नेतन्याहू यांनी सिझफायरचा प्रस्ताव फेटाळला, इस्रायल आणि हिजबुल्लाहचे युद्ध सुरूच राहणार

इस्रायलचे पंतप्रधान बेंजामिन नेतन्याहू यांनी अमेरिका आणि फ्रान्सचे 21 दिवसांचा सिझफायरचा प्रस्ताव फेटाळून लावला आहे. इस्रायल आणि हिजबुल्लाह यांच्यातील युद्ध थांबवण्यासाठी ही सूचना करण्यात आली होती. लेबनॉनमध्ये झालेल्या बॉम्बस्फोटामुळे लाखो लोकांना आपली घरे सोडावी लागली आहेत, या युद्धात अनेक जण जखमी झाले असून अनेकांना आपले प्राणही गमवावे लागले आहेत.

न्यूयॉर्कमध्ये संयुक्त राष्ट्र महासभेला संबोधित करताना इस्रायलचे पंतप्रधान बेंजामिन नेतन्याहू यांनी अमेरिका आणि फ्रान्सची 21 दिवसांची युद्धविराम योजना स्वीकारण्यास स्पष्टपणे नकार दिला आहे. नेतन्याहू म्हणतात की हे युद्ध कोणत्याही परिस्थितीत थांबवले जाणार नाही आणि हिजबुल्लाहवर त्यांच्याकडून बॉम्बफेक होत राहील. ऑस्ट्रेलिया, कॅनडा, सौदी अरेबिया, कतार यांसारखे अनेक देशही सिझफायर प्रस्तावाला पाठिंबा देत आहेत.

या संबोधनाआधी, इस्रायली लष्कराकडून ही गोष्ट समोर आली की, हिजबुल्लाह ड्रोन कमांडर मोहम्मद हुसेन सुरूरचा हवाई हल्ल्यात मृत्यू झाला नेतान्याहू यांनीही हे मान्य केले.

सिझफायरचा प्रस्ताव का पाठवला गेला?

इस्रायल आणि हिजबुल्ला यांच्यातील अत्यंत खराब संबंधांमुळे त्यांच्यामध्ये युद्ध सुरू आहे, ज्यामध्ये अनेक निष्पाप लोकांना आपला जीव गमवावा लागला आहे. ही परिस्थिती थांबवण्यासाठी आणि शांतता प्रस्थापित करण्यासाठी अमेरिका आणि फ्रान्सने बुधवारी 21 दिवसांच्या युद्धबंदीचा प्रस्ताव ठेवला होता. या प्रस्तावाच्या आवाहनानंतर इस्रायलने त्यात फारसा रस दाखवला नव्हता आणि आता पंतप्रधान नेतन्याहू यांच्या वक्तव्यानंतर इस्रायल कोणत्याही प्रकारची तडजोड करण्यास तयार नसल्याचे स्पष्ट झाले आहे.

बेंजामिन नेतन्याहू यांचे शब्द काय होते?

भाषणात, पंतप्रधान नेतन्याहू म्हणाले की आम्ही संपूर्ण शक्तीने हिजबुल्लाहवर हल्ला करत आहोत आणि आम्ही आमचे सर्व लक्ष्य साध्य करत नाही तोपर्यंत आम्ही थांबणार नाही, त्यातील मुख्य म्हणजे उत्तरेकडील लोकांचे त्यांच्या घरी परतणे. नेतन्याहू आणि परराष्ट्र मंत्री इस्रायल कॅट्झ आणि संरक्षण मंत्री योव गॅलंट यांसारख्या इस्रायली नेत्यांच्या प्रतिक्रिया देखील देश युद्ध थांबवणार नाही हे दर्शविते.

24 तासांत 150 हून अधिक जण जखमी

या युद्धामुळे लेबनॉनमधून अनेक प्रकरणे समोर येत आहेत. गुरुवारी आरोग्य मंत्रालयाने सांगितले की, गेल्या 24 तासांत इस्रायलच्या हल्ल्यात देशातील सुमारे 92 लोकांचा मृत्यू झाला असून सुमारे 153 जण जखमी झाले आहेत. त्याचवेळी परराष्ट्र मंत्री अब्दुल्ला बो हबीब म्हणतात की, सततच्या बॉम्बहल्ल्यांमुळे पाच लाख लोक देशांतर्गत विस्थापित झाले आहेत.