ते म्हणाले की, पक्षाने मला प्रचारासाठी ज्या दोन ठिकाणी जबाबदारी देऊन पाठवले होते, त्या दोन्ही ठिकाणी राष्ट्रवादी काँग्रेसने दणदणीत विजय मिळवला असून माझा स्ट्राईक रेट १०० टक्के राहिला आहे. गंगाखेड नगरपरिषदेत माझ्या भगिनी उर्मिला केंद्रे या नगराध्यक्षपदी निवडून आल्या असून माझा भाचा देखील विजयी झाला आहे, ही आमच्या कुटुंबासाठी सार्थ अभिमानाची आणि दुहेरी आनंदाची गोष्ट आहे. यासोबतच परळी नगरपालिकेतही महायुतीची निर्विवाद सत्ता आली असून परळीकरांनी पुन्हा एकदा विकासाला भरभरून साथ दिली आहे. आज संपूर्ण महाराष्ट्रात महायुतीच्या नगरपरिषदा एकतर्फी निवडून येत आहेत, ही केवळ आमच्या कामाची आणि जनसामान्यांच्या विश्वासाची पोचपावती असल्याचेही त्यांनी यावेळी आवर्जून नमूद केले.
सावंतांचा 'पावर गेम'! सर्वपक्षीय नेत्यांच्या चक्रव्यूहात तानाजी सावंतांची सरशी; भूम-परांड्यावर वर्चस्व!
धाराशिव, २१ डिसेंबर २०२५: माजी मंत्री आणि शिवसेनेचे (शिंदे गट) आक्रमक नेते तानाजी सावंत यांनी आपल्या होमग्राऊंडवर विरोधकांना चितपट केले आहे. भूम आणि परांडा या दोन्ही नगरपरिषदांच्या अटीतटीच्या लढतीत सावंतांच्या नेतृत्वाखालील उमेदवारांनी विजयश्री खेचून आणली आहे. विशेष म्हणजे, या दोन्ही ठिकाणी सावंतांना रोखण्यासाठी सर्वपक्षीय नेते एकत्र आले होते, मात्र मतदारांनी सावंतांच्या पारड्यात माप टाकले.
दोन्ही नगरपरिषदेत तानाजी सावंत यांच्या विरोधात सर्वपक्षीय नेते एकवटले होते
परंडा नगरपरिषदेत शिवसेनेचे झाकीर सौदागर 189 मतांनी विजयी
तर तानाजी सावंत यांच्या नेतृत्वातील आलमप्रभू शहर विकास आघाडीच्या संयोगिता गाढवे यांचा 198 मतांनी विजय
पुणे जिल्हा नगर परिषद निवडणूक अपडेट्स
नगरपरिषद / नगरपंचायत,विजयी नगराध्यक्ष,राजकीय पक्ष / गट
बारामती,सचिन सातव,राष्ट्रवादी (अजित पवार गट)
लोणावळा,राजेंद्र सोनवणे,राष्ट्रवादी (अजित पवार गट)
तळेगाव,संतोष दाभाडे,भाजप (महायुती)
दौंड,दुर्गादेवी जगदाळे,राष्ट्रवादी (अजित पवार गट)
चाकण,मनीषा गोरे,शिवसेना (एकनाथ शिंदे गट)
शिरूर,ऐश्वर्या पाचरणे,राष्ट्रवादी (अजित पवार गट)
इंदापूर,भरत शाह,राष्ट्रवादी (अजित पवार गट)
सासवड,आनंदी काकी जगताप,भाजप (महायुती)
जेजुरी,जयदीप बारभाई,राष्ट्रवादी (अजित पवार गट)
भोर,रामचंद्र आवारे,राष्ट्रवादी (अजित पवार गट)
आळंदी,प्रशांत कुराडे,भाजप (महायुती)
जुन्नर,सुजाता काजळे,शिवसेना (एकनाथ शिंदे गट)
राजगुरुनगर,मंगेश गुंडा,शिवसेना (एकनाथ शिंदे गट)
वडगाव मावळ,आंबोली ढोरे,राष्ट्रवादी (अजित पवार गट)
मंचर,राजश्री गांजले,शिवसेना (एकनाथ शिंदे गट)
माळेगाव,सुयोग सातपुते,राष्ट्रवादी (अजित पवार गट)
उरुळी फुरसुंगी,संतोष सरोदे,राष्ट्रवादी (अजित पवार गट)
नाशिकमध्ये महायुती विजयी, मविआला भोपळाही फोडता आला नाही!
