ब्रिटनमध्ये उद्या मतदान: कोण होणार ब्रिटनचा पंतप्रधान, ऋषी सुनक की केयर स्टार्मर ?
UK General Election 2024: ब्रिटनमध्ये उद्या म्हणजे 4 जुलैला संसदीय निवडणूकीसाठी मतदान होणार आहे. या निवडणूकीत ब्रिटनची जनता आपल्या आवडत्या पंतप्रधानाची निवड करणार आहे. कंझर्व्हेटिव्ह पार्टीचे ऋषी सुनक आणि लेबर पार्टीचे केयर स्टार्मर यांच्या अत्यंत चुरशीची निवडणूक होत आहे.
राजकीय विश्लेषक आणि सर्वेक्षणातून दिसून येत आहे की यूकेची निवडणूक ऐतिहासिक ठरणार आहे, मुख्य विरोधी पक्ष, लेबर, कंझर्व्हेटिव्ह पक्षाला सत्तेतून बाहेर काढण्याच्या दिशेने वाटचाल करत आहे. गेल्या 14 वर्षांपासून सत्तेत असलेल्या कंझर्व्हेटिव्ह पार्टीविरोधात ब्रिटनमध्ये एक प्रकारचा राग व्यक्त केला जात आहे.
यूकेमध्ये सार्वत्रिक निवडणुका कशा घेतल्या जातात?
यूकेमध्ये गुरुवारी निवडणुकीसाठी मतदान होत आहे. 4 जुलै रोजी स्थानिक वेळेनुसार सकाळी 7 वाजल्यापासून मतदान प्रक्रिया सुरू होणार असून ती रात्री 10 वाजेपर्यंत चालणार आहे.
युनायटेड किंगडममधील 650 संसदीय जागांसाठी मतदान घेण्यात येईल, नोंदणीकृत मतदार त्यांच्या पसंतीच्या उमेदवाराला मतदान केंद्रांवर मतदान करतील, सामान्यतः शाळा किंवा समुदाय केंद्रांमध्ये मतदान पार पडतं. ब्रिटनच्या निवडणुका भारतातील सार्वत्रिक निवडणुकांसारख्या असतात. UK फर्स्ट-पास्ट-द-पोस्ट (FPTP) निवडणूक प्रणाली वापरते, मतदानाला लागू केलेले जुने रेसिंग रूपक, ज्यामध्ये सर्वाधिक मते मिळविणारा उमेदवार त्या मतदारसंघाचा खासदार (MP) बनतो. म्हणजे, भारताप्रमाणेच, ज्या उमेदवाराला सर्वाधिक मते मिळतील, तो विजयी घोषित केला जातो.
यूकेमध्ये मतदान संपल्यानंतर, मतांची मोजणी केली जाईल. प्रत्येक मतदारसंघात एक खासदाराची जागा असते. सर्वाधिक मते मिळविणाऱ्या खासदारांना 5 जुलैच्या सकाळपर्यंत विजयी घोषित केले जाते.
जर एखाद्या पक्षाने बहुमत मिळवले तर, त्यांचा नेता पंतप्रधान बनतो आणि दुसऱ्या क्रमांकावर सर्वाधिक खासदार असलेल्या पक्षाचा नेता, सहसा विरोधी पक्षाचा नेता. केयर स्टारर हे मजूर पक्षाचे नेते आहेत, तर ऋषी सुनक हे निवडणुकीत कंझर्व्हेटिव्ह पक्षाचे नेतृत्व करत आहेत. कोणत्याही पक्षाला बहुमत मिळाले नाही, तर भारताप्रमाणेच युती करण्याचा पर्याय पक्षांसाठी खुला असतो.
आतापर्यंत आलेल्या सर्व ओपिनियन पोलमध्ये केयर स्टार्मर यांच्या लेबर पार्टीला बहूमत मिळेल आणि त्यांच्या पार्टीचा पंतप्रधान होईल असं सांगण्यात आलं आहे. सर्वेक्षणानुसार ऋषी सुनक यांचा या निवडणूकीत दारुण पराभव होण्याची शक्यता आहे. परंतू या सर्व गोष्टी उद्या मतदानानंतर स्पष्ट होतील.
Click it and Unblock the Notifications
Sign in with Google