विनेश फोगट, बजरंग पुनिया निवडणूक लढवणार? राहूल गांधींची भेट घेतली, काँग्रेसमध्ये प्रवेशाची चर्चा!

Updated: Wednesday, September 4, 2024, 12:38 [IST]

vinesh phogat bajrang punia meet congress leader rahul gandhi : काँग्रेस नेते आणि खासदार राहूल गांधी यांची स्टार कुस्तीपटू विनेश फोगट आणि बजरंग पुनिया यांनी भेट घेतली. त्यांची ही भेट आगामी हरियाणा विधानसभा निवडणुकीपूर्वीच झाल्याने आता हे दोन्ही खेळाडू काँग्रेसमध्ये प्रवेश करणार असल्याची जोरदार चर्चा आहे.

विनेश फोगटसह टोकियो ऑलिम्पिकमध्ये कांस्यपदक जिंकणाऱ्या बजरंग पुनियानेही राहुल गांधींची भेट घेतली याचा काँग्रेस पक्षाने त्यांच्या भेटीचा एक फोटो सोशल मीडियावर शेअर केला आहे.

विनेश फोगाट निवडणूक लढवणार?

सूत्रांनी सांगितले की, सीईसीच्या बैठकीत हरियाणा निवडणुकीसंदर्भात चर्चा झालेल्या 49 पैकी 34 नावांना मंजुरी देण्यात आली आहे. हरियाणा निवडणुकीसाठी फोगट यांच्या संभाव्य उमेदवारीबाबत पक्ष लवकरच माहिती देऊ शकतो.vinesh phogat bajrang punia meet congress leader rahul gandhi

फोटो शेअर करताना काँग्रेसच्या एक्स हँडलने लिहिले की, विनेश फोगट आणि बजरंग पुनिया यांनी विरोधी पक्षनेते राहुल गांधी यांची भेट घेतली. विनेश फोगट 2023 मध्ये कुस्तीपटूंच्या निषेधाचा एक महत्त्वाचा चेहरा होता. तिनं भाजपचे खासदार ब्रृजभूषण सिंह यांच्यावर आरोप करत टीकाही केली होती. तसंच त्यांच्याविरोधात मोठं आंदोलनही केलं होतं.

टोकियो ऑलिम्पिक कांस्यपदक विजेत्या साक्षी मलिक आणि बजरंग पुनिया यांच्यासोबत त्यांनी भारतीय कुस्ती महासंघाचे (WFI) माजी प्रमुख आणि तत्कालीन भाजप खासदार ब्रिजभूषण शरण सिंग यांच्यावर कारवाई करण्याची मागणी केली आहे. बृजभूषण शरण सिंह यांच्यावर अनेक महिला कुस्तीपटूंचा लैंगिक छळ केल्याचा आरोप आहे. याप्रकरणी न्यायालयात सुनावणी सुरू आहे.

अनेक महिला कुस्तीपटूंनी दाखल केलेल्या लैंगिक छळाच्या प्रकरणात त्याच्यावर दाखल करण्यात आलेला एफआयआर आणि आरोप रद्द करण्याच्या त्याच्या याचिकेच्या संदर्भात ब्रिजभूषण सिंग यांना तात्काळ दिलासा देण्यास दिल्ली उच्च न्यायालयाने अलीकडेच नकार दिला. एका संक्षिप्त सुनावणीदरम्यान न्यायमूर्ती नीना बन्सल कृष्णा यांनी "प्रत्येक गोष्टीसाठी सर्वांगीण आदेश असू शकत नाही, हा अप्रत्यक्ष मार्ग आहे, अशी टिप्पणी केली आहे.(vinesh phogat bajrang punia meet congress leader rahul gandhi)