पोप फ्रान्सिस यांची प्रकृती गंभीर, डॉक्टरांनी व्यक्त केली चिंता, नेमकं काय झालंय, जाणून घ्या सविस्तर

Pope Francis : 88 वर्षीय पोप फ्रान्सिस यांना ब्राँकायटिसचा त्रास झाल्यानंतर 14 फेब्रुवारी रोजी रोमच्या जेमेली रुग्णालयात उपचारासाठी दाखल करण्यात आले होते आणि मंगळवारी डॉक्टरांनी दोन्ही फुफ्फुसांमध्ये न्यूमोनियाचे निदान केले. तेव्हापासून पोप फ्रान्सिस यांची प्रकृती खालावलेली आहे. त्यांच्यावर उपचार सुरू आहेत. दरम्यान, डॉक्टरांनी चिंता व्यक्त केली असून त्यांना रक्तात संसर्ग झाल्याचे देखील डॉक्टरांनी शनिवारी स्पष्ट केले.

श्वसनाचा त्रास होत झाल्यानंतर रुग्णालयात केले दाखल

मिळालेल्या माहितीनुसार, पोप फ्रान्सिस यांना न्यूमोनिया आणि श्वसन संसर्गाचा त्रास आहे. शनिवारी पोप फ्रान्सिस यांची प्रकृती गंभीर झाली. त्यांना बऱ्याच काळापासून दम्याशी संबंधित श्वसनाच्या समस्या आहेत. त्यामुळे त्यांना मोठ्या प्रमाणात ऑक्सिजन दिला जात आहे. व्हॅटिकनने एका निवेदनात म्हटले आहे की, फ्रान्सिस फुफ्फुसाच्या संसर्गामुळे एका आठवड्यापासून रुग्णालयात दाखल होते आणि चाचण्यांमध्ये त्यांना अशक्तपणा असल्याचे दिसून आले.

मंगळवारी डॉक्टरांनी दोन्ही फुफ्फुसांमध्ये न्यूमोनियाचे निदान केले. यासोबतच त्यांच्या श्वसनमार्गात 'पॉलीमायक्रोबियल' संसर्ग देखील आढळून आला. डॉक्टरांनी सांगितले आहे की फ्रान्सिस यांची प्रकृती खूपच गंभीर आहे आणि ते सद्या धोक्याच्या स्थितीत आहेत.

गंभीर रक्तसंसर्गाचा धोका

डॉक्टरांनी इशारा दिला आहे की, फ्रान्सिससमोरील मुख्य धोका म्हणजे ट्यूमरचा विकास, हा एक गंभीर रक्त संसर्ग आहे. पोपच्या वैद्यकीय पथकाने सांगितले की, शुक्रवारपर्यंत सेप्सिसची कोणतीही लक्षणे आढळली नाहीत आणि फ्रान्सिस घेत असलेल्या विविध औषधांना प्रतिसाद देत होते.

पोप फ्रान्सिस कोण आहेत?

पोप फ्रान्सिस हे अर्जेंटिनाचे जेसुइट पुजारी आहेत. जे 2013 मध्ये रोमन कॅथोलिक चर्चचे 266 वे पोप बनले. त्यांना पोप बेनेडिक्ट सोळावा यांचे उत्तराधिकारी म्हणून निवडण्यात आले. पोप फ्रान्सिस हे गेल्या एक हजार वर्षात पहिले व्यक्ती आहेत जे युरोपियन नसतानाही कॅथोलिक धर्मात सर्वोच्च पदावर पोहोचले आहेत.