Saudi Arabia accident : सौदी अरेबियात भीषण अपघात, 9 भारतीय ठार; परराष्ट्र मंत्रालयाकडून दु:ख व्यक्त

Saudi Arbiya News : सौदी अरेबियातून एक दुःखद बातमी आली आहे. जिजानजवळ झालेल्या रस्ते अपघातात 9 भारतीयांचा मृत्यू झाला आहे. जेद्दाहमधील भारतीय दूतावासाने या अपघाताची पुष्टी केली आहे. तसेच, मृतांच्या कुटुंबियांच्या संपर्कात असल्याचे व मदत पुरवण्यासाठी सौदी अधिकाऱ्यांशी समन्वय साधत असल्याचेही त्यांनी म्हटले आहे.

सौदी अरेबियातील जिझानजवळ झालेल्या रस्ते अपघातात नऊ भारतीय नागरिकांच्या मृत्यूबद्दल भारतीय वाणिज्य दूतावासाने तीव्र दुःख व्यक्त केले आहे. एका पोस्टमध्ये त्यांनी शोकसंदेश देत कुटुंबांप्रती मनापासून संवेदना व्यक्त केल्या. जेद्दाहमधील भारतीय वाणिज्य दूतावास पूर्ण मदत करत आहे आणि अधिकारी आणि कुटुंबियांच्या संपर्कात आहे.

तसेच जखमी लवकरात लवकर बरे होण्यासाठी प्रार्थना केली जात आहे तसेच उपचारासाठी आवश्यक ती मदत करण्याचे आश्वासन भारतीय परराष्ट्र मंत्रालयाकडून देण्यात आलेले आहे. अपघाताची माहिती मिळण्यासाठी मृतांच्या कुटुंबियांसाठी आणि जखमींसाठी एक हेल्पलाइन सुरू करण्यात आल्याचे त्यांनी सांगितले.

परराष्ट्र मंत्री एस. जयशंकर यांनीही या घटनेवर दुःख व्यक्त केले. अपघात आणि लोकांच्या मृत्यूच्या बातमीने त्यांना दुःख झाल्याचे त्यांनी सांगितले. X वरील एका पोस्टमध्ये, त्यांनी जेद्दाहमधील भारताच्या कॉन्सुल जनरलशी बोलले आहे, जे या दुःखद परिस्थितीत बाधित कुटुंबांना सक्रियपणे मदत करत आहेत. या दुःखद परिस्थितीत तो पूर्ण पाठिंबा देत आहे.