धक्कादायक! पाकिस्तानात 100 हून बालकांचा मृत्यू, चिमुकल्यांना झाला 'हा' आजार, मृत्यूचे तांडव का?

पाकिस्तानातून अतिशय धक्कादायक बातमी समोर आली आहे. पाकिस्तानातील कराचीमध्ये 100 हून अधिक मुलांचा मृत्यू झाला आहे. आणि त्याचे मुख्य कारण म्हणजे डिप्थीरिया या आजाराचे. डिप्थीरिया आजारावर उपयोगी पडणारी अँटी-टॉक्सिन (DAT) ची कमतरता झाली आहे. डिप्थीरिया हा एक गंभीर आणि संसर्गजन्य रोग आहे, जो लसीकरणाच्या मदतीने टाळता येतो. तथापि, कराची आणि सिंधच्या इतर भागांमध्ये या रोगाविरूद्ध आवश्यक असलेल्या अँटीटॉक्सिन औषधांच्या कमतरतेमुळे परिस्थिती गंभीर बनल्याचे सांगितले जात आहे.

मिळालेल्या माहितीनुसार, गेल्या वर्षी, सिंध संसर्गजन्य रोग रुग्णालयात 140 घटसर्प प्रकरणांची नोंद झाली होती. त्यापैकी 52 मुले जगू शकली नाहीत. यावर्षी 100 हून अधिक बालकांचा घटसर्पामुळे मृत्यू झाला आहे. संपूर्ण सिंधमध्ये अँटीटॉक्सिन औषध उपलब्ध नसल्याने येथे मुलांचा मृत्यू होत आहे. एका मुलावर उपचार करण्यासाठी पाकिस्तानी रुपये (सुमारे 1.2 लाख) किमतीचे अँटीटॉक्सिन औषध आवश्यक आहे.

डिप्थीरियाचा शरीराच्या कोणत्या भागावर परिणाम?

वर्ल्ड हेल्थ ऑर्गनायझेशनच्या मते, डिप्थीरियाचा घसा आणि श्वसनमार्गावर परिणाम होतो. घसा खवखवणे, ताप येणे, मानेच्या ग्रंथींना सूज येणे आणि अशक्तपणा ही त्याची लक्षणे आहेत. वेळेवर उपचार न केल्यास, सुमारे 30 टक्के प्रकरणांमध्ये डिप्थीरिया घातक ठरू शकतो. विशेषत: लहान मुलांना याचा मोठा त्रास सहन करावा लागत आहे. तरी देखील या भागातील शासकीय यंत्रणांकडून कोणताही फायदा होत नाही.

लसीकरणाचा अभाव आणि त्याचे परिणाम

लसीद्वारे डिप्थीरिया टाळता येऊ शकतो, परंतु त्यासाठी वेळेवर लसीकरण आणि बूस्टर डोस आवश्यक आहे. खैबर पख्तुनख्वाचे संचालक विस्तारित लसीकरण कार्यक्रम (EPI), मोहम्मद आरिफ खान म्हणाले की, घटसर्पाचा प्रादुर्भाव थांबवण्याचा एकमेव मार्ग म्हणजे वेळेवर लसीकरण करणे. तथापि, पाकिस्तानमध्ये लसीकरण कव्हरेजची पातळी कमी आहे आणि कोविड-19 साथीच्या रोगाने ही परिस्थिती आणखी बिकट बनवली आहे. त्यामुळे नियमित लसीकरण सेवा विस्कळीत झाली आहे.

डिप्थीरियाशी संबंधित WHO अहवाल

WHO च्या मते, 2023 मध्ये, जगभरातील केवळ 84 टक्के मुलांना डिप्थीरिया लसीचे शिफारस केलेले तीन डोस मिळाले असतील. सुमारे 16 टक्के मुले एकतर लसीकरण न केलेले आहेत किंवा त्यांचे लसीकरण अपूर्ण आहे. हे कव्हरेज सर्व देशांमध्ये आणि प्रदेशांमध्ये मोठ्या प्रमाणावर बदलते. कोविड-19 साथीच्या रोगाने लसीकरण सेवांवर आणखी परिणाम केला आहे, ज्यामुळे डिप्थीरिया सारख्या रोगांचा प्रसार होण्याचा धोका वाढला आहे.