लष्कराचा मोस्ट वॉन्टेड दहशतवादी अन् हाफिज सईदचा जवळचा साथीदार PAKमध्ये ठार, कशी झाली हत्या?

Lashkar e Taiba Abu Qatal : पाकिस्तानी दहशतवादी संघटना लष्कर ए तैयबाचा मोस्ट वॉन्टेड दहशतवादी अबू कताल सिंघी याला ठार मारण्यात आले आहे. ही घटना शनिवार, 15 मार्च रोजी रात्री साडे वाजेच्या सुमारास घडली. दहशतवादी संघटनेचा एक महत्त्वाचा सदस्य अबू कताल सिंघी हा जम्मू आणि काश्मीरमध्ये अनेक हल्ल्यांचा कट रचल्याबद्दल ओळखला जात होता. तो काश्मीरमधील रियासी हल्ल्याचा मास्टरमाइंड होता.

तो 26/11 च्या मुंबई दहशतवादी हल्ल्याचा सूत्रधार हाफिज सईदच्या जवळचा सहकारी होता. 9 जून रोजी रियासी येथील शिवखोरी मंदिरातून परतणाऱ्या यात्रेकरूंच्या बसवर झालेल्या हल्ल्यात दहशतवादी अबू कटाल सिंघीने महत्त्वाची भूमिका बजावली होती. हा हल्ला कटालच्याच नेतृत्वाखाली करण्यात आला.

राष्ट्रीय तपास संस्थेने (एनआयए) त्याला वॉन्टेड घोषित केले होते. 2023 च्या राजौरी हल्ल्यात सहभागी असल्याबद्दल एनआयएने त्यांच्या आरोपपत्रात अबू कटालचे नावही ठेवले होते. जम्मू आणि काश्मीरमधील अनेक दहशतवादी घटनांमध्ये त्याच्या भूमिकेमुळे लष्करासह अनेक सुरक्षा एजन्सी त्याच्यावर लक्ष ठेवून होत्या.

राजौरी हल्ल्यात काय घडले?

खरं तर, जानेवारी 2023 मध्ये, एनआयएने राजौरी येथील हल्ल्यासाठी 5 जणांविरुद्ध आरोपपत्र दाखल केले होते, ज्यामध्ये लष्करचे 3 पाकिस्तानी दहशतवादी देखील होते.1 जानेवारी 2023 रोजी राजौरी जिल्ह्यातील धांगरी गावात नागरिकांवर दहशतवादी हल्ला झाला. दुसऱ्या दिवशी आयईडी स्फोट झाला. या हल्ल्यात दोन मुलांसह सात जणांचा मृत्यू झाला आणि अनेक जण गंभीर जखमी झाले.

आरोपपत्रात ज्या तीन दहशतवादींची नावे आहेत ते लष्करचे कार्यकर्ते असल्याचे सांगितले जात आहे, त्यांची ओळख सैफुल्ला उर्फ ​​साजिद जट उर्फ ​​अली उर्फ ​​हबीबुल्ला उर्फ ​​नुमान उर्फ ​​लंगडा उर्फ ​​नौमी, मोहम्मद कासिम आणि अबू कताल उर्फ ​​कताल सिंधी अशी झाली आहे. अबू कटाल आणि साजिद जट्ट हे पाकिस्तानी नागरिक होते. कासिम 2002 च्या सुमारास पाकिस्तानात गेला होता आणि तिथे लष्कर दहशतवादी गटात सामील झाला होता.