Dahi Handi 2024 ; ढाकू माकूम... गोविंदा रे गोपाळा...विक्रोळीत जय जवान पथकाने 9 थराची सलामी दिली

मुंबई : आज राज्यभरात दहीहंडीचा उत्साह आहे.ढाकू माकूम... गोविंदा रे गोपाळा... गोविंदा पथकं सज्ज झाले आहेत. 'गोविंदा आला रे आला'च्या जल्लोषात हे गोविंदा पथक अगदी काही वेळातच थर लावून एका झटक्यात मटकी फोडतात.

दहीहंडी उत्सवानिमित्त मुंबई, ठाणे,पुणे परिसरात लाखो रुपयांचे पारितोषिक असलेल्या उंच दहीहंड्या बांधण्यात आल्या असून या दहीहंड्या फोडण्यासाठी गोविंदा पथकांमध्ये चुरस रंगणार आहे. संस्कृती युवा प्रतिष्ठान, मनसेची दहीहंडी, टेंबी नाका, स्वामी प्रतिष्ठान, संकल्प प्रतिष्ठान यांसारख्या मोठ्या हंड्या उभारण्यात आल्या आहेत.

टागोरनगर, विक्रोळीत जय जवान पथकाने 9 थराची सलामी दिली दिली. ठाण्यातील टेंभी नाक्यावरील दहीहंडीच्या उत्सवासाठी मुख्यमंत्री एकनाथ शिंदे आणि आनंद दिघे यांचे पोस्टर लावण्यात आले आहेत. तसेच गोविंदा पथकांसाठी जेवणासाठी व्यवस्था

दरम्यान वरळीच्या जांबोरी मैदानात अदित्य ठाकरेंच्या मतदार संघात भाजपाची परिवर्तन दहीहंडीचं आयोजन केलं आहे. बावन चाळ प्रगती क्रीडा मंडळाने सहा थरांची सलामी देत परिवर्तन दहीहंडी उत्सवाची सुरुवात केली आहे

ठाण्यात संस्कृती प्रतिष्ठानकडून गोविंदा पथकासाठी 25 लाखाचं बक्षीस. या दहीहंडीत मोठ्या संख्येने गोविंदा पथक सहभागी. गोविंदा पथकांकडून समाली दिली जात आहे. प्रथम येणाऱ्या गोविंदा पथकाला 25 लाख रुपायांचे बक्षीस जाहीर करण्यात आलं आहे. दहीहंडी उत्सवात आत्तापर्यंत 15 गोविंदा जखमी झाले असून त्यांच्यावर रुग्णालयात उपचार सुरू आहेत.