हिजबुल्लाहचा महाभयंकर हल्ला; इस्रायल हादरला! 'ट्रम्प यांचा दावा फोल', इराणचे जोरदार प्रत्युत्तर

World news hezbollah rocket attack on israel : मिडल ईस्टमध्ये युद्धाचा भडका उडाला असून हिजबुल्लाहने उत्तर इस्रायलवर १०० हून अधिक रॉकेट डागून भीषण तबाही माजवली आहे. या हल्ल्याने इस्रायलमध्ये दहशतीचे वातावरण असतानाच, दुसरीकडे इराणने अमेरिकेचे राष्ट्राध्यक्ष डोनाल्ड ट्रम्प यांच्यावर निशाणा साधला आहे. "युद्ध थांबवण्याचे ट्रम्प यांचे दावे फोल ठरत आहेत," असे म्हणत इराणने या युद्धाला नवी धार दिली आहे. नेतान्याहू सरकार आता गुडघे टेकणार की युद्ध आणखी पेटणार, याकडे संपूर्ण जगाचे लक्ष लागले आहे.

हिजबुल्लाहचा महाभयंकर हल्ला!

हिजबुल्लाहने उत्तर इस्रायलमधील रहिवासी भाग आणि लष्करी तळांना लक्ष्य करत १०० पेक्षा जास्त रॉकेट डागले. यामध्ये रस्ते, इमारती आणि पायाभूत सुविधांचे प्रचंड नुकसान झाले आहे.

इस्रायलचे 'मरेपर्यंत मारू' प्रत्युत्तर

या हल्ल्यानंतर इस्रायली हवाई दलाने लेबनॉनची राजधानी बेरूतसह हिजबुल्लाहच्या तळांवर बॉम्बवर्षाव केला. इस्रायलच्या संरक्षण मंत्र्यांनी स्पष्ट केले आहे की, जोपर्यंत नागरिकांची सुरक्षा सुनिश्चित होत नाही, तोपर्यंत लष्करी कारवाई थांबणार नाही.

ट्रम्प यांचा दावा आणि इराणची भूमिका

डोनाल्ड ट्रम्प यांनी सत्तेत येताच युद्ध थांबवण्याचे आश्वासन दिले होते. मात्र, इराणने यावर कडाडून टीका केली आहे. "ट्रम्प यांचे दावे केवळ कागदावरच आहेत, जमिनीवर मात्र रक्ताचा सडा पडत आहे," असे इराणने म्हटले आहे. इराणच्या मते, इस्रायलला मिळणारे अमेरिकन समर्थनच या युद्धाला कारणीभूत आहे.

नागरिकांचे हाल

लेबनॉनमध्ये इस्रायली हल्ल्यात अनेक निष्पाप नागरिकांचा बळी गेला असून हजारो लोकांना विस्थापित व्हावे लागले आहे. आंतरराष्ट्रीय समुदायाने हे युद्ध थांबवण्यासाठी तातडीने हस्तक्षेप करण्याची मागणी केली आहे.

काय होता ट्रम्प यांचा दावा?

अमेरिकेचे राष्ट्राध्यक्ष डोनाल्ड ट्रम्प यांनी इराणविरुद्धच्या संघर्षाबाबत अत्यंत मोठे विधान केले, इराणविरुद्धची लढाई आता जवळपास 'पूर्ण' झाली असल्याचे त्यांनी जाहीर केले होते. ट्रम्प यांच्या मते, अमेरिकन सैन्य त्यांच्या सुरुवातीच्या चार ते पाच आठवड्यांच्या नियोजित आराखड्यापेक्षा खूपच वेगाने प्रगती करत असून, अमेरिकेला लवकरच या युद्धात मोठा विजय मिळेल. इराणची लष्करी ताकद आता पूर्णपणे कोलमडली असून, त्यांच्याकडे आता ना स्वतःची नौदल शक्ती उरली आहे, ना वायूसेना आणि ना संपर्क यंत्रणा शिल्लक आहे, असा दावाही ट्रम्प यांनी केला आहे.

या युद्धाच्या सद्यस्थितीवर भाष्य करताना ट्रम्प पुढे म्हणाले की, आम्ही अनेक आघाड्यांवर आधीच विजय मिळवला आहे, परंतु आम्हाला अपेक्षित असलेला पूर्ण विजय अजूनही थोडा दूर आहे.