World Health Day कधी आणि का साजरा केला जातो?, जाणून घ्या- इतिहास, महत्त्व आणि यंदाची थीम काय

World Health Day 2025 : दरवर्षी 7 एप्रिल हा दिवस जगभरात जागतिक आरोग्य दिन (World Health Day 2025) म्हणून साजरा केला जातो. हा दिवस साजरा करण्याचा उद्देश जागतिक स्तरावर महत्त्वाच्या आरोग्य समस्या आणि आरोग्य हक्कांबद्दल जागरूकता निर्माण करणे आहे.

हा दिवस साजरा करण्यासाठी 7 एप्रिल ही तारीख का निवडली गेली ते जाणून घेऊया. तसेच, आपण जागतिक आरोग्य दिनाचा इतिहास, महत्त्व आणि थीम याविषयी देखील जाणून घेऊया..!

जागतिक आरोग्य दिनाचा इतिहास

मुळात, जागतिक आरोग्य संघटना (WHO) ची स्थापना 7 एप्रिल 1948 रोजी झाली. जागतिक आरोग्य संघटनेच्या स्थापनेसोबतच जागतिक आरोग्य दिनाचा पायाही घातला गेला.

तथापि, तो पहिल्यांदा 1950 मध्ये साजरा करण्यात आला आणि तेव्हापासून दरवर्षी 7 एप्रिल रोजी जागतिक आरोग्य दिन साजरा केला जातो. दरवर्षी यासाठी वेगवेगळे विषय ठरवले जातात. त्या विषयावर वर्षभर आरोग्य संघटना तसेच आरोग्य क्षेत्रात काम करणारे लोक त्या अनुषंगाने विविध कार्यक्रम घेतात.

जागतिक आरोग्य दिनाचे महत्त्व

• जागतिक आरोग्य दिन साजरा करण्याचा उद्देश लोकांना आरोग्याबद्दल जागरूक करणे.
• आरोग्य सेवांची उपलब्धता सुधारणे आणि जागतिक आरोग्य आव्हानांकडे लक्ष वेधणे आहे.
• जागतिक आरोग्य दिनाच्या माध्यमातून, WHO सरकारे, संघटना आणि सामान्य जनतेला आरोग्यविषयक समस्यांवर चर्चा करण्यासाठी आणि या समस्यांवर उपाय शोधण्यासाठी प्रेरित करते.

जागतिक आरोग्य दिन 2025 थीम

वर नमूद केल्याप्रमाणे, जागतिक आरोग्य दिन साजरा करण्यासाठी दरवर्षी एक विशेष थीम निश्चित केली जाते. ही थीम जागतिक आरोग्य संघटनेने ठरवली आहे. त्याच वेळी, 2025 च्या जागतिक आरोग्य दिनाची थीम 'निरोगी सुरुवात, आशादायक भविष्य' अशी निश्चित करण्यात आली आहे.

ही थीम माता आणि नवजात बालकांच्या आरोग्य आणि सुरक्षिततेवर केंद्रित आहे. माता आणि नवजात मृत्युदर कमी करण्यासाठी गर्भधारणा, प्रसूती आणि प्रसूतीनंतरच्या काळजी दरम्यान उच्च दर्जाच्या सेवांच्या गरजेवर भर देणे हे या कार्यक्रमाचे उद्दिष्ट आहे.

(टीप : ही माहिती इंटरनेट स्त्रोत्रावरुन घेतलेली आहे.)