Dussehra vijayadashami 2025 : आज दसरा.. जाणून घ्या पूजा विधीपासून रावण दहनापर्यंतचे शुभ मुहूर्त

Dussehra vijayadashami 2025 date ravan dahan shubh muhurat puja vidhi : प्रत्येक भारतीयाला ज्या क्षणाची प्रतीक्षा असते, त्या दसरा सणाचे हिंदू धर्मात मोठे महत्त्व आहे. वाईटावर चांगल्याच्या विजयाचे प्रतीक असलेला हा पवित्र उत्सव दरवर्षी अश्विन महिन्यातील शुक्ल पक्षाच्या दशमी तिथीला साजरा केला जातो. यंदा, २२ सप्टेंबर २०२५ रोजी शारदीय नवरात्रीची सुरुवात झाली होती. ही नवरात्र यावर्षी दहा दिवसांची असल्याने, ११ व्या दिवशी म्हणजेच २ ऑक्टोबर रोजी आज विजयदशमीचा हा महान पर्व साजरा केला जाईल.

यंदा चतुर्थी तिथी वाढल्यामुळे नवरात्रीचा उपवास तब्बल १० दिवस चालला आणि त्यामुळे ११ व्या दिवशी म्हणजेच २ ऑक्टोबरला विजयदशमी साजरी होईल. हिंदू पंचांगानुसार, १ ऑक्टोबरच्या संध्याकाळी ७ वाजून २ मिनिटांनी दशमी तिथी सुरू झाली, जी २ ऑक्टोबरला संध्याकाळी ७ वाजून १० मिनिटांपर्यंत असेल. या तिथीमुळे रावण दहन २ ऑक्टोबरलाच म्हणजे आज केले जाईल.

रावण दहनाचा शुभ मुहूर्त आणि पूजा विधी (Dussehra 2025 Puja Vidhi)

रावण दहन आणि अन्य शुभ कार्यांसाठीचा शुभ मुहूर्त सर्वांनी लक्षात घ्यावा. २ ऑक्टोबर रोजी संध्याकाळी ६ वाजून ५ मिनिटांनी सूर्यास्त होईल आणि त्यानंतर रावण दहनाचा शुभ मुहूर्त सुरू होईल. जर आपण रावण दहन पाहण्यासाठी किंवा पूजेत सहभागी होत असाल, तर हा सायंकाळचा मुहूर्त निश्चितपणे पाळावा.

विशेष म्हणजे, दसऱ्याच्या दिवशी रवि योग दिवसभर कायम राहणार आहे. दसऱ्याचा दिवस अबूझ मुहूर्त मानला जातो, त्यामुळे या दिवशी कोणत्याही मुहूर्ताशिवाय शुभ कार्ये, विवाह किंवा अन्य महत्त्वाचे व्यवहार केले जातात.

दसरा पूजा विधी: सोप्या आणि महत्त्वाच्या गोष्टी

• सकाळचे स्नान करून स्वच्छ वस्त्र परिधान करावे.
• घरातील मंदिर किंवा पूजा स्थान स्वच्छ करून दीपक लावावा.
• शमी वृक्षाची पूजा दसऱ्याला विशेष महत्त्वाची मानली जाते.
• शमीच्या झाडाला जल, रोली, अक्षत (तांदूळ) आणि फूल अर्पण करा. शमीपत्र घरी आणून धन-धान्याच्या ठिकाणी ठेवणे अत्यंत शुभ मानले जाते.
• या दिवशी शस्त्रे (Shastra Puja) आणि औजारांची पूजा करण्याची परंपरा आहे.
• घरात वाहन असल्यास त्याचीही पूजा करावी आणि नारळ फोडून शुभकार्य करावे.
• माता दुर्गा आणि प्रभू श्रीरामाचे चित्र किंवा प्रतिमा स्थापित करून धूप, दीप, नैवेद्य अर्पण करा.
• दुर्गा सप्तशती, रामायण किंवा हनुमान चालीसाचे पाठ करावेत.
• संध्याकाळच्या शुभ मुहूर्तावर रावण दहन करावे. हे दहन आपल्या अंतर्मनातील वाईट प्रवृत्ती (अहंकार, क्रोध, लोभ) संपवण्याचे प्रतीक आहे.

दसऱ्याचे महत्त्व (Importance of Dussehra Festival)

दसरा किंवा विजयादशमीचा हा सण दरवर्षी अश्विन महिन्यातील शुक्ल पक्षाच्या दशमीला साजरा होतो. हा दिवस सत्य आणि धर्माच्या विजयाचे प्रतीक आहे.

धार्मिक मान्यतांनुसार याच दिवशी भगवान श्रीरामाने लंकेवर विजय प्राप्त करून रावणाचा वध केला आणि माता सीतेला परत आणले. दुसऱ्या मान्यतेनुसार, आई दुर्गेने याच दिवशी महिषासुर नावाच्या राक्षसाचा वध करून देवतांना विजय मिळवून दिला. म्हणूनच दसरा हा शक्ती, धर्म आणि न्याय यांच्या विजयाचा दिवस मानला जातो. या पर्वाचा मुख्य संदेश हाच आहे की, वाईट शक्ती कितीही बलवान असली तरी, अखेरीस विजय हा नेहमी सत्य आणि चांगल्याचाच होतो!