Donald Trump Net Worth: अमेरिकेचे नवे राष्ट्राध्यक्ष डोनाल्ड ट्रम्प किती श्रीमंत आहेत ? घ्या जाणून

Donald Trump Net Worth: अमेरिकेत पुन्हा एकदा आपकी बार ट्रॅम्प सरकार विजय झाला आहे. रिपब्लिकन पक्षाचे डोनाल्ड ट्रम्प यांनी राष्ट्राध्यक्षची निवडणूक जिंकली आहे. अमेरिकन फॉक्स न्यूजने रिपब्लिकनचा विजय घोषित केला आहे.

डोनाल्ड ट्रम्प यांची गणना अमेरिकेतील सर्वात श्रीमंत नेत्यांमध्ये केली जाते. अमेरिकेचे 47 वे राष्ट्राध्यक्ष बनलेल्या ट्रम्प यांचा हा शानदार विजय असल्याचं म्हटलं जातं आहे. जर आपण संपत्तीबद्ल बोलायचे झाले तर त्याच्याकडे अब्जावधी डॉलर्सची संपत्ती आहे. तसेच त्याचे जगभरात व्यवसाय आहेत, ज्यात मीडिया तंत्रज्ञानापासून ते रिअल इस्टेटपर्यंत व्यवसाय आहेत.

डोनाल्ड ट्रम्प यांची संपत्ती

सध्या डोनाल्ड ट्रम्प यांची एकूण संपत्ती 8 अब्ज डॉलर आहे. फोर्ब्सच्या मते ऑक्टोबर 2024 मध्ये त्यांची संपत्ती दुप्पट झाली. ते ऑक्टोबरच्या सुरुवातीला 4 बिलियन डॉलर पर्यंत होती. ती आता मंगळवारी 29 ऑक्टोबर ला 8 बिलियन डॉलर ऐवढी झाली आहे.

फोर्ब्स रिअल-टाइम ट्रॅकरनुसार 78 वर्षीय ट्रम्प आता जगातील 357 व्या सर्वात श्रीमंत व्यक्ती आहेत. ट्रम्प यांच्या संपत्तीत ही वाढ निवडणुकीत त्यांची वाढती लोकप्रियता आणि त्यांची मीडिया कंपनी ट्रम्प मीडिया अँड टेक्नॉलॉजी ग्रुप (टीएमटीजी) च्या शेअर्समध्ये झालेली वाढ यामुळे झाली आहे.

ट्रम्पच्या सोशल मीडिया प्लॅटफॉर्म 'ट्रुथ सोशल' ची मूळ कंपनी असलेल्या ट्रम्प मीडियाचे शेअर्स मंगळवारी जवळपास 9 टक्क्यांनी वाढले आणि 51.51 वर बंद झाले. सोमवारी 21.6% चा नफा नोंदवला होता. TMTG चे बाजारमूल्य 10 बिलियन पेक्षा जास्त आहे. जे एलोन मस्कच्या कंपनी X च्या बरोबरीचे आहे. ऑक्टोबरमध्ये ट्रम्पची संपत्ती दुप्पट झाली तर ट्रम्प मीडियाच्या स्टॉकची किंमत ऑक्टोबरच्या सुरुवातीला 16.16 वरून तिप्पट झाली (249.2% वाढ).

डोनाल्ड ट्रम्प यांना वारसाहक्काने मिळालेली मालमत्ता

न्यूयॉर्क टाईम्सच्या अहवालात म्हटलं आहे की, डोनाल्ड ट्रम्प यांना त्यांच्या वडिलांकडून 413 दशलक्ष डॉलर्सची संपत्ती वारसाहक्काने मिळाली आहे.

ट्रम्प यांची भारतात गुंतवणूक

डोनाल्ड ट्रम्प यांनी भारतात मोठ्या प्रकल्पांमध्ये गुंतवणूक केली आहे. त्याच्या ब्रँडचे रिअल इस्टेट प्रकल्प वेगाने विस्तारत आहेत आणि ट्रम्प नावाशी संबंधित लक्झरी मालमत्तांमध्ये लक्षणीय वाढ झाली आहे.

आत्तापर्यंत भारतात दोन ट्रम्प टॉवर पूर्ण झाले आहेत जे पुणे आणि मुंबई येथे आहेत. त्याचवेळी गुरुग्राम आणि कोलकाता येथे आणखी दोन ट्रम्प टॉवरचे बांधकाम सुरू आहे. उद्योग तज्ज्ञांच्या मते, आणखी किमान चार टॉवर उभारण्याचे नियोजन केले जात आहे, ज्यामुळे भारत ट्रम्प ब्रँडसाठी सर्वात मोठी आंतरराष्ट्रीय बाजारपेठ बनणार आहे. ट्रिबेका डेव्हलपर्स, भारतातील ट्रम्प ब्रँडचे विशेष परवानाधारक, यांनी यापूर्वी मॅक्रोटेक डेव्हलपर्स आणि पंचशील रियल्टी यांना ट्रम्प टॉवर्सच्या विकासाचे कंत्राट दिले होते. पण आता, ट्रायबेकाने आगामी सर्व ट्रम्प टॉवर प्रकल्प स्वतंत्रपणे व्यवस्थापित करण्याची आणि तयार करण्याची योजना आखली आहे.

या प्रकल्पांची किंमत रु. 10.40 कोटी ते रु. 19.05 कोटी आहे. भारताच्या लक्झरी रिअल इस्टेट मार्केटमध्ये वेगाने विक्री वाढ होत आहे, एकूण विक्रीमध्ये लक्झरी रिअल इस्टेटचा हिस्सा 2022 मधील 2 टक्क्यांवरून 2023 मध्ये 4 टक्क्यांपर्यंत वाढला आहे. 2023 मध्ये लक्झरी युनिट विक्रीत 75 टक्के वाढ नोंदवली गेली. त्याच वेळी, 2024 च्या पहिल्या सहामाहीत एकूण विक्रीमध्ये लक्झरी घरांचा वाटा 41 टक्के होता, जो गेल्या वर्षी 30 टक्के होता.