डोनाल्ड ट्रम्प यांच्यावर हल्ला झाल्यानंतर मुलगी इव्हांकाची पहिली प्रतिक्रिया

Ivanka On Donald Trump firing Incident: 14 जुलै हा अमेरिकेच्या इतिहासासाठी अत्यंत वेदनादायक दिवस आहे. कारण या दिवशी अमेरिकेचे माजी राष्ट्राध्यक्ष डोनाल्ड ट्रम्प यांच्यावर प्राणघातक हल्ला झाला आहे. पेनसिल्व्हेनियामध्ये एका रॅलीत गोळीबार झाला, ज्यात अमेरिकेचे माजी राष्ट्राध्यक्ष डोनाल्ड ट्रम्प जखमी झाले. गोळी त्याच्या उजव्या कानाच्या वरच्या भागाला चाटून गेली आहे. या घटनेबाबत ट्रम्प यांच्या प्रतिक्रियेनंतर आता त्यांच्या मुलीची प्रतिक्रिया समोर आली आहे.

राष्ट्राध्यक्षांच्या सुरक्षेवर उठले प्रश्न

या अपघातात ट्रम्प थोडक्यात बचावले पण या घटनेमुळे अमेरिकन राष्ट्राध्यक्षांच्या सुरक्षेवर अनेक प्रश्नचिन्ह निर्माण झाले आहेत. आता या विषयावर मुलगी इवांकाची प्रतिक्रिया समोर आली आहे, ज्यामध्ये ती म्हणाली, आज बटलर, पेनसिल्व्हेनिया येथे झालेल्या अनावश्यक हिंसाचारात माझ्या वडिलांसाठी आणि इतर पीडितांसाठी तुमचे प्रेम आणि प्रार्थना केल्याबद्दल धन्यवाद.

मुलगी इवांका काय म्हणाली?

इवांका म्हणाली "मी गुप्त सेवा आणि इतर सर्व कायद्याची अंमलबजावणी करणाऱ्या अधिकाऱ्यांनी आज तत्पर आणि निर्णायक कृती केल्याबद्दल त्यांची आभारी आहे. मी माझ्या देशासाठी प्रार्थना करत आहे. माझं माझ्या वडीलांवर प्रेम आहे, आज आणि नेहमी करीत राहीन".

Thank you for your love and prayers for my father and for the other victims of today's senseless violence in Butler, Pennsylvania. I am grateful to the Secret Service and all the other law enforcement officers for their quick and decisive actions today. I continue to pray for our…

— Ivanka Trump (@IvankaTrump) July 14, 2024

हल्ल्यानंतर ट्रम्प यांची प्रतिक्रिया

ट्रम्प यांनी त्यांच्यावर झालेल्या प्राणघातक हल्ल्याबद्दल सांगितले होते की, पेनसिल्व्हेनिया झालेल्या गोळीबाराच्या घटनेला त्वरित प्रतिसाद दिल्याबद्दल मी युनायटेड स्टेट्स सीक्रेट सर्व्हिस आणि सर्व कायदा अंमलबजावणी संस्थांचे आभार मानतो.

ट्रम्प पुढे म्हणाले की, सर्वात महत्त्वाचे म्हणजे रॅलीत मारले गेलेल्यांच्या कुटुंबियांबद्दल तसेच गंभीर जखमी झालेल्या व्यक्तीच्या कुटुंबाप्रती मी शोक व्यक्त करू इच्छितो. या घटनेमुळे जगभरात भीतीचे वातावरण निर्माण झाले आहे. अमेरिकन राष्ट्राध्यक्षांच्या सुरक्षा व्यवस्थेवर लोक आता अनेक प्रश्न उपस्थित करत आहेत.