वन चाईल्ड पाॅलिसीनं केलं वाट्टोळं! लग्नासाठी मुली भेटेना, 'या' देशात साडेतीन कोटी मुलं बिगरलग्नाचेच!

China facing the famine of girls : स्त्री पुरुष लिंगगुणोत्तर समान असेल तर अनिष्ट परिणामाची चिंता नसते पण जर लिंग गुणोत्तरात तफावत आली की मग चिंता सतावते, त्याचे अनिष्ट परिणामही दिसतात. आजही लग्नासाठी मुली मिळणे कठीण होऊन बसले आहे, अगदी हिच चिंता चीनमध्ये तेथील तरुणांना आणि त्यांच्या कुटुंबियांना सतावत आहे. रिपोर्टनुसार, तिथे लग्नासाठी मुली मिळत नसून साडेतीन कोटींपेक्षा अधिक मुलं सध्या बिगर लग्नाचेच असून ते अजूनही वधुच्या प्रतिक्षेत आहेत.

चीनमध्ये 1979 मध्ये सुरू झालेल्या आणि 2015 मध्ये संपलेल्या चीनच्या एकच मूल धोरणाचा देशाच्या लोकसंख्याशास्त्रावर मोठा परिणाम झाला असून धोरणाचा गंभीर परिणाम समोर आले आहे. या धोरणाच्या अंमलबजावणीदरम्यान जन्मलेल्या पुरुषांची संख्या अप्रमाणित आहे. हे पुरुष लग्नाच्या वयापर्यंत पोहोचत असल्याने त्यांना वधू मिळत नाहीत. या असमतोलामुळे, चीनमधील 35 दशलक्ष म्हणजेच साडेतीन कोटींपेक्षा जास्त पुरुष जीवनसाथी शोधण्यासाठी संघर्ष करत आहेत.

ऑनलाईन शोध, गरीब देशातून आणताहेत लग्नासाठी मुली

वनइंडिया हिंदीने दिलेल्या वृत्तानुसार, अनेक चिनी पुरुष वधू शोधण्यासाठी ऑनलाइन प्लॅटफॉर्म आणि आंतरराष्ट्रीय माध्यमांचा अवलंब करत आहेत, गरीब देशांमधून बायका खरेदी करत आहेत. काही रशिया, पाकिस्तान, बांगलादेश आणि अनेक आग्नेय आशियाई देशांमधून वधू आण्याचा प्रयत्न करत आहेत. मुली खरेदी करण्यापर्यंत हे प्रकरण गेले असून चिनी लोकांच्या या प्रवृत्तीने अप्रत्यक्षपणे मानवी तस्करीच्या कारवायांना प्रोत्साहन दिले आहे, ज्यामुळे जागतिक संघटनांमध्ये शोषणाबद्दल चिंता निर्माण झाली आहे.

चीन सरकारकडून इशारा

जोडीदार दुसऱ्या देशाचा आणि दुसऱ्या धर्माचा असल्याने, लैंगिक गुन्ह्यांसारख्या भेदभाव, घरगुती अत्याचार आणि हिंसाचाराची शक्यता वाढते. वधू खरेदीबाबत, चिनी सरकारने अलीकडेच आपल्या नागरिकांना परदेशी बायका खरेदी करण्याच्या प्रकरणात सामील होणाऱ्या तरुणांना इशारा दिला आहे. ढाका येथील चिनी दूतावासाने एक इशारा जारी केला आहे ज्यामध्ये असे म्हटले आहे की, आंतरराष्ट्रीय मॅचमेकिंग सेवा ही चिनी कायद्यानुसार बेकायदेशीर आहेत. नागरिकांना अशा उपक्रमांमध्ये सहभागी होऊ नका किंवा अधिकाऱ्यांपासून लपवू नका असा सल्ला देण्यात आला आहे.

राष्ट्रीय सुरक्षेचा मुद्दा तरीही चीनी तरुणांची घाई!

चिनी सरकारने आपल्या नागरिकांना या गोष्टी टाळण्याचा इशारा दिला आहे, हा मुद्दा मुळातःच राष्ट्रीय सुरक्षेशी संबंधित विषय असल्याचेही म्हटले आहे. हे सर्व असूनही, चिनी लोक उघडपणे पाकिस्तानी आणि बांगलादेशी महिलांशी संबंध बनवत आहेत आणि नंतर हे संबंध लग्नापर्यंत पोहोचत आहेत.

बांगलादेशातील वधुंना का आहे पसंती?

अहवालात असे सूचित केले आहे की गुन्हेगारी नेटवर्क लग्नाच्या उद्देशाने बांगलादेशी महिला आणि मुलींची चीनमध्ये तस्करी करत आहेत. दूतावासाच्या इशाऱ्याचा उद्देश चिनी नागरिक या बेकायदेशीर कारवायांना बळी पडण्यापासून वाचवणे आहे. याशिवाय, चिनी नागरिक देखील यात रस दाखवत आहेत, कारण बांगलादेशी मुलींचे राहणीमान आणि अपेक्षा तसेच लग्न कमी खर्चात केले जाऊ शकते. तुलनेत चीनच्या तरुणांचे राहणीमान इतर गोष्टी सरस आहेत, त्यामुळे लग्नानंतर या मुलींना खूप त्रास सहन करावा लागत नाही.

यामागील आणखी एक कारण असे म्हटले जाते की, या मुली त्यांच्या कमी राहणीमानातून बाहेर पडल्यानंतर जे मिळते ते आधीच्या तुलनेत सरस असल्याने त्या समाधानी असतात. त्यामुळे, त्यांच्या चिनी जोडीदारांबद्दल त्यांच्या तक्रारी कमी आहेत.

50 दशलक्ष चिनी अविवाहित राहतील?

वन चाईल्ड धोरणाच्या काळात मुलांना प्राधान्य दिल्याने लोकसंख्याशास्त्रीय असंतुलन निर्माण झाले आहे, जे आणखी वाईट होईल असा तज्ज्ञांचा अंदाज आहे. येत्या काही दशकांत, महिलांच्या कमतरतेमुळे सुमारे 50 दशलक्ष (5 कोटी) चिनी पुरुष अविवाहित राहतील असा अंदाज आहे. यामुळे जोडीदाराच्या शोधात असलेल्यांमध्ये निराशा वाढत आहे, काही जण ऑनलाइन चॅनेलद्वारे मोठ्या प्रमाणात पैसे देऊन संभाव्य वधूंना लाच देण्याचा प्रयत्न करत आहेत.

चीनची मोठी लोकसंख्या आणि खटले आधीच त्यांच्यासाठी एक मोठे आव्हान उभे करतात. अविवाहित पुरुष चीनसाठी एक समस्या बनले आहेत आणि या समस्येचे निराकरण करण्यासाठी, चीनला नवीन धोरणांची आवश्यकता आहे जे शोषण रोखण्यासाठी आणि मॅचमेकिंगमध्ये नैतिक पद्धतींचे नूतनीकरण करण्यासाठी प्रभावी ठरतील असे तज्ज्ञ सांगत आहेत.