America : इस्रायली दूतावासाच्या 2 कर्मचाऱ्यांना ठार करणारा रॉड्रिग्ज कोण?, यावर ट्रम्प काय म्हणाले?

America Latest Marathi news : वॉशिंग्टन डीसीमधील कॅपिटल ज्यू म्युझियमबाहेर झालेल्या गोळीबारात इस्रायली दूतावासातील दोन कर्मचाऱ्यांचा मृत्यू झाला. दरम्यान, या हल्ल्यातील आरोपीची ओळख पटली असून 30 वर्षीय शिकागो येथील रहिवासी एलियास रॉड्रिग्ज असे आरोपीचे नाव आहे. त्याने असे कृत्य का केले, त्याचा नेमका राग कोणावर होता, याविषयी देखील आता प्राथमिक माहिती समोर आली आहे.

प्रत्यक्षदर्शी आणि पोलिसांच्या मते, वॉशिंग्टन डीसीमधील थर्ड स्ट्रीट आणि एफ स्ट्रीट नॉर्थवेस्टजवळ बुधवारी गोळीबार झाला. घटनेच्या ठिकाणी अनेक महत्त्वाच्या इमारती आहेत, ज्यात कॅपिटल ज्यू म्युझियम, एफबीआयचे फील्ड ऑफिस आणि यूएस अॅटर्नी ऑफिस यांचा समावेश आहे. या गोळीबारात एक पुरूष आणि एक महिला ठार झाली आणि ते जोडपे असल्याचे मानले जात आहे.

आरोपीने फ्री पॅलेस्टाईनचा दिला नारा

वॉशिंग्टन पोलिस प्रमुख पामेला स्मिथ यांच्या म्हणण्यानुसार, कार्यक्रम सुरू होण्यापूर्वी संशयिताला संग्रहालयाबाहेर फिरताना दिसले. अटकेनंतर तो 'फ्री पॅलेस्टाईन, फ्री पॅलेस्टाईन' च्या घोषणा देत होता. पोलिसांनी घटनास्थळावरून एक शस्त्रही जप्त केले आहे. हल्ल्यामागील कारण अद्याप स्पष्ट झालेले नाही आणि पोलिस या प्रकरणाचा तपास करत आहेत.

The DC Jewish Museum attacker is a far-left activist in Chicago who belongs to Party for Socialism and Liberation

SHOCKER pic.twitter.com/5EA9Cwm0br

— End Wokeness (@EndWokeness) May 22, 2025

या घटनेवर डोनाल्ड ट्रम्प काय म्हणाले?

या घटनेवर अमेरिकेचे राष्ट्राध्यक्ष डोनाल्ड ट्रम्प म्हणाले, 'वॉशिंग्टन डीसीमधील या भयानक हत्या, जे स्पष्टपणे यहूदी-विरोधी द्वेषाचे परिणाम आहेत, ते आता आणि ताबडतोब थांबले पाहिजेत.' अमेरिकेत द्वेष आणि कट्टरतेला स्थान नाही. मी पीडितांच्या कुटुंबियांना माझ्या मनापासून संवेदना व्यक्त करतो. आपल्या समाजात अजूनही अशा वेदनादायक घटना घडत आहेत हे खूप दुःखद आहे. देव तुम्हा सर्वांना शक्ती आणि शांती देवो.

इस्रायली दूतावासाने काय अपेक्षा व्यक्त केली?

वॉशिंग्टनमधील इस्रायली दूतावासाचे प्रवक्ते तल नैम म्हणाले, आज संध्याकाळी वॉशिंग्टन डीसीमधील कॅपिटल ज्यूइश म्युझियममध्ये एका ज्यू कार्यक्रमादरम्यान इस्रायली दूतावासाच्या दोन कर्मचाऱ्यांवर जवळून गोळ्या झाडण्यात आल्या. ते पुढे म्हणाले की, स्थानिक आणि संघीय पातळीवरील कायदा अंमलबजावणी संस्थांवर आम्हाला पूर्ण विश्वास आहे की ते हल्लेखोराला लवकरात लवकर अटक करतील आणि संपूर्ण अमेरिकेतील इस्रायलच्या प्रतिनिधींची आणि ज्यू समुदायांची सुरक्षा सुनिश्चित करतील.