Big Breaking : कोलकाता बलात्कार खून प्रकरणाची सर्वोच्च न्यायलयाकडून दखल, 20 ऑगस्टला सुनावणी
Supreme Court taken suo motu cognizance kolkata rape and murder case : कोलकाता येथील आरजी कार हॉस्पिटलमधील डॉक्टरच्या बलात्कार आणि हत्येची सर्वोच्च न्यायालयाने स्वतःहून दखल घेतली आहे.आता भारताचे सरन्यायाधीश डीवाय चंद्रचूड आणि न्यायमूर्ती जेबी पार्डीवाला आणि मनोज मिश्रा यांच्या खंडपीठासमोर 20 ऑगस्ट रोजी सुनावणी होणार आहे.
कोलकाता येथील प्रशिक्षणार्थी डॉक्टरच्या बलात्कार-हत्या प्रकरणात सरन्यायाधीश डीवाय चंद्रचूड यांच्या खंडपीठासमोर 20 ऑगस्ट रोजी सकाळी 10.30 वाजता सुनावणी होणार आहे. सरन्यायाधीश व्यतिरिक्त न्यायमूर्ती जेबी पास्टरवाला आणि न्यायमूर्ती मनोज मिश्रा खंडपीठात उपस्थित राहणार आहेत.
Supreme Court has taken suo motu cognizance of the rape and murder of a doctor in RG Kar Hospital in Kolkata. A bench of Chief Justice of India DY Chandrachud and Justices JB Pardiwala and Manoj Misra will hear the case on August 20. pic.twitter.com/XWwMUd9FSc
— ANI (@ANI) August 18, 2024
आरोपीची मानसशास्त्रीय चाचणी सुरु
या घटनेविरोधात देशभरातील डॉक्टरांच्या आंदोलनाचा आज 9वा दिवस आहे. या प्रकरणाचा तपास करत असलेल्या सीबीआयच्या अधिकाऱ्यांच्या वतीनं सांगण्यात आलं आहे की, आरोपी संजयची मानसिक चाचणी केली जात आहे. सेंट्रल फॉरेन्सिक सायन्स लॅबोरेटरी (CFSL) मधील मानसशास्त्रज्ञ आणि वर्तणूक विश्लेषकांची 5 सदस्यीय टीम ही चाचणी घेत आहे. या चाचणीतून आरोपी संजयची या जघन्य गुन्ह्याबाबतची मानसिकता काय होती हे कळू शकते.
लाॅकेट चॅटर्जीविरुद्ध गुन्हा
कोलकाता पोलिसांनी भाजपचे माजी खासदार लॉकेट चॅटर्जी यांच्याविरोधात गुन्हा दाखल केला असून समन्स जारी केले आहेत. पोलिसांनी सांगितले की, लॉकेटने प्रात्यक्षिक दरम्यान प्रशिक्षणार्थी डॉक्टरची ओळख उघड केली होती. त्याला 3 वाजता चौकशीसाठी बोलावण्यात आले आहे. याशिवाय कोलकाता पोलिसांनी टीएमसी खासदार सुखेंदू शेखर यांनाही समन्स बजावले असून त्यांना दुपारी ४ वाजता चौकशीसाठी बोलावले आहे. त्याच्यावर या प्रकरणाबाबत अफवा आणि खोट्या बातम्या पसरवल्याचा आरोप आहे.
कोलकाता येथील आरजी कार मेडिकल कॉलेजमध्ये नऊ ऑगस्ट रोजी एका प्रशिक्षणार्थी डॉक्टरवर बलात्कार करून तिची हत्या करण्यात आली होती. ही क्रूर घटनेनंतर साऱ्या देशात संतापाची लाट उसळली. यानंतर भारतीय वैद्यकीय संघटना, मार्ड, खासगी रुग्णालय तसंच वैद्यकीय व्यावसायिकांनी संप पुकारला. आता या धर्तीवर सर्वोच्च न्यायालयानेही या घटनेची दखल घेतली आहे.
आज काय-काय घडलं?
- कोलकाता पोलिसांनी भाजपचे माजी खासदार लॉकेट चॅटर्जी यांना नोटीस. दुपारी ३ वाजता चौकशीसाठी बोलावलं.
- लॉकेटवर प्रशिक्षणार्थी डॉक्टरची ओळख उघड केल्याचा आरोप.
- CBI टीम आरजी कार मेडिकल कॉलेज आणि हॉस्पिटलच्या आपत्कालीन वॉर्डमध्ये 3D लेझर मॅपिंग.
- कोलकाता पोलिसांनी आरजी कार हॉस्पिटलचे डॉ कुणाल सरकार आणि डॉ सुबर्णो गोस्वामी यांना नोटीस. दोन्ही डॉक्टरांवर या प्रकरणाबाबत अफवा पसरवल्याचा आरोप
- आरजी कार मेडिकल कॉलेजचे माजी प्राचार्य संदीप घोष यांची सीबीआय आज सलग तिसऱ्या दिवशी चौकशी घोष यांची 36 तास चौकशी
- 14 ऑगस्ट रोजी झालेल्या तोडफोड आणि हिंसाचारप्रकरणी कोलकाता पोलिसांकडून आणखी 2 जणांना अटक, एकूण 32 जणांना अटक
Click it and Unblock the Notifications
Sign in with Google