तुरुंगात पाकचे माजी पंतप्रधान इम्रान खान यांची खरंच हत्या झाली का? 'या' 6 शंकांमुळे पाकिस्तानात खळबळ

Is Imran Khan Safe 6 Shocking Reasons to Suspect Foul Play in Jail : पाकिस्तानचे माजी पंतप्रधान आणि तहरीक-ए-इन्साफ (PTI) पक्षाचे प्रमुख इम्रान खान हे सध्या अडियाला जेलमध्ये बंद आहेत. मात्र, गेल्या काही दिवसांपासून त्यांच्याबाबत समोर आलेल्या माहितीमुळे केवळ पाकिस्तानच नाही, तर आंतरराष्ट्रीय समुदायामध्येही तीव्र चिंता व्यक्त होत आहे. इम्रान खान यांची तुरुंगात हत्या झाली अशा बाबींवर पाकमध्ये शंका उपस्थित केल्या जात आहेत.

इम्रानखानसोबत तुरुंगात काहीतरी मोठे आणि धोकादायक घडले असावे, असे स्पष्ट संकेत देणारी ६ प्रमुख कारणे आणि गंभीर परिस्थिती निर्माण झाली आहे. या सगळ्या शंकांमुळे इम्रान खान यांची तुरुंगात खरंच हत्या झाली आहे काय, असा भयावह प्रश्न उपस्थित होत आहे.

इम्रान खान यांच्यासोबत अघटीत घडल्याचे ६ गंभीर संकेत

१. डॉक्टरांची साप्ताहिक भेटही थांबवली

तुरुंग प्रशासनाच्या नियमांनुसार, इम्रान खान यांच्या खासगी डॉक्टरांना आठवड्यातून एकदा त्यांना भेटण्याची परवानगी आहे. मात्र, या आठवड्यात डॉक्टरांना भेटू दिले नाही. डॉक्टरांच्या मते, कोणत्याही कारणाशिवाय वैद्यकीय भेट थांबवण्याची ही पहिलीच वेळ आहे. यामुळे इम्रान खान यांच्या आरोग्याबद्दल काही गंभीर लपवले जात आहे की, त्यांना जाणीवपूर्वक वैद्यकीय सुविधांपासून दूर ठेवले जात आहे, असा मोठा प्रश्न उभा राहिला आहे.

२. वकिलांना भेटून एक महिना उलटला

PTI च्या प्रमुख वकिलांनी दावा केला आहे की, त्यांना गेल्या पूर्ण एका महिन्यापासून इम्रान खान यांना भेटण्याची परवानगी मिळालेली नाही. वकिलांचे म्हणणे आहे की, त्यांच्या कायदेशीर प्रकरणांची सुनावणी सुरू असतानाही त्यांना त्यांच्या क्लायंटशी बोलू दिले जात नाही. ही परिस्थिती न्यायप्रक्रियेवर थेट प्रश्नचिन्ह उभे करते आणि हे दर्शवते की, सरकार आणि सत्ताधारी संस्था इम्रान खान यांना बाहेरील जगापासून पूर्णपणे तोडून टाकू इच्छितात.

३. बहिणींना भेटण्यास मनाई

इम्रान खान यांच्या दोन्ही बहिणींनी सार्वजनिकपणे सांगितले आहे की, त्यांना गेल्या अनेक दिवसांपासून आपल्या भावाला भेटण्याची परवानगी मिळत नाहीये. तुरुंग प्रशासन वेगवेगळी कारणे सांगून ही भेट टाळत आहे. जेव्हा कुटुंबालाच भेटण्याची परवानगी मिळत नाही, तेव्हा याचा सरळ अर्थ होतो की, एकतर परिस्थिती सामान्य नाही किंवा काहीतरी गंभीर लपवले जात आहे. त्यांच्या कुटुंबीयांसाठी आणि समर्थकांसाठी ही बाब अत्यंत चिंताजनक आहे.

४. ८ दिवसांपासून 'ते कुठे आहेत, कोणालाच पत्ता नाही!

सर्वात गंभीर आणि धक्कादायक बाब म्हणजे, इम्रान खान यांना तुरुंग परिसरात अखेरचे सुरक्षितपणे कधी पाहिले गेले, याबद्दल वेगवेगळी मते आहेत. पण हे निश्चित आहे की, गेल्या ८ दिवसांपासून त्यांच्याबद्दल कोणतीही माहिती उपलब्ध नाही. अनेक दिवसांपासून त्यांचा कोणताही व्हिडिओ, फोटो समोर आला नाही, ना त्यांना कोर्टात हजर केले गेले, ना कोणाला भेटण्याची परवानगी दिली गेली. इम्रान तुरुंगाच्या कोणत्या भागात आहेत, हेही PTI ला सांगितले जात नाहीये. यामुळे त्यांना दुसऱ्या ठिकाणी हलवले आहे की त्यांच्यासोबत काहीतरी गंभीर घडले आहे, असा मोठा धोका निर्माण झाला आहे.

५. आर्मी चीफ मुनीर यांनी तातडीची बैठक का घेतली?

दरम्यान, पाकिस्तानचे आर्मी चीफ जनरल असीम मुनीर यांनी अचानक एक 'आणीबाणी बैठक' (Emergency Meeting) बोलावल्याची बातमी समोर आली. ही बैठक कशाबद्दल होती, हे सरकार किंवा सैन्याने स्पष्ट केले नाही. परंतु राजकीय वातावरण आणि इम्रान खान यांची गूढ स्थिती पाहता, या बैठकीमुळे शंका वाढली आहे की, या प्रकरणाचा संबंध इम्रान खान यांच्या सुरक्षेशी किंवा त्यांच्या भविष्याशी तर नसेल ना?

६. शाहबाज ते बिलावलपर्यंत सर्वांनी साधले मौन

सर्वात आश्चर्यकारक गोष्ट म्हणजे, इम्रान खान यांच्या PTI ला वगळता पाकिस्तानच्या सर्व प्रमुख राजकीय पक्षांनी या गंभीर प्रकरणावर पूर्णपणे मौन बाळगले आहे. ना शाहबाज शरीफ, ना मरियम नवाज, ना बिलावल भुट्टो किंवा ख्वाजा आसिफ - यापैकी कोणीही इम्रान खान यांच्या गायब असण्यावर किंवा त्यांच्या तुरुंगातील स्थितीवर एकही विधान जारी केले नाही. हे मौन दर्शवते की, एकतर विरोधी पक्ष दबावाखाली आहे किंवा सत्ताधारी प्रतिष्ठानने सर्वांना या विषयावर बोलणे 'धोकादायक' ठरू शकते, असे संकेत दिले आहेत.