बाप आहे की हैवान? ज्यात बाळ झोपले, त्याच पाळण्याच्या दोरीने आवळला गळा; ४ महिन्यांच्या मुलीची हत्या

मुंबईतील घाटकोपर परिसरातून एक भयानक घटना समोर आली आहे. घाटकोपरमधील कामराज नगरमध्ये वडिलांनीच आपल्या चार महिन्यांच्या मुलीला हत्या केली. तिसरे मूल नको होते, म्हणून ही हत्या करण्यात आल्याचे समजते. पाळण्याच्या दोरीने गळा आवळून बापाने हे राक्षसी कृत्य केले. या घटनेने संपूर्ण मुंबई हादरली आहे. या प्रकरणात, आरोपी वडील संजय कोकरे यांना पंतनगर पोलिसांनी अटक केली आहे.

कधी घडली घटना?

शनिवारी (ता. १) संजय कोकरे यांची चार महिन्यांची मुलगी श्रेया ही पाळण्यात झोपली होती. तिची आई काही कामासाठी बाहेर गेली होती. त्यानंतर संजय कोकरे यांनी परिस्थितीचा फायदा घेत मुलगी ज्या पाळण्यात झोपली होती त्याच पाळण्याच्या दोरीने तिचा गळा दाबून खून केला. या क्रूर बापाने त्याची मुलगी त्याच्या मांडीवर असतानाच तिला मारले. काही वेळाने मुलाची आई घरी आली तेव्हा तिला आपले बाळ हालचाल करत नसल्याचे जाणवले.

मुलीच्या आईचा आकांत

आईला आपल्या बाळाची हत्या केल्याची माहिती मिळाल्यावर ती तिथेच बेशुद्ध पडली. तत्पूर्वी तिने जोरजोरात आरडाओरडा केला. पोलिस सूत्रांनी दिलेल्या माहितीनुसार, मुलगी असल्याचा द्वेष आणि तिसरे मूल नको असल्याने वडील संजय कोकरे यांनी आपल्या चार महिन्यांच्या मुलीची हत्या केली. चार महिन्यांची मुलगी श्रेया तिच्या पाळण्यात झोपली होती. त्यावेळी त्याची आई काही कामासाठी घराबाहेर गेली होती. मग त्याच्या वडिलांनी त्याला मारले. या गुन्ह्यामुळे स्थानिक रहिवासी हादरले आहेत.

पोलिसांकडून आरोपीला अटक

माहिती मिळताच पंतनगर पोलिसांनी तात्काळ तपास सुरू केला आणि आरोपी वडिलांना अटक केली. त्याच्याविरुद्ध हत्येचा गुन्हा दाखल करण्यात आला असून पुढील तपास सुरू असल्याचे पोलिसांनी सांगितले. दरम्यान, या प्रकारानंतर महाराष्ट्र चांगलाच हादरला. पोटच्या मुलीची हत्या झाल्याने हळहळ व्यक्त करण्यात आली.