वेटिंग तिकिटाबाबत रेल्वेने बदलले नियम, रेल्वेचे तिकीट वेटिंगवर आहे? तर हा नवीन नियम जाणून घ्याच!

आपल्या देशात रेल्वेनं प्रवास करणाऱ्या प्रवाशांची संख्या सर्वाधिक आहे. पण, अनेकदा लांब पल्ल्याच्या प्रवासासाठी तिकीट आरक्षित करूनही वेटिंगवर राहावं लागतं, अशा वेळी वेटिंगवर असलेले प्रवासी आरक्षित डब्यातून प्रवास करतात. ही बातमी अशाच प्रवाशांसाठी आहे. रेल्वेनं आपल्या नियमात बदल केलाय. तो काय आहे, हे जाणून घेण्यासाठी हा व्हिडिओ शेवटपर्यंत पाहा...

‌असा आहे नवीन नियम

रेल्वे वेळोवेळी अनेक मार्गदर्शक तत्त्वे जारी करत असते. आता रेल्वे प्रशासनानं वेटिंग तिकिटांवर आरक्षित डब्यांमध्ये प्रवास करण्यास पूर्णपणे बंदी घातलीय. म्हणजेच तुमच्याकडे वेटिंग तिकीट असेल तर तुम्हाला एसी किंवा स्लीपर कोचमध्ये प्रवास करता येणार नाही. जरी तुम्ही स्टेशनवरून तिकीट ऑफलाइन खरेदी केले असेल, सध्या अशा तिकिटांवरही रेल्वेनं आरक्षित डब्यातून प्रवास करण्यास बंदी घातलीय.

का लागू केला नियम

कन्फर्म तिकीट असलेल्या प्रवाशांच्या सोयीसाठी हा निर्णय लागू करण्यात आलाय. पण, यामुळं वेटिंग तिकिटांवर प्रवास करणाऱ्या लाखो प्रवाशांना मोठा त्रास होणार आहे. याबाबत रेल्वेकडून अद्याप कोणतीही अधिकृत घोषणा करण्यात आलेली नाही.

भारतीय रेल्वेचा नियम आहे की जर एखाद्या प्रवाशानं रेल्वे स्टेशनवरून वेटिंग तिकीट खरेदी केले तर तो आरक्षित डब्यातूनही प्रवास करू शकतो. जर तुमच्याकडे एसीचे वेटिंग तिकीट असेल तर तुम्ही एसीमध्ये प्रवास करू शकता आणि जर तुमच्याकडे स्लीपरसाठी वेटिंग तिकीट असेल तर तुम्ही वेटिंग तिकिटावर स्लीपर कोचमध्ये प्रवास करू शकता.

तथापि, ऑनलाइन खरेदी केलेल्या तिकिटांवर आधीच बंदी आहे, कारण ऑनलाइन तिकीट प्रतीक्षा यादीत असल्यास ते आपोआप रद्द होतं. इंग्रजांच्या काळापासून वेटिंग तिकिटावर प्रवास करण्यावर बंदी असली तरी त्याची काटेकोरपणे अंमलबजावणी होत नसल्याचे रेल्वे अधिकाऱ्यांचे म्हणणे आहे.

रेल्वेचा स्पष्ट नियम आहे की जर तुम्ही खिडकीतून तिकीट घेतले असेल आणि ते वेटिंगमध्ये असेल तर ते रद्द करा आणि पैसे परत मिळवा. असे न करता प्रवासी डब्यात चढून प्रवास करतात. परंतु, प्रवाशांची अडचण पाहता सध्या त्याची काटेकोर अंमलबजावणी होत नाही.

जर एखादा प्रवासी वेटिंग तिकिटावर आरक्षित डब्यात प्रवास करताना आढळला, तर TTE त्याला 440 रुपये दंड ठोठावू शकतो आणि त्याला मार्गात ट्रेनमधून खाली उतरवू शकतो. याशिवाय टीटीईला जनरल डब्यातून प्रवासी पाठवण्याचाही अधिकार असल्याचे त्यांचे म्हणणे आहे.