सुकमा जिल्ह्यात नक्षलवाद्यांनी केला IED स्फोट, कोब्रा बटालियनचे जवान शहीद

सुकमा: छत्तीसगडमधील सुकमा भागात नक्षलवाद्यांनी पुन्हा एकदा मोठा स्फोट केल्याची घटना समोर आलेली आहे. सिल्गर भागात नक्षलवाद्यांनी आयईडी स्फोट केल्याचे वृत्त आहे. या स्फोटात जखमी झालेले दोन जवान शहीद झाले आहेत.

मिळालेल्या माहितीनुसार, जवानांच्या हालचालीदरम्यान नक्षलवाद्यांनी आयईडीचा स्फोट केला. ट्रकला लक्ष्य करण्यासाठी नक्षलवाद्यांनी आयईडीचा वापर केला होता. सध्या जवानांनी परिसरात शोधमोहीम तीव्र केली आहे.

नक्षलवाद्यांनी सिल्गरहून पुर्वतीकडे जाणाऱ्या रस्त्यावर आयईडीचा स्फोट केला. अनेक सैनिक स्फोटाच्या प्रभावाखाली आले. 2 जखमी जवानांचा उपचारादरम्यान मृत्यू झाला आहे. सध्या उर्वरित जखमी जवानांवर उपचार सुरू आहेत.

#WATCH | Chhattisgarh: "Under the Jagargunda PS limits in Sukma district between Silger and Tekulagudem, Naxalites blew up security vehicles in an IED blast, this afternoon. Two jawans of CRPF CoBRA 201 BN lost their lives... CRPF, CoBRA and police reached the spot. The bodies of… https://t.co/o78kZFfnSx pic.twitter.com/IR0PDGBdOo

— ANI (@ANI) June 23, 2024

घटनेची माहिती देताना सुकना जिल्ह्याचे पोलीस अधीक्षक आकाश राव यांनी सांगितले की, रविवारी दुपारी सुकमा जिल्ह्यातील झागरगुंडा भागातील कॅम्प सिल्गे आणि टेकरगुडम दरम्यान तिमापूरजवळ नक्षलवाद्यांनी सुरक्षा कार्यात गुंतलेल्या वाहनांना लक्ष्य केले. या दरम्यान इथे आयईडीचा स्फोट झाला आहे.

यावेळी वाहनात उपस्थित असलेले वाहन चालक विष्णू आणि 201 कोब्रा बटालियनचे कॉन्स्टेबल शैलेंद्र हे शहीद झाले आहेत. घटनेची माहिती मिळताच सीआरपीएफ आणि कोब्रा बटालियनचे पथक तात्काळ घटनास्थळी दाखल झाले. दोन्ही शहीद जवानांचे मृतदेह घटनास्थळावरून बाहेर काढण्यात आले आहेत. सध्या घटनास्थळाच्या परिसरात जवानांकडून जोरदार शोधमोहिम सुरू आहे.

कॅम्प टेकलगुडेमकडे जात होती बटालियन

दरम्यान, या प्रकरणी सुकमाचे एसपी किरण चव्हाण यांच्याकडून मिळालेल्या माहितीनुसार, जगरगुंडा पोलिस स्टेशन हद्दीतील कॅम्प सिल्गर येथून 201 कोब्रा वाहिनीची हालचाल आरओपी अंतर्गत करण्यात आली. ड्युटीवर तैनात असताना ते ट्रक आणि मोटारसायकलने कॅम्प टेकलगुडेमकडे जात होते.

दरम्यान, सुरक्षा दलांना हानी पोहोचवण्याच्या उद्देशाने नक्षलवाद्यांनी कॅम्प सिल्गर ते टेकलगुडेम या मार्गावर आयईडी पेरून ठेवला होता. दुपारी 3 च्या सुमारास 201 कोब्रा कॉर्प्सच्या ट्रकला आयईडीने धडक दिली. त्यामुळे मोठा स्फोट झाला. या स्फोटात ज्यामध्ये चालक आणि सहचालक जागीच शहीद झाले. मात्र, इतर सर्व जवान सुरक्षित असल्याचे त्यांनी सांगितले.

नक्षलवाद्यांच्या बनावट नोटा पकडल्या

शनिवारी, सैनिकांवर हल्ला करण्यापूर्वी, नक्षलवादी बनावट नोटा छापण्याचा आणि खर्च करण्याचा प्रयत्न करत असल्याची माहिती मिळाली असल्याचा दावा सुकमाचे पोलीस अधीक्षक किरण चव्हाण यांनी केला होता.

#WATCH | Sukma, Chhattisgarh: Sukma SP Kiran Chavan says, "On information about the printing of fake currency notes by Naxals, the operation was launched in the area and printers, ink, fake notes were seized..." pic.twitter.com/8Fk08biJFJ

— ANI MP/CG/Rajasthan (@ANI_MP_CG_RJ) June 23, 2024

त्यावर कारवाई करत, 22 जून रोजी जिल्हा दल, डीआरजी बस्तर फायटर आणि 50 CRPF च्या संयुक्त दलाला मैलासोर, कोराजगुडा, दंतेशपुरम आणि आसपासच्या भागात विशेष नक्षल गस्तीसाठी पाठवण्यात आल्याचे त्यांनी सांगितले.

English summary

an incident of naxalites detonating an IED on a troop truck in Silgar area of ​​Sukma has come to light. two jawans were martyred in this ied blast