Tomarrow Bank Holidy : उद्या शुक्रवारी सर्व बँका राहणार बंद, आरबीआयने 27 जून रोजी का दिली सुट्टी?

Tomorrow Bank Holiday News : उद्या म्हणजे शुक्रवारी दि.२७ जून रोजी सर्व बॅंकांना सुट्टी राहणार आहे. सरकारी तसेच खासगी क्षेत्रातील सर्व बॅंका उद्या बंद राहणार असल्याचे आरबीआयच्या वतीने जाहीर करण्यात आले आहे. त्यामुळे तुमचे जर उद्या असलेले बॅंकेतील काम तुम्ही आजच दिवसभरात पूर्ण करून घ्या, अन्यथा तुम्हाला त्रासाला सामोरे जावे लागेल.

उद्या दोन राज्यांमध्ये बॅंकांना सुट्टी राहणार आहे. तर उर्वरीत सर्व राज्यामधील बॅंका मात्र सुरू राहणार आहे. कोणत्या दोन राज्यामध्ये बॅंकांना सुट्टी देण्यात आली, व आरबीआयने का निर्णय घेतला, याविषयी आपण जाणून घेणार आहोत.

27 जून 2025 रोजी शुक्रवारी बँका का बंद राहतील?

27 जून रोजी जगन्नाथ पुरी येथील रथयात्रेनिमित्त ओडिशा आणि मणिपूरमध्ये बँका बंद राहतील. ओडिशामधील पुरीमध्ये भगवान जगन्नाथाची रथयात्रा म्हणून हा उत्सव मोठ्या थाटामाटात साजरा केला जातो, ज्यामध्ये लाखो भाविक सहभागी होतात.

तसेच, मणिपूरमध्ये याला कांग म्हणून ओळखले जाते आणि तिथेही हा सण धार्मिक श्रद्धेने आणि सांस्कृतिक परंपरेने साजरा केला जातो. या दिवशी सरकारी सुट्टी असल्याने या राज्यांमधील सर्व सार्वजनिक आणि खाजगी बँका बंद राहतील.

डिजिटल बँकिंग सेवा मात्र सुरू राहणार!

सुट्टीच्या काळात, नेट बँकिंग, मोबाईल अॅप, यूपीआय, वॉलेट आणि एटीएम सारख्या तुमच्या सर्व डिजिटल सेवा पूर्वीप्रमाणेच चालू राहतील. म्हणजेच, तुम्ही कोणत्याही अडचणीशिवाय ऑनलाइन व्यवहार करू शकता.

परंतु जर तुम्हाला चेक जमा करायचा असेल, ड्राफ्ट बनवायचा असेल, खाते उघडायचे असेल किंवा बँक शाखेत जाऊन कोणतेही काम करायचे असेल तर सुट्टीच्या आधी ही कामे पूर्ण करणे चांगले होईल. तसेच, तुमच्या परिसरातील बँक शाखेतून सुट्ट्यांची योग्य आणि नवीनतम माहिती एकदा मिळवा, जेणेकरून तुम्हाला कोणत्याही प्रकारची अडचण येऊ नये.