नाशिक जिल्ह्यामध्ये महाविकास आघाडीचे (ठाकरे गट, शरद पवार गट आणि काँग्रेस) अस्तित्व या निकालाने पुसले गेल्याचे चित्र आहे. ११ पैकी ८ जागांचे निकाल हाती आले असून, सर्वच्या सर्व जागा महायुतीने (भाजप, शिंदे सेना, अजित पवार गट) खिशात घातल्या आहेत.
महायुतीचा मोठा विजय! २१६ जागी विजयी, भाजप सर्वात मोठा पक्ष
नगर परिषद व नगर पंचायत निवडणुकीत महायुतीचा मोठा विजय झाला असून २१६ जागी महायुतीचे नगराध्यक्ष निवडून आले आहेत. तर या निवडणुकीत भाजप सर्वात मोठा पक्ष ठरला आहे. भाजपने १२० जागी विजय मिळवला आहे.
१२० जागी भाजप, ६१ जागी शिवसेना (एकनाथ शिंदे), राष्ट्रवादी काँग्रेस (अजित पवार) पक्ष ३५, काँग्रेस ३३, राष्ट्रवादी शरदचंद्र पवार पक्ष ८, तर ठाकरेंची शिवसेना ८ जागी पुढे आहेत. इतर ठिकाणी स्थानिक आघाडीचे २३ नगराध्यक्ष पदाचे अपक्ष उमेदवार आघाडीवर आहेत.
उदगीरमध्ये महायुतीचा धडाकेबाज विजय; अजित पवार गट आणि भाजपची एकहाती सत्ता!
उदगीर, २१ डिसेंबर २०२५: लातूरच्या राजकारणात आज पुन्हा एकदा 'दादा'गिरी आणि 'कमळ'ाची जादू चालली आहे. उदगीर नगर परिषदेच्या निवडणुकीत महायुतीने विरोधकांचा पार धुव्वा उडवला असून, राष्ट्रवादी काँग्रेस (अजित पवार गट) आणि भारतीय जनता पक्षाने मिळून पालिकेवर एकहाती कब्जा मिळवला आहे.
सांगोला नगरपरिषदेत शहाजी बापूचा बोलबाला, २० पैकी १७ जागांवर विजयी
सांगोला नगरपरिषदेत शहाजी बापूचा बोलबाला, २० पैकी १७ जागांवर आघाडी
सांगोला नगरपरिषद - एकूण 20 जागांतील दोन आधीच बिनविरोध आल्या होत्या.तर आज नगराध्यक्ष पदाच्या उमेदवार आनंदा माने हे 4775 मतांनी तिसऱ्या फेरी अखेर आघाडीवर 17 जागांवर शहाजी बापूंचा वरचष्मा दिसून येत आहे.
एका जागेवर आघाडी
परतूर नगर परिषद निकाल: भाजपची मोठी आघाडी
परतूर नगर परिषद निकाल:सुरुवातीच्या कलानुसार आणि ताज्या माहितीनुसार, परतूर नगरपालिकेत भारतीय जनता पक्षाने (BJP) वर्चस्व राखल्याचे चित्र दिसत आहे.
नगराध्यक्ष पद: भाजपच्या नगराध्यक्षपदाच्या उमेदवार प्रियांका राक्षे या सुमारे १,३०० मतांच्या आघाडीवर असल्याची माहिती मिळत आहे. त्यांच्या प्रचारासाठी स्वतः मुख्यमंत्री देवेंद्र फडणवीस यांनी परतूरमध्ये सभा घेतली होती.
नगरसेवक पदाचा निकाल:
भाजपचे आतापर्यंत ३ नगरसेवक विजयी झाले आहेत.
राष्ट्रवादी काँग्रेस (शरद पवार गट) पक्षाचा १ नगरसेवक विजयी झाला आहे.
नगराध्यक्ष पदाच्या निवडणुकीत भाजपचे शतक
नगराध्यक्ष पदाच्या निवडणुकीत भाजपने तिहेरी आकडा गाठला, १०५ जागी भाजप, ४२ जागी शिवसेना (एकनाथ शिंदे), राष्ट्रवादी काँग्रेस (अजित पवार) ३८, काँग्रेस १७, राष्ट्रवादी शरदचंद्र पवार पक्ष १०, तर ठाकरेंची शिवसेना ८ जागी पुढे आहेत. इतर ठिकाणी २३ नगराध्यक्ष पदाचे अपक्ष उमेदवार आघाडीवर आहेत.
READ MORE
Click it and Unblock the Notifications
Sign in with Google