मोठी बातमी! बंडखोरांसह पदाधिकाऱ्यांना भाजपचा दणका, पक्ष शिस्त न पाळल्याने 40 जणांची हकालपट्टी!

Updated: Wednesday, November 6, 2024, 10:19 [IST]

BJP has expelled 40 of its Leaders from the party : महाराष्ट्रात भाजपने विधानसभा निवडणुकीत बंडखोरी करणाऱ्या आणि पक्षशिस्त न पाळणाऱ्या 37 वेगवेगळ्या विधानसभा मतदारसंघातील आपल्या 40 कार्यकर्त्यांची/नेत्यांची पक्ष शिस्त न पाळल्याबद्दल आणि ती न पाळल्याबद्दल पक्षातून हकालपट्टी केली आहे.

यामध्ये आमदार रवी राणा यांच्याविरोधात निवडणूक लढवणारे भाजप नेते तथा आमदार श्रीकांत भारतीय यांचे बंधू तुषार भारतीय यांचाही समावेश आहे. श्रीगोंदा येथील सुवर्णा पाचपुते आदींचा समावेश आहे. आपण भारतीय जनता पक्षाचे पदाधिकारी असून पक्षशिस्त आणि नियमांचं पालनाचा भंग केल्याचे कृत्य केल्याबद्दल तत्काळ आपणास पक्षातून काढून टाकले जात आहे असे भाजपने एक्सवर जारी केलेल्या पोस्ट आणि यादीत म्हटलं आहे.

काय म्हणाले तुषार भारतीय?

"लोकसभा निवडणुकीपासूनच मी माझी दिशा ठरवली. ज्यांनी लोकसभा निवडणुकीत पक्षाचं चिन्ह घेतलं, त्यांनी विधानसभा निवडणुकीत मात्र पक्षाचं चिन्ह नाकारलं. हे संधीसाधू लोक आहेत. यामुळेच माझ्या पक्षासाठी माझी भूमिका ही पोषक ठरणारी आहे. गेल्या 40 वर्षांपासून भाजपा बळकट व्हावी, हाच प्रयत्न माझा राहिला आणि आता देखील बडनेरा विधानसभा मतदारसंघात भाजपा मजबूत ठेवण्याचाच माझा प्रयत्न आहे," असं भाजपाशी बंडखोरी करून अपक्ष निवडणूक लढणारे तुषार भारतीय यांचं म्हणणं आहे.

Maharashtra BJP has expelled 40 of its workers/Leaders from the party in 37 different Assembly constituencies for not following party discipline and breaking it. pic.twitter.com/I1nk5lRoL6
— ANI (@ANI) November 6, 2